ಕೆಜಿಎಫ್ ನಂತ್ರ ರಾಕಿಭಾಯ್ ಯಶ್ ಏನೇ ಮಾಡಿದ್ರೂ ಟ್ರೆಂಡ್. ಅವ್ರ ಯುನಿಕ್ ಸ್ವ್ಯಾಗ್ನ ಎಲ್ರೂ ಫಾಲೋ ಮಾಡುವಂತಾಗಿದೆ. ಇತ್ತೀಚೆಗೆ ಸೈಮಾದಲ್ಲಿ ಸ್ಯಾಂಡಲ್ವುಡ್ ಸಿಂಡ್ರೆಲಾ ಜೊತೆ ರಾಕಿಂಗ್ ಹೆಜ್ಜೆ ಹಾಕಿದ ಭಾಯಿಜಾನ್, ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸಿದ್ದಾರೆ. ಅದೇನು ಅನ್ನೋದ್ರ ಜೊತೆ ಒಂದಷ್ಟು ಲೇಟೆಸ್ಟ್ ಸ್ಯಾಂಡಲ್ವುಡ್ ಅಪ್ಡೇಟ್ಸ್ ಕೊಡ್ತೀವಿ. ನೀವೇ ಓದಿ.
- ದೇಸಿ ಉಡುಗೆಯಲ್ಲಿ ಮಿರ ಮಿರ ಮಿಂಚಿದ ಭಾಯಿಜಾನ್
ಸಾವಿರ ಕೋಟಿಯ ಸರದಾರನಾಗಿ ಬಾಕ್ಸ್ ಆಫೀಸ್ ದಾಖಲೆಗಳನ್ನ ಪುಡಿ ಪುಡಿ ಮಾಡಿದ ನಟ ರಾಕಿಭಾಯ್. ಕೆಜಿಎಫ್ ನಂತ್ರ ಸ್ಯಾಂಡಲ್ವುಡ್ನ ಚಹರೆಯನ್ನೆ ಬದಲು ಮಾಡಿದ ಸುಲ್ತಾನ. ದುಬೈ, ಮಲೇಷಿಯಾದಂತಹ ದೊಡ್ಡ ದೊಡ್ಡ ನಗರಗಳಲ್ಲಿ ನಡಿತಿದ್ದ ಸೈಮಾ ಅವಾರ್ಡ್ ಸಮಾರಂಭಗಳು ಇಂದು ಸಿಲಿಕಾನ್ ಸಿಟಿಗೆ ಬರ್ತಿವೆ. ಇದಕ್ಕೆಲ್ಲಾ ರಾಕಿಭಾಯ್ ಸೆಟ್ ಮಾಡಿರೋ ಟ್ರೆಂಡ್ ಕಾರಣ ಎನ್ನಲಾಗ್ತಿದೆ. ಅದೇನೆ ಇರಲಿ, ರಾಮಾಚಾರಿ ಜೋಡಿಯ ಸೈಮಾ ದೇಸಿ ಲುಕ್ ಸಖತ್ ವೈರಲ್ ಆಗಿದೆ.
ಸೌತ್ ಸಿನಿದುನಿಯಾದ ಸೂಪರ್ ಸ್ಟಾರ್ಗಳ ಸಂಗಮದಲ್ಲಿ ಮಿಂದೆದ್ದ ಸೈಮಾ ಅದ್ಧೂರಿಯಾಗಿ ನಡೆಯಿತು. ಎಲ್ರೂ ಕಲರ್ಫುಲ್ ಅಟ್ರಾಕ್ಟಿವ್ ಲುಕ್ನಲ್ಲಿ ಮಿಂಚಿದ್ರು. ಇದೇ ವೇಳೆ ರಾಮಾಚಾರಿ ಜೋಡಿ ದೇಸಿ ಲುಕ್ನಲ್ಲಿ ಎಂಟ್ರಿ ಕೊಟ್ಟು ಸರ್ಪ್ರೈಸ್ ಕೊಟ್ಟಿತ್ತು. ಇದೀಗ ಇದೇ ಕಾಸ್ಟ್ಯೂಮ್ಸ್ನಲ್ಲಿ ರಾಕಿಂಗ್ ಜೋಡಿ ಫೋಟೊಶೂಟ್ ಮಾಡಿಸಿದ್ದು ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ ಸೆಟ್ ಮಾಡಿದೆ.
ಪ್ರೀತಿಸಿ ಮದ್ವೆಯಾದ ಮುದ್ದು ಜೋಡಿ ಇದು. ರಾಜಾಹುಲಿ ಸಿನಿಮಾಗಳಲ್ಲಿ ಆ್ಯಕ್ಟಿವ್ ಆಗಿ ಸಿನಿ ಇಂಡಸ್ಟ್ರಿ ರೂಲ್ ಮಾಡ್ತಿದ್ರೆ, ರಾಧಿಕಾ ಮಕ್ಕಳ ಹಾರೈಕೆಯಲ್ಲಿ ಬ್ಯುಸಿಯಾಗಿದ್ದಾರೆ. ಸೈಮಾ ಸಮಾರಂಭಕ್ಕೆ ಸ್ಯಾರಿ ತೊಟ್ಟು ರಾಧಿಕಾ ಮಿಂಚಿದ್ರೆ, ರಾಕಿಭಾಯ್ ವೈಟ್ ಅಂಡ್ ವೈಟ್ನಲ್ಲಿ ದೇಸಿ ತೊಡುಗೆಯಲ್ಲಿ ಎಲ್ಲರ ಗಮನ ಸೆಳೆದ್ರು. ಅಂತೂ ಎಲ್ಲರ ಚಿತ್ತ ರಾಕಿಂಗ್ ಜೋಡಿಯತ್ತ ನೆಟ್ಟಿತ್ತು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ ,ಪವರ್ ಟಿವಿ
