ಸೌತ್ ಸಿನಿದುನಿಯಾದಿಂದ ಮತ್ತೊಂದು ಬ್ಲಾಕ್ ಬಸ್ಟರ್ ಸಿನಿಮಾ ಇತಿಹಾಸ ಬರೆಯಲಿದೆ. ಯೆಸ್.. ಚೋಳ ಸಾಮ್ರಾಜ್ಯದ ಗತವೈಭವವನ್ನು ತೆರೆಯ ಮೇಲೆ ತರೋಕೆ ಕ್ಯಾಪ್ಟನ್ ಆಫ್ ದಿ ಶಿಪ್ ಮಣಿರತ್ನಂ ಸಿಕ್ಕಾಪಟ್ಟೆ ಕಸರತ್ತು ಮಾಡಿದ್ದಾರೆ. ಇದೀಗ ಮಣಿರತ್ನಂ ಕನಸಿನ ಕೂಸು PS1 ಚಿತ್ರಕ್ಕೆ ಸ್ಯಾಂಡಲ್ವುಡ್ ಸಲಗ ಕೂಡ ಸಾಥ್ ನೀಡಿದ್ದು, ಮನಸಾರೆ ಹರಸಿದ್ದಾರೆ. ಸಿನಿಮಾ ಬಗ್ಗೆ ಬ್ಲಾಕ್ ಕೋಬ್ರಾ ಹೇಳಿದ್ದೇನು..? ನೀವೇ ಓದಿ.
- ಮೇಕಿಂಗ್ ಸ್ಟೈಲ್ಗೆ ಬಿಗ್ ಫ್ಯಾನ್ ಅಂದ್ರು ಬ್ಲಾಕ್ ಕೋಬ್ರಾ
ದಕ್ಷಿಣ ಭಾರತದ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಹಲ್ಚಲ್ ಎಬ್ಬಿಸಿರುವ ಸಿನಿಮಾ ಪೊನ್ನಿಯನ್ ಸೆಲ್ವನ್. ಟ್ರೈಲರ್ ಮೂಲಕ ವಾವ್ಹ್ ಫೀಲ್ ಕೊಟ್ಟ ಮೈ ನವಿರೇಳಿಸುವ ಇತಿಹಾಸದ ಕಥೆ. ಟ್ರೈಲರ್ಗೆ ಸಿನಿರಸಿಕರ ಎದೆ ಬಡಿತ ಜೋರಾಗಿದೆ. ರಿಚ್ ಮೇಕಿಂಗ್, ಬ್ಯೂಟಿಫುಲ್ ಲೊಕೇಷನ್ಸ್ಗಳ ಮೂಲಕ ರೋಚಕ ಚೋಳ ಸಾಮ್ರಾಜ್ಯದ ಗತವೈಭವವನ್ನು ತೆರೆದಿಡೋಕೆ ಸಿನಿಮಾಂತ್ರಿಕ ಮಣಿರತ್ನಂ ಸಜ್ಜಾಗಿದ್ದಾರೆ.
ಎರಡು ಭಾಗಗಳಲ್ಲಿ ತೆರೆಗೆ ಬರಲಿರೋ PS1 ಸಿನಿಮಾಗೆ ಸ್ಯಾಂಡಲ್ವುಡ್ ಸಲಗ ಸಾಥ್ ನೀಡಿದ್ದಾರೆ. ಬೊಂಬಾಟ್ ರೆಸ್ಪಾನ್ಸ್ ಸಿಕ್ಕಿರೋ ಪೊನಿಯನ್ ಸೆಲ್ವನ್ ಟ್ರೈಲರ್ ನೋಡಿ ದುನಿಯಾ ವಿಜಯ್ ಕೂಡ ಖುಷಿ ವ್ಯಕ್ತಪಡಿಸಿದ್ದಾರೆ. ನಾನು ಮಣಿರತ್ನಂ ಅವ್ರ ಬಿಗ್ ಫ್ಯಾನ್. ಅವ್ರ ಸಿನಿಮಾ ಗೆಲ್ಲಬೇಕು. ಮೊದಲ ಬಾರಿಗೆ ದೊಡ್ಡ ಕಥೆಯನ್ನು ಹೇಳೋಕೆ ಹೊರಟಿದ್ದಾರೆ. ನಾನು ಸಿನಿಮಾ ತಪ್ಪದೇ ನೋಡ್ತೀನಿ ಎಂದ್ರು.
- ಮಾನ್ಸೂನ್ ವೇದಿಕೆಯಲ್ಲಿ ಮಣಿರತ್ನಂ ದರ್ಬಾರ್
- ದುನಿಯಾ ವಿಜಿ ಮಾತಿಗೆ ಕೈ ಮುಗಿದ ಸುಹಾಸಿನಿ..!
ಭಾರತೀಯ ಇತಿಹಾಸದ ಶ್ರೇಷ್ಠ ಆಡಳಿತಗಾರ ರಾಜ ರಾಜ ಚೋಳನ ಕಥೆಯನ್ನು ಮಣಿರತ್ನಂ ಹೇಳಲು ಹೊರಟಿದ್ದಾರೆ. ಪೊನ್ನಿಯನ್ ಸೆಲ್ವನ್ ಸಿನಿಮಾ ಸೆ.30ಕ್ಕೆ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ತೆರೆಗೆ ಬರಲಿದೆ. 500 ಕೊಟಿ ಬಜೆಟ್ನಲ್ಲಿ ಎರಡು ಭಾಗಗಳಲ್ಲಿ PS1 ಸಿನಿಮಾ ಅಬ್ಬರಿಸಲಿದೆ. ಐಶ್ವರ್ಯಾ ರೈ ಕೂಡ ಸಿನಿಮಾದಲ್ಲಿದ್ದು ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಮೂಡಿಸಿದೆ.
ವಿಕ್ರಮ್. ಜಯಮ್ ರವಿ, ಕಾರ್ತಿ. ತ್ರಿಶಾ, ಹೀಗೆ ಘಟಾನುಘಟಿ ಕಲಾವಿದ್ರ ಸಮಾಗಮದಲ್ಲಿ ಸಿನಿಮಾ ಮೂಡಿ ಬಂದಿದ್ದು ರಿಲೀಸ್ಗೆ ಕೌಂಟ್ಡೌನ್ ಶುರುವಾಗಿದೆ. ಈ ನಡುವೆ ಮಾನ್ಸೂನ್ ರಾಗ ಪ್ರೀ ರಿಲೀಸ್ ಇವೆಂಟ್ನಲ್ಲಿ ಪೊನಿಯನ್ ಸೆಲ್ವನ್ ಸಿನಿಮಾದ ಕಹಳೆ ಮೊಳಗಿದೆ. ಮಣಿರತ್ನಂ ಅವ್ರ ಪತ್ನಿ ಸುಹಾಸಿನಿ ಎದ್ರು ದುನಿಯಾ ವಿಜಿ PS1 ಸಿನಿಮಾವನ್ನು ಹಾಡಿ ಕೊಂಡಾಡಿದ್ದಾರೆ. ನನ್ನ ಕಡೆಯಿಂದ ತಪ್ಪದೇ ಮಣಿರತ್ನಂ ಅವರ ಸಿನಿಮಾಗೆ ವಿಶ್ ತಿಳಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಸುಹಾಸಿನಿ ವಿನಯದಿಂದ, ವಿಜಯ್ಗೆ ಕೈ ಮುಗಿದಿದ್ದಾರೆ.
ಅಂತೂ ದಕ್ಷಿಣ ಭಾರತದ ಸಿನಿಮಾಗಳ ದರ್ಬಾರ್ ಶುರುವಾಗಿದೆ. ಬಿಗ್ಗೆಸ್ಟ್ ಹೈವೋಲ್ಟೇಜ್ ಸಿನಿಮಾ ಪೊನ್ನಿಯನ್ ಸೆಲ್ವನ್ ಚಿತ್ರದ ಮೇಲೆ ಸಹಜವಾಗಿ ನಿರೀಕ್ಷೆಗಳು ಗರಿಗೆದರಿವೆ. ಇದೀಗ ಸ್ಯಾಂಡಲ್ವುಡ್ ಸಲಗ ದುನಿಯಾ ವಿಜಯ್ ಮಾತುಗಳಿಂದ ಸಿನಿಮಾ ಮೇಲಿನ ಕುತೂಹಲ ದುಪ್ಪಟ್ಟಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
