ವಿಜಯಪುರ: ಹಲವು ದಿನಗಳಿಂದ ಜಿಲ್ಲೆಯಲ್ಲಿ ದೂರು ಕೇಳಿಬರುತ್ತಿದ್ದ ಆನ್ಲೈನ್ ಹಣ ವಂಚನೆ ಪ್ರಕರಣಗಳನ್ನ ವಿಜಯಪುರ ಜಿಲ್ಲಾ ಪೊಲೀಸರು ಭೇದಿಸಿದ್ದಾರೆ.
ಸೈಬರ್, ಆರ್ಥಿಕ ಮತ್ತು ಮಾದಕ ದ್ತವ್ಯಗಳ ಅಪರಾಧ ಪೊಲೀಸ್ ಠಾಣೆಯಲ್ಲಿ 2022 ನೇ ಸಾಲಿನಲ್ಲಿ ಒಟ್ಟು 31 ಆನ್ಲೈನ್ ವಂಚನೆ ಪ್ರಕರಣಗಳು ದಾಖಲಾಗಿದ್ದರು. ಈ ಹಿನ್ನೆಲೆಯಲ್ಲಿ ಅಲರ್ಟ್ ಆದ ಪೊಲೀಸರು ಕಾರ್ಯಚರಣೆ ನಡೆಸಿ ಒಂದು ತಾಸಿನಲ್ಲಿ ವಂಚನೆಗೊಳಗಾದವರ ಬ್ಯಾಂಕ್ ಖಾತೆಗೆ ಮರಳಿ ಹಣವನ್ನ ಜಮೆ ಮಾಡಿಸಿದ್ದಾರೆ.
ಒಟ್ಟು 31 ಪ್ರಕರಣದಲ್ಲಿ ಆನ್ಲೈನ್ಲ್ಲಿ 39 ಲಕ್ಷ ರೂ.ಗಳ ವಂಚನೆ ಮಾಡಿದ್ದರು. ಇದರಲ್ಲಿ ಒಟ್ಟು 24 ಲಕ್ಷ ರೂ ಮರಳಿ 31 ದೂರುದಾರರ ಖಾತೆಗಳಿಗೆ ಜಮಾವಣೆ ಮಾಡಲಾಗಿದೆ. ಇದ್ರಲ್ಲಿ ಸಿಈಎನ್ ವಿಜಯಪುರ ಪೊಲೀಸ್ ಠಾಣೆಯಲ್ಲಿ 11 ವಂಚನೆ ಪ್ರಕರಣಗಳು ದಾಖಲಾಗಿದ್ದವು, 11 ಪ್ರಕರಣಗಳಲ್ಲಿ 28 ಲಕ್ಷ ರೂ ಮೇಲೆ ವಂಚನೆ, ಇವುಗಳಲ್ಲಿ 15 ಲಕ್ಷ ರೂ ಮರಳಿ ನೊಂದವರ ಬ್ಯಾಂಕ್ ಖಾತೆಗಳಿಗೆ ಪೊಲೀಸರು ಜಮೆ ಮಾಡಿಸಿದ್ದಾರೆ.
ಆನ್ಲೈನ್ ಪ್ರಕರಣವನ್ನ ಯಶಸ್ವಿಯಾಗಿ ಭೇದಿಸಿದ ಸಿಈಎನ್ ಇನ್ಸ್ಪೆಕ್ಟರ್ ಪಿಎಸ್ ರಮೇಶ ಅವಜಿ ಅವರ ನೇತೃತ್ವದ ತಂಡದವನ್ನ ವಿಜಯಪುರ ಎಸ್ ಪಿ ಎಚ್.ಡಿ.ಆನಂದಕುಮಾರ್ ಅವರು ಪತ್ರಿಕಾಗೋಷ್ಠಿ ನಡೆಸಿ ಮಾಹಿತಿ ನೀಡಿದರು. ಈ ವೇಳೆ ಪ್ರಕರಣ ಬೇಧಿಸಿದ ತಂಡಕ್ಕೆ ಪ್ರಶಂಸಾ ಪತ್ರ, ನಗದು ಬಹುಮಾನ ವಿತರಣೆ ಮಾಡಲಾಯಿತು.
