ತಲಾ ಅಜಿತ್ ಎಲ್ರಿಗೂ ಒಬ್ಬ ಸೂಪರ್ ಸ್ಟಾರ್ ಆಗಿಯಷ್ಟೇ ಗೊತ್ತು. ಆದ್ರೆ ಅವ್ರೊಬ್ಬ ಅದ್ಭುತ ವ್ಯಕ್ತಿತ್ವವಿರೋ ವ್ಯಕ್ತಿ. ಲಡಾಖ್ನಲ್ಲಿ ಆತನ ಸರಳ, ಸಜ್ಜನಿಕೆಗೆ ಕ್ಲೀನ್ ಬೋಲ್ಡ್ ಆದ ಕನ್ನಡಿಗ, ಅವ್ರನ್ನ ಇನ್ನಿಲ್ಲದೆ ಕೊಂಡಾಡಿದ್ದಾರೆ. ಇಷ್ಟಕ್ಕೂ ಅಲ್ಲಿ ನಡೆದದ್ದಾದ್ರು ಏನು ಅನ್ನೋ ಇನ್ಸೈಡ್ ಸ್ಟೋರಿ ಇಲ್ಲಿದೆ. ನೀವೇ ಓದಿ.
- ಅನಾಮಿಕನ ಬೈಕ್ ರಿಪೇರಿ ಮಾಡಿದ ಅಜಿತ್ ಸಿಂಪ್ಲಿಸಿಟಿ..!
ಸೌತ್ ಸಿನಿದುನಿಯಾ ಟಾಪ್ ಮೋಸ್ಟ್ ನಟರಲ್ಲಿ ಅಜಿತ್ ಕೂಡ ಒಬ್ರು. ಅವ್ರ ಮ್ಯಾನರಿಸಂಗೆ ಕೋಟ್ಯಂತರ ಅಭಿಮಾನಿಗಳು ಕ್ಲೀನ್ ಬೊಲ್ಡ್ ಆಗಿದ್ದಾರೆ. ಅವ್ರ ಸಿನಿಮಾಗಳ ಫ್ಯಾನ್ಸ್ ಕ್ರೇಜ್ನಾ ಬಾಯಿ ಮಾತಲ್ಲಿ ಹೊಗಳೋಕೆ ಸಾಧ್ಯವಿಲ್ಲ ಬಿಡಿ. ಬಾಕ್ಸ್ ಆಫೀಸ್ ಸುಲ್ತಾನ ಕಾಲಿವುಡ್ ಸೂಪರ್ ಸ್ಟಾರ್ ಅಜಿತ್ ಕೇವಲ ಸಿನಿಮಾಗಳ ಮೂಲಕ ಹೆಸ್ರು ಮಾಡಿಲ್ಲ. ಅವ್ರ ಸಿಂಪ್ಲಿಸಿಟಿಗೆ, ಜೀವನ ಪ್ರೀತಿಗೆ, ಬೈಕ್ ಸುತ್ತಾಟಕ್ಕೆ ಅವರನ್ನು ಮೆಚ್ಚಿ ಅಪ್ಪಿಕೊಂಡವರಿದ್ದಾರೆ.
ಅವರ ಸರಳತೆ, ಅಹಂಕಾರವಿಲ್ಲದ ನಡತೆ, ಸಿಂಪಲ್ ಲೈಫ್ ಸ್ಟೈಲ್ಗೆ ಸಾಕ್ಷಿ ಸಿಕ್ಕಿದೆ. ಆಟಿಟ್ಯೂಡ್ ಇಲ್ಲದ ಅಜಿತ್ ಕಾಮನ್ ಮ್ಯಾನ್ ರೀತಿ ಅನಾಮಿಕನಿಗೆ ಬೈಕ್ ರಿಪೇರಿ ಮಾಡಿಕೊಟ್ಟಿದ್ದಾರೆ. ರಸ್ತೆ ಬದಿಯ ಅಪರಿಚಿತನಿಗೆ ಮಾಡಿದ ಸಹಾಯ ನೆನೆದು ಅಜಿತ್ ಬಗ್ಗೆ ಆ ವ್ಯಕ್ತಿ ಸಾಲು ಸಾಲು ಹೊಗಳಿಕೆಯ ಮಾತನ್ನಾಡಿದ್ದಾರೆ. ನಾನೇ ಅದೃಷ್ಠಶಾಲಿ. ನನ್ನ ಜೀವನ ಸಾರ್ಥಕವಾಯಿತು ಎಂದು ತನ್ನ ಬಗ್ಗೆಯೇ ತಾನು ಹೆಮ್ಮೆ ಪಟ್ಟಿದ್ದಾರೆ.
- ಲಡಾಖ್ ಟ್ರಿಪ್ನಲ್ಲಿ ಮಾನವೀಯತೆ ಮರೆದ ಸ್ಟಾರ್
- ಅಜಿತ್ ಝೀರೋ ಆಟಿಟ್ಯೂಡ್ಗೆ ಮಂಜು ಆಶ್ಚರ್ಯ
ತಲಾ ಅಜಿತ್ಗೆ ಸಾಕಷ್ಟು ಹವ್ಯಾಸಗಳಿವೆ. ಸಿನಿಮಾ ಜತೆಗೆ ಫ್ರೀ ಟೈಮ್ನಲ್ಲಿ ಬೈಕ್ ಏರಿ ದೇಶ ಸುತ್ತುತ್ತಾರೆ. ಇತ್ತೀಚೆಗೆ ಲಡಾಕ್ ಟ್ರಿಪ್ನಲ್ಲಿರೋ ಅಜಿತ್ಗೆ ರಸ್ತೆ ಬದಿಯಲ್ಲಿ ಅನಾಮಿಕ ವ್ಯಕ್ತಿ ಕೈ ಮಾಡಿ ಸಹಾಯ ಬೇಡಿದ್ದಾನೆ. ಫ್ರೆಂಡ್ಸ್ ಜತೆಗಿದ್ದ ಅಜಿತ್ ತಕ್ಷಣ ಬೈಕ್ ನಿಲ್ಲಿಸಿ ಸಮಸ್ಯೆ ಆಲಿಸಿದ್ದಾರೆ. ಜತೆಗೆ 10 ನಿಮಿಷಗಳ ಕಾಲ ಬೈಕ್ ಚೆಕ್ ಮಾಡಿ ರಿಪೇರಿ ಕೂಡ ಮಾಡಿದ್ದಾರೆ. ಇದನ್ನೆಲ್ಲಾ ಸುತ್ತಲು ನೊಡ್ತಿದ್ದವರು ಶಾಕ್ ಆಗಿದ್ದಾರೆ.
ಈ ಸುಂದರ ಕ್ಷಣಗಳನ್ನು ಮೂಖ ಪ್ರೇಕ್ಷಕನಂತೆ ನೋಡ್ತಾ ನಿಂತಿದ್ದು ಮಂಜು ಕಶ್ಯಪ್. ಯೆಸ್.. ತನ್ನ ಬೈಕ್ ರಿಪೇರಿ ಮಾಡಿ, ಜತೆಗೆ ರೋಡ್ ಟ್ರಿಪ್ ಬಗ್ಗೆ ಕೆಲಹೊತ್ತು ಮಾತನಾಡಿ. ತರಲೆ ತಮಾಷೆ ಜತೆ ಟೀ ಕುಡಿದ ಅಜಿತ್ ಕಂಡು ಮಂಜು ಕಶ್ಯಪ್ ಮಂತ್ರಮುಗ್ಧವಾಗಿದ್ದರು. ಅವರ ಮೇಲಿದ್ದ ನನ್ನೆಲ್ಲಾ ಅಭಿಪ್ರಾಯ ಬದಲಾಯ್ತು. ನಾನು ಈ ದಿನ ಮರೆಯಲಾರೆ. ಎಂದು ಮಂಜು ಬರೆದುಕೊಂಡಿದ್ದಾರೆ. ಜತೆಗೆ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಫೋಟೋ ಕೂಡ ಶೇರ್ ಮಾಡಿದ್ದಾರೆ.
ಅಜಿತ್ ಬೈಕ್ ಮೇಲಿನ ಪ್ರೀತಿ ಎಲ್ರಿಗೂ ಗೊತ್ತಿದೆ. ಅವರ ಅಡ್ವೆಂಚರಸ್ ಜರ್ನಿ ಬಗ್ಗೆ ಫ್ಯಾನ್ಸ್ ಕೂಡ ಜೈಕಾರ ಹಾಕಿದ್ದಾರೆ. ಇದ್ರ ಜತೆಯಲ್ಲಿ ಪೈಲಟ್ ಲೈಸೆನ್ಸ್ ಕೂಡ ಅಜಿತ್ ಹೊಂದಿದ್ದಾರೆ. ಇದೀಗ ತಲಾ ಬೈಕ್ ವಿಚಾರದಲ್ಲಿ ಎಕ್ಸ್ಪರ್ಟ್ ಮೆಕಾನಿಕ್ ಅನ್ನೋದನ್ನು ಪ್ರೂವ್ ಮಾಡಿದ್ದಾರೆ. ಕೋಟ್ಯಂತರ ಅಭಿಮಾನಿಗಳ ಮೆಚ್ಚಿನ ನಟ ಯಾವುದೇ ಜಂಬ ಇಲ್ಲದೇ ಬೈಕ್ ರಿಪೇರಿ ಮಾಡಿಕೊಟ್ಟು ಅಮೂಲ್ಯ ಸಮಯ ಕಳೆದದ್ದಕ್ಕೆ ಎಲ್ಲ ಕಡೆ ಪ್ರಶಂಸೆಯ ಮಾತುಗಳು ಹರಿದು ಬರ್ತಿವೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
