ಬೆಂಗಳೂರು: ಭರಾಟೆ ಬೆಡಗಿ ಶ್ರೀಲೀಲಾ ಹೆಸ್ರು ಕೇಳ್ತಿದ್ದ ಹಾಗೆ ಪಡ್ಡೆ ಹೈಕಳ ಕಿವಿ ನೆಟ್ಟಗಾಗುತ್ತದೆ. ತಮ್ಮ ಮೋಹಕ ಸೌಂದರ್ಯದಿಂದಲೇ ಕನ್ನಡ, ತೆಲುಗು ಭಾಷೆಗಳಲ್ಲಿ ಮಿಂಚುತ್ತಿರುವ ನಟಿ ಶ್ರೀಲೀಲಾ. ಇದೀಗ ನಟಿ ಶ್ರೀಲೀಲಾ ಫ್ಯಾಮಿಲಿ ಕಿರಿಕ್ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಗುಂಡಾಗಿರಿ ಆರೋಪದಲ್ಲಿ ಶ್ರೀಲೀಲಾ ತಾಯಿಯ ಮೇಲೆ ಎಫ್ಐಆರ್ ದಾಖಲಾಗಿದೆ.
ನೂರಾರು ಕೋಟಿ ಡೀಲ್ ಮಾಡಲು ಹೋದ ನಟಿ ಶ್ರೀಲೀಲಾ ತಾಯಿ ಸ್ವರ್ಣಲತಾ, ಪೊಲೀಸ್ ಪ್ರಕರಣದಲ್ಲಿ ಸಿಲುಕಿದ್ದಾರೆ. ಉನ್ನತ ಸ್ಥಾನದಲ್ಲಿರುವ ಖ್ಯಾತ ಗೈನಕಾಲಜಿಸ್ಟ್ ಸ್ವರ್ಣಲತಾ ಮೇಲೆ ಗುಂಡಾಗಿರಿ ಆರೋಪ ಕೇಳಿ ಬಂದಿದೆ. ಗುಂಪು ಕಟ್ಟಿಕೊಂಡು, ಬಂದೂಕು ಹಿಡಿದು ಅಲಯನ್ಸ್ ವಿವಿಗೆ ನುಗ್ಗಿ ಗಲಾಟೆ ಮಾಡಿರುವ ಆರೋಪ ಕೇಳಿಬಂದಿದ್ದು ಎಫ್ಐಆರ್ ಕೂಡ ದಾಖಲಾಗಿದೆ.
ಆನೇಕಲ್ನ ಅಲಯನ್ಸ್ ವಿವಿಯನ್ನು ಖ್ಯಾತ ರಾಜಕಾರಣಿಗೆ ಮಾರಾಟ ಮಾಡಲು ಸ್ವರ್ಣಲತಾ ಡೀಲ್ ಕುದುರಿಸಿದ್ದಾರೆ. ಮಧುಕರ್ ಅಂಗೋರ್ನಿಂದ ರಾಜಕಾರಣಿಗೆ ಮಾರಾಟ ಮಾಡಲು ಯತ್ನಿಸಿದ್ದ ಸ್ವರ್ಣಲತಾ, ಗೂಂಡಾ ಗುಂಪು ಕಟ್ಟಿಕೊಂಡು ವಿವಿಗೆ ನುಗ್ಗಿ ಬಂದೂಕು ಹಿಡಿದು ಎದರಿಸಿದ್ದಾರೆ ಎನ್ನಲಾಗ್ತಿದೆ. ಆದ್ರೆ, ವಿವಿಯ ಆಸ್ತಿ ಅಂಗೋರ್ ವಶದಲ್ಲಿಲ್ಲ ಎನ್ನಲಾಗ್ತಿದೆ. ಇದೀಗ ಸ್ವರ್ಣಲತಾ ಮೇಲೆ ಎಫ್ಐಆರ್ ದಾಖಲಾಗಿದ್ದು ಆರೋಪಿ ನಂಬರ್ 02 ಆಗಿದ್ದಾರೆ. ಅಂಗೂರ್ ಈಗಾಗಲೇ ಪೊಲೀಸರ ವಶದಲ್ಲಿದ್ದಾನೆ.
ಕೈಗೆ ಸಿಗದೆ ಸ್ವರ್ಣಲತಾ ಎಸ್ಕೇಪ್.. ಪೊಲೀಸ್ ಹುಡುಕಾಟ
ಅಮ್ಮನ ಕಿರಿಕ್ನಿಂದ ನಟಿ ಶ್ರೀಲೀಲಾ ಸಿನಿಜರ್ನಿಗೆ ಕಪ್ಪುಚುಕ್ಕೆ
ನೂರಾರು ಕೋಟಿ ಡೀಲ್ ಮಾಡಲು ಹೋಗಿದ್ದ ಸ್ವರ್ಣಲತಾ ವಿರುದ್ದ ಆರೋಪ ಕೇಳಿ ಬರ್ತಿದ್ದಂತೆ ಎಸ್ಕೇಪ್ ಆಗಿದ್ದಾರೆ. ಸೆ.10 ರಂದು ಮುಂಜಾನೆ 11 ಗಂಟೆಗೆ ಅಡ್ಮಿನ್ ಬ್ಲಾಕ್ಗೆ ನುಗ್ಗಿ ಬೇಕಾಬಿಟ್ಟಿ ಗಲಾಟೆ ಮಾಡಿದ್ದಾರೆ ಎನ್ನಲಾಗ್ತಿದೆ. ಅಸಭ್ಯವಾಗಿ ಗುಂಡಾವರ್ತನೆ ತೋರಿದ ಆರೋಪಿಗಳ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ತೆಗೆದುಕೊಳ್ಳುವಂತೆ ವಿವಿಯ ರಿಜಿಸ್ಟ್ರಾರ್ ಡಾ.ನಿವೇದಿತಾ ಮಿಶ್ರಾ ಆನೇಕಲ್ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಿಸಿದ್ದಾರೆ.
ಇತ್ತ ಎಫ್ಐಆರ್ ದಾಖಲಾಗ್ತಿದ್ದಂತೆ ನಟಿ ಶ್ರೀಲೀಲಾ ತಾಯಿ ಸ್ವರ್ಣಲತಾ ಪರಾರಿಯಾಗಿದ್ದಾರೆ. ಸದ್ಯ ಪೊಲೀಸರ ಹುಡುಕಾಟ ನಡಿತಿದ್ದು, ಬಂಧಿಸುವ ಪ್ರಯತ್ನ ನಡೆಯುತ್ತಿದೆ. ಮಧುಕರ್ ಅಂಗೂರ್ ಸೇರಿ ಕೆಲವರನ್ನೂ ಬಂಧಿಸಲಾಗಿದ್ದು ಕೆಲವರ ಹುಡುಕಾಟ ನಡೀತಿದೆ.
ಇತ್ತ ಗೊಂಡಾ ವರ್ತನೆಯ ಆರೋಪ ಕೇಳಿ ಬರ್ತಿದ್ದಂತೆ ನಟಿ ಶ್ರೀಲೀಲಾ ಇಸನಿ ಕರಿಯರ್ಗೆ ಕಪ್ಪು ಚುಕ್ಕೆ ಬಿದ್ದಿದೆ. ಮಾದ್ಯಮಗಳಿಗೆ ಉತ್ತರಿಸಲು ಶ್ರೀಲೀಲಾಗೆ ಬಾಯಿಯೇ ಇಲ್ಲದಂತಾಗಿದೆ. ಜವಾಬ್ದಾರಿ ಸ್ಥಾನದಲ್ಲಿರುವ ಫ್ಯಾಮಿಲಿಯಿಂದ ಈ ರೀತಿ ನಡವಳಿಕೆಯ ಆರೋಪ ಕೇಳಿ ಬಂದಿರೋದ್ರಿಂದ ಸಿನಿಕರಿಯರ್ಗೆ ಹಿನ್ನೆಡೆಯಾಗೋ ಸಂಭವವಿದೆ ಎನ್ನಲಾಗ್ತಿದೆ. ನೇ ಆದ್ರೂ ಈ ಆರೋಪದ ಅಸಲಿಯತ್ತು ಏನು ಅನ್ನೋದಕ್ಕೆ ಸ್ವರ್ಣಲತಾ ಉತ್ತರ ಕೊಡಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
