ಎಮ್.ಆರ್.ಪಿ ಅನ್ನೋ ಕ್ಯಾಚಿ ಟೈಟಲ್ ಮೇಲೆ ವಿಭಿನ್ನ ಸಿನಿಮಾ ತೆರೆಗೆ ಬರ್ತಿದೆ. ಪಕ್ಕಾ ಕಾಮಿಡಿ ಜಾನರ್ನಲ್ಲಿ ಕಮಾಲ್ ಮಾಡ್ತಿರೋ ಎಮ್ಆರ್ಪಿ ಚಿತ್ರದ ಟ್ರೈಲರ್ ನಕ್ಕು ನಗಿಸುತ್ತದೆ. ಇದೀಗ ಈ ಚಿತ್ರದ ಹಾಡಿಗೆ ಅಪ್ಪು ಸಾಥ್ ನೀಡಿದ್ದು, ಸಿಕ್ಕಾಪಟ್ಟೆ ಫನ್ ನೀಡ್ತಿದೆ. ದೇವರು ನೀಡಿದ ಗಜಕೇಸರಿ ಆಕಾರಕ್ಕೆ ಚಿತ್ರಪ್ರೇಮಿಗಳು ಫಿದಾ ಆಗಿದ್ದು ಸಖತ್ ಸೌಂಡ್ ಮಾಡ್ತಿದೆ. ಯೆಸ್.. ಹೇಗಿದೆ ಎಮ್ಆರ್ಪಿ ಕ್ಯಾಚಿ ಸಾಂಗ್..? ನೀವೇ ಓದಿ.
- ಗಜಕೇಸರಿ ಭಾವದಲ್ಲಿ ಹರಿಯ ಬಿಂದಾಸ್ ಕಾಮಿಡಿ ಕಿಕ್ಕು
ಕನ್ನಡ ಸಿನಿ ಇತಿಹಾಸದಲ್ಲಿ ಮ್ಯಾಜಿಕ್ ಮಾಡಿದ್ದ ಫ್ರೆಂಡ್ಸ್ ಸಿನಿಮಾ ಯಾರಿಗೂ ಮರೆಯೋಕೆ ಸಾಧ್ಯವಿಲ್ಲ. ಈ ಸಿನಿಮಾದಲ್ಲಿ ನಟಿಸಿದ್ದ ಹರಿ ರೋಲ್ಗೆ ಸಿನಿರಸಿಕರು ನಕ್ಕು ನಕ್ಕು ಸುಸ್ತಾಗಿದ್ರು. ಗಣಪನ ಹೊಟ್ಟೆ ಬಿಟ್ಕೊಂಡು, ಆನೆ ಗಾತ್ರದಲ್ಲಿದ್ದ ಹರಿಯ ಆ್ಯಕ್ಟಿಂಗ್ಗೆ ಫ್ಯಾನ್ಸ್ ಮೆಚ್ಚಿಕೊಂಡಿದ್ರು. ಇದಾದ ನಂತ್ರ ದೇವರು ವರವನು ಕೊಟ್ರೆ ಚಿತ್ರದ ಮೂಲಕವೂ ನಗೆಯ ನಶೆ ಹಿಡಿಸಿದ್ದ ಕಾಮಿಡಿಯನ್ ಹರಿ. ಇದೀಗ ಮೊದಲ ಬಾರಿಗೆ ನಾಯಕನಾಗಿ ಸಿಲ್ವರ್ ಸ್ಕ್ರೀನ್ ತಮ್ಮ ಟ್ಯಾಲೆಂಟ್ ಪ್ರೂವ್ ಮಾಡೋಕೆ ಬರ್ತಿದ್ದಾರೆ.
ಯೆಸ್.. ಅಂದ ಚಂದ, ಕಟ್ಟು ಮಸ್ತಾದ ದೇಹ, ಹುರಿಗೊಳಿಸಿದ ಮೈ ಕೈ ಇದ್ರೆ ಮಾತ್ರ ಹೀರೋ ಅನ್ನೋ ಕಾಲ ಬದ್ಲಾಗಿದೆ. ಹೀಗೆನಿದ್ರೂ ಕಂಟೆಂಟ್ ಕಥೆಗಳಿಗೆ, ಅದ್ಭುತ ನಟನೆಗೆ ಪ್ರೇಕ್ಷಕ ಹುಡುಕಿಕೊಂಡು ಬರ್ತಾನೆ. ಇದೀಗ ಚೊಚ್ಚಲ ಸಿನಿಮಾದಲ್ಲೆ ನಟ ಹರಿ ಸಖತ್ ನಿರೀಕ್ಷೆ ಮೂಡಿಸಿದ್ದಾರೆ. ಲೇಟ್ ಆದ್ರೂ ಲೆಟೆಸ್ಟ್ ಆಗಿ ತೆರೆಗೆ ಬರಲಿರೋ ಎಮ್ಆರ್ಪಿ ಸಿನಿಮಾಗೆ ಯುವರತ್ನ ಅಪ್ಪು ಕೂಡ ಸಾಥ್ ನೀಡಿದ್ದಾರೆ. ಮೋಸ್ಟ್ ರೆಸ್ಪಾನ್ಸಿಬಲ್ ಪರ್ಸನ್ಗೆ ಅಪ್ಪು ಬೆಂಬಲ ಸೂಚಿಸಿದ್ದು ತಪ್ಪದೇ ಸಿನಿಮಾ ನೋಡುವಂತೆ ಮನವಿ ಮಾಡಿದ್ದಾರೆ.
- ಅಪ್ಪುಗೆ ಸಿಕ್ಕಾಪಟ್ಟೆ ಹಿಡಿಸಿದ MRP ಹಿಟ್ ಸಾಂಗ್
- ಡುಮ್ಮಣ್ಣ ಹರಿಗೆ ಜೋಡಿಯಾಗಿ ಚೈತ್ರಾ ಜೋಶ್
ಎಮ್ಎನ್ವೈ ಪ್ರೊಡಕ್ಷನ್, ಎಮ್. ಡಿ ಶ್ರೀಧರ್ ಹಾಗೂ ಎ.ವಿ ಕೃಷ್ಣಕುಮಾರ್ ನಿರ್ಮಾಣದಲ್ಲಿ ಮೂಡಿ ಬರ್ತಿರೋ ಸಿನಿಮಾ ಎಮ್ಆರ್ಪಿ. ಬಾಹುಬಲಿ ನಿರ್ದೇಶನದಲ್ಲಿ ಸಿಕ್ಕಾಪಟ್ಟೆ ಜನಮನ್ನಣೆ ಪಡೆದಿರೋ ಎಮ್ಆರ್ಪಿ ಚಿತ್ರದ ಮೊದಲ ಹಾಡಿಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ದೇವತಾ ಮನುಷ್ಯ, ಬಂಗಾರ ಸನ್ ಆಫ್ ಬಂಗಾರದ ಮನುಷ್ಯ ಅಪ್ಪು ಅವ್ರ ಆಶೀರ್ವಾದದೊಂದಿದೆ ಚೊಚ್ಚಲ ಹಾಡನ್ನು ರಿಲೀಸ್ ಮಾಡಲಾಗಿದೆ. ಈ ಹಾಡು ನೋಡಿ ಅಪ್ಪು ಸಿಕ್ಕಾಪಟ್ಟೆ ಮೆಚ್ಚಿಕೊಂಡಿದ್ದಾರೆ. ನಾಗೇಂದ್ರ ಪ್ರಸಾದ್ ಸಾಹಿತ್ಯ, ಸಂಚಿತ್ ಹೆಗಡೆ ಗಾಯನದಲ್ಲಿ ಹಾಡು ಸೂಪರ್ ಹಿಟ್ ಆಗಿದೆ.
ದೇವರು ಮಾಡಿದ,ದೇವರು ನೀಡಿದ ಆಕಾರ ಹಾಡಿನಲ್ಲಿ ನಗು ತರಿಸುವ ಸಾಕಷ್ಟು ಸೀನ್ಗಳಿವೆ. ದಪ್ಪಗೆ ಇದ್ರೆ ಯಾಕೆ ನಗ್ತೀರಾ. ಗಣೇಶನಿಗೆ ಎಲ್ಲಾ ಕಡೆ ಜೈಕಾರ. ದಪ್ಪ ದಪ್ಪ ಅನ್ಬೇಡಿ, ನಮ್ಮ ಹಾಗೆ ಯಾರು ಇಲ್ಲ ಭೂಮಿ ತೂಕದವ್ರು ಅನ್ನೋ ಸಾಲುಗಳು ನಗು ತರಿಸುತ್ತವೆ. ಒಟ್ನಲ್ಲಿ ಸಿಕ್ಕಾಪಟ್ಟೆ ದಪ್ಪ ಇರೋ ನಾಯಕನ ಲೈಫ್ನಲ್ಲಿ ಆಗೋ ಕಾಮಿಡಿ ಸನ್ನಿವೇಶಗಳ ಮೇಲೆ ಈ ಸಿನಿಮಾ ಇರಲಿದೆ. ಈಗಾಗ್ಲೇ ಟ್ರೈಲರ್ನಲ್ಲಿ ಕಾಮಿಡಿ ಕಿಕ್ಕಿಗೆ ಪ್ರೇಕ್ಷಕ ಕೂಡ ಥ್ರಿಲ್ ಆಗಿದ್ದಾನೆ.
ಸದ್ಯದಲ್ಲೇ ಎಮ್ಆರ್ಪಿ ಸಿನಿಮಾ ತೆರೆಗೆ ಬರಲಿದೆ. ಜತೆಗೆ ಹರಿಗೆ ಜೋಡಿಯಾಗಿರೋ ಚೈತ್ರಾ ರೆಡ್ಡಿ ಕೂಡ ಮುದ್ದಾಗಿದ್ದು, ಅಜಗಜಾಂತರ ವ್ಯತ್ಯಾಸವಿರೋ ಈ ಜೋಡಿಯ ಪ್ರೇಮಕಥೆಯನ್ನು ನೋಡೋ ಉತ್ಸಾಹ ದುಪ್ಪಟ್ಟಾಗಿದೆ. ಟ್ರೈಲರ್ನಲ್ಲಿ ಆ್ಯಕ್ಷನ್, ಕಾಮಿಡಿ, ಲವ್, ಎಮೋಷನ್ ಎಲ್ಲವೂ ಡಬಲ್ ಆಗಿದ್ದು ಚಿತ್ರರಸಿಕರಿಗೆ ಇಷ್ಟವಾಗೋದ್ರಲ್ಲಿ ನೋ ಡೌಟ್. ಎನಿವೇ, ಅಪ್ಪು ಬ್ಲೆಸ್ಸಿಂಗ್ ಇರೋ ಎಮ್ಆರ್ಪಿ ಚಿತ್ರಕ್ಕೆ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಆರುಂಡಿ,ಫಿಲ್ಮ್ ಬ್ಯೂರೋ, ಪವರ್ ಟಿವಿ
