ಬೆಂಗಳೂರು: ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ‘ಕಬ್ಜ’ ಟೀಸರ್ ಯೂಟ್ಯೂಬ್ನಲ್ಲಿ ಎರಡು ಕೋಟಿಗೂ ಅಧಿಕ ವೀವ್ಸ್ ಪಡೆದು ದಾಖಲೆ ಮಾಡಿದೆ.
ಕೆಜಿಎಪ್ನಂತೆ ಕನ್ನಡ ಇನ್ನೊಂದು ಸಿನಿಮಾ ದಾಖಲೆ ಮಟ್ಟದಲ್ಲಿ ವೀವ್ಸ್ ಪಡೆದಿದ್ದು, ಕಬ್ಜ ನಿನ್ನೆ ಕೋಟಿ ವೀಕ್ಷಕರಿಂದ ಹಿಟ್ಸ್ ಪಡೆದಿತ್ತು. ಇಂದು ಸೆ.10 (ಎರಡೇ ದಿನದಲ್ಲಿ) ಕಬ್ಜ ಟೀಸರ್ ಗೆ ಎರಡು ಕೋಟಿ ದಾಖಲೆ ಮಟ್ಟದಲ್ಲಿ ವೀವ್ಸ್ ಪಡೆದು, ಯೂಟ್ಯೂಬ್ನಲ್ಲಿ ದಾಖಲೆಯ ನಾಗಾಲೋಟ ಹಾಕುತ್ತಿದೆ.
ಈ ಸಿನಿಮಾವನ್ನ 100 ಕೋಟಿ ರೂ ವೆಚ್ಚದಲ್ಲಿ ಆರ್ ಚಂದ್ರು ನಿರ್ದೇಶಿಸಿ, ನಿರ್ಮಿಸ್ತಿದ್ದಾರೆ. ಪ್ರಮುಖ ಪಾತ್ರದಲ್ಲಿ ನಟ ಉಪೇಂದ್ರ ಜೊತೆ ನಟ ಕಿಚ್ಚ ಸುದೀಪ್ ನಟಿಸಿದ್ದಾರೆ. ನಟಿ ಶ್ರಿಯಾ ಸರಣ್ ಈ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.
ಕಬ್ಜ 1940 ರಿಂದ 1980ರ ಕಾಲಘಟ್ಟದಲ್ಲಿ ನಡೆಯೋ ಭೂಗತಲೋಕದ ಕಥೆಯಾಗಿದೆ. ಕನ್ನಡದ ಜೊತೆ ಏಳು ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. ಈ ಸಿನಿಮಾ ಮೇಕಿಂಗ್ ಗೆ ಪ್ಯಾನ್ ಇಂಡಿಯಾ ಸಿನಿರಸಿಕರು ಥ್ರಿಲ್ ಆಗಿದ್ದಾರೆ.
