ಬೆಂಗಳೂರು: ಸಿನಿಮಾಂತ್ರಿಕ ಪ್ರಶಾಂತ್ ನೀಲ್ ಅವ್ರ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಸಲಾರ್ ಮತ್ತೆ ಪೋಸ್ಟ್ಪೋನ್ ಆಗಿದೆ. ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದ ಪ್ರಭಾಸ್ ಶೋಕಸಾಗರದಲ್ಲಿ ಮುಳುಗಿದ್ದಾರೆ. ಡಾರ್ಲಿಂಗ್ ಪ್ರಭಾಸ್ ಮನೆಯಲ್ಲಿ ಸೂತಕದ ವಾತವರಣ ಮನೆ ಮಾಡಿದೆ. ಪ್ರಾನಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತಿದ್ದ ಜೀವ ಕಳೆದುಕೊಂಡಿರುವ ಪ್ರಭಾಸ್ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ.
ಟಾಲಿವುಡ್ ಸೂಪರ್ ಸ್ಟಾರ್ ಪ್ರಭಾಸ್ ಸಿನಿಮಾಗಳಿಗೆ ಎಲ್ಲಿಲ್ಲದ ಬೇಡಿಕೆ. ಸದ್ಯ ಬಿಗ್ ಬ್ರೇಕ್ ಸಿನಿಮಾಗಳಿಗೆ ಕಾಯ್ತಿದ್ದ ಪ್ರಭಾಸ್ ಸಲಾರ್, ಅದಿಪುರುಷ್ ಸಿನಿಮಾಗಳ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ರು. ಬಾಕ್ಸ್ ಅಫೀಸ್ ಕೆಲೆಕ್ಷನ್ನಲ್ಲಿ ಸೋತ್ರೂ ನಿರ್ಮಾಪಕರ ಪಾಲಿನ ಚಿನ್ನದ ಖಜಾನೆ ಪ್ರಭಾಸ್. ಜಿಂಕೆ ವೇಗದಲ್ಲಿ ಸಾಗ್ತಿದ್ದ ಪ್ರಭಾಸ್ ಚಿತ್ರಗಳ ಶೂಟಿಂಗ್ಗೆ ಮತ್ತೆ ಬ್ರೇಕ್ ಬಿದ್ದಿದೆ. ಡಾರ್ಲಿಂಗ್ ಪ್ರಭಾಸ್ ಮನೆಯಲ್ಲಿ ಸೂತಕದ ವಾತವರಣ ಮನೆ ಮಾಡಿದೆ.
ಕೆಲವು ದಿನಗಳ ಕಾಲ ಎಲ್ಲಾ ಸಿನಿಮಾಗಳಿಗೆ ಪ್ರಭಾಸ್ ಫುಲ್ ಸ್ಟಾಪ್ ಇಡ್ತಾ ಇರೋದಕ್ಕೂ ಬಲವಾದ ಕಾರಣವಿದೆ. ಪ್ರಭಾಸ್ ಜೀವಕಕ್ಕಿಂತ ಹೆಚ್ಚಾಗಿ ಪ್ರೀತಿಸ್ತಾ ಇದ್ದ, ನೋವು ನಲಿವುಗಳಿಗೆ ಸಾಥ್ ನೀಡ್ತಿದ್ದ ಪ್ರೀತಿಯ ದೊಡ್ಡಪ್ಪ ಕೃಷ್ಣಂ ರಾಜು ಇಹಲೋಕ ತ್ಯಜಿಸಿದ್ದಾರೆ. ಈ ವಿಷ್ಯ ತಿಳಿತಿದ್ದಂತೆ ಪ್ರಭಾಸ್ ಕುಗ್ಗಿ ಹೋಗಿದ್ದಾರೆ. ಬಿಕ್ಕಿ ಬಿಕ್ಕಿ ಅತ್ತು ಸುಸ್ತಾಗಿದ್ದಾರೆ. ಚಿತ್ರರಂಗದ ಸ್ನೇಹಿತರೆಲ್ಲಾ ಪ್ರಬಾಸ್ರನ್ನ ಸಮಾಧಾನ ಮಾಡಿದ್ರು ಕಣ್ಣೀರಲ್ಲೇ ಪ್ರಭಾಸ್ ಮುಳುಗಿ ಹೋಗಿದ್ದಾರೆ.
ಪ್ರಭಾಸ್ ಜೀವನದ ಬೆಸ್ಟ್ ಟೀಚರ್ ಕೃಷ್ಣಂ ರಾಜು
ನೀಲ್ಗೆ ಮತ್ತೆ ತಲೆ ನೋವಾದ ಸಲಾರ್ ಪ್ರಾಜೆಕ್ಟ್
ಕೃಷ್ಣಂ ರಾಜು ಪ್ರಭಾಸ್ ಜೀವನದಲ್ಲಿ ಬಹುಮುಖ್ಯ ಪಾತ್ರ ನಿರ್ವಹಿಸಿದ್ದಾರೆ. ಪ್ರತಿಯೊಂದು ಸೋಲು, ಗೆಲುವುಗಳಲ್ಲೂ ಮಾರ್ಗದರ್ಶಕರಾಗಿ ಜತೆಗಿದ್ದವರು. ಅಕ್ಷರಶಃ ಕುಗ್ಗಿ ಹೋಗಿರುವ ಪ್ರಭಾಸ್ ಎಲ್ಲಾ ಸಿನಿಮಾಗಳ ಶೂಟಿಂಗ್ಗೂ ಸದ್ಯ ಬ್ರೇಕ್ ನೀಡಿ ನೋವಿನಿಂದ ಹೊರಬರಲು ಪ್ರಯತ್ನಿಸುತ್ತಿದ್ದಾರೆ. ಅಲ್ಲು ಅರ್ಜುನ್ ಕೂಡ ಕೃಷ್ಣಂ ರಾಜು ಸಾವಿನ ಸುದ್ದಿ ತಿಳಿತಿದ್ದಂತೆ ಓಡಿ ಬಂದು ಪ್ರಭಾಸ್ ತಬ್ಬಿ ಸಾಂತ್ವಾನ ಹೇಳಿದ್ದರು. ಚಿತ್ರರಂಗದ ಎಲ್ಲಾ ಕಲಾವಿದ್ರು, ಗಣ್ಯರು ಈ ಸಾವಿಗೆ ಸಂತಾಪ ಸೂಚಿಸಿದ್ರು. ಪ್ರಭಾಸ್ ಕೂಡ ತಮ್ಮ ಟ್ವಿಟರ್ ಖಾತೆಯಲ್ಲಿ ಮಿಸ್ ಯು ಎಂದು ಬರೆದುಕೊಂಡು ತಮ್ಮ ನೋವನ್ನು ಹೊರ ಹಾಕಿದರು.
ಅದೇನೆ ಇರಲಿ ಬಿಗ್ ಬೆಜೆಟ್ ಸಿನಿಮಾಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದ ಪ್ರಬಾಸ್ಗೆ ಈ ಆಘಾತದಿಂದ ದೊಡ್ಡ ಪೆಟ್ಟು ಬಿದ್ದಿದೆ. ಇತ್ತ ನೀಲ್ ಕೂಡ ಆದಷ್ಟು ಬೇಗ ಸಲಾರ್ ಪ್ರಾಜೆಕ್ಟ್ ಮುಗಿಸಿ ಎನ್ಟಿಆರ್ ಚಿತ್ರಕ್ಕೆ ಕೈ ಹಾಕುವ ಆಲೋಚನೆಯಲ್ಲಿದ್ದಾರೆ. ಇದೀಗ ಅದೂ ಸ್ವಲ್ಪ ಹಿನ್ನಡೆಯಾಗುವ ಸಂಭವವಿದೆ.
ಕೆಜಿಎಫ್ 2 ಬ್ಲಾಕ್ ಬಸ್ಟರ್ ಹಿಟ್ ಆದ ಮೇಲೆ ನೀಲ್ ಕ್ಯಾಪ್ಟನ್ ಶಿಪ್ ನಲ್ಲಿ ಮೂಡಿ ಬರ್ತಿರೋ ಸಿನಿಮಾ ಸಲಾರ್. ಇಡೀ ವಿಶ್ವವೇ ಸಲಾರ್ ಸಿನಿಮಾಗಾಗಿ ಕಾಯ್ತಿದೆ. ಡ್ಯೂಪ್ ವಿಚಾರವಾಗಿ ಪ್ರಭಾಸ್ ಮೇಲೆ ಕೋಪಗೊಂಡಿದ್ದ ನೀಲ್ ಸಿನಿಮಾ ಮುಗಿಸುವ ತವಕದಲ್ಲಿದ್ದಾರೆ. ಇದೆಲ್ಲದ್ರ ನಡುವೆ ಮತ್ತೆ ಪ್ರಭಾಸ್ ಶೂಟಿಂಗ್ಗೆ ಗೈರಾಗಿರೋದು ನೀಲ್ ಸಿನಿಮಾಗೆ ತೊಡಕಾಗಿದೆ. ಎನಿವೇ ಆದಷ್ಟು ಬೇಗ ಪ್ರಭಾಸ್ ಕಂಬ್ಯಾಕ್ ಆಗಲಿ ಎಂದು ಹಾರೈಸೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
