ಪಡ್ಡೆಹುಲಿ ಚಿತ್ರದಿಂದ ನಾಯಕನಟನಾಗಿ ಚಿತ್ರರಂಗಕ್ಕೆ ಗ್ರ್ಯಾಂಡ್ ಎಂಟ್ರಿ ಕೊಟ್ಟ ನಿರ್ಮಾಪಕ ಕೆ ಮಂಜು ಪುತ್ರ ಶ್ರೇಯಸ್, ಇದೀಗ ರಾಣಾ ಅವತಾರದಲ್ಲಿ ಮಿಂಚ್ತಿದ್ದಾರೆ. ಟೀಸರ್ನಿಂದ ರಾಣಾ ಗತ್ತು ಗಮ್ಮತ್ತು ತೋರಿಸಿದ್ದ ಶ್ರೇಯಸ್ ಮಂಜು, ಫಸ್ಟ್ ಟೈಂ ಲಾಂಗ್ ಹಿಡಿದು ಖದರ್ ತೋರಿಸ್ತಿದ್ದಾರೆ. ಫೈನಲ್ಲಿ ಫ್ಯಾನ್ಸಿ ರಿಲೀಸ್ ಡೇಟ್ ಅನೌನ್ಸ್ ಮಾಡಿರುವ ಚಿತ್ರತಂಡ ಗುಡ್ನ್ಯೂಸ್ ಕೊಟ್ಟಿದೆ.
- ಬ್ಯೂಟಿ ಕ್ವೀನ್ ರೀಷ್ಮಾ ಜತೆ ಶ್ರೇಯಸ್ ರಂಗಿನೋಕುಳಿ
ಚೊಚ್ಚಲ ಸಿನಿಮಾ ಪಡ್ಡೆಹುಲಿ ಮೂಲಕ ಘರ್ಜಿಸಿದ ನಿರ್ಮಾಪಕ ಕೆ. ಮಂಜು ಅವ್ರ ಪುತ್ರ ಶ್ರೇಯಸ್ ಮಂಜು ರಾಣಾ ಅವತಾರದಲ್ಲಿ ಬರ್ತಿದ್ದಾರೆ. ನಿರೀಕ್ಷಿಸಿದ ಸಕ್ಸಸ್ ಕಾಣದಿದ್ದರೂ, ಶ್ರೇಯಸ್ಗೆ ಸಖತ್ ಹೆಸ್ರು ತಂದು ಕೊಡ್ತು. ಇದೀಗ ರಾಣಾ ಅವತಾರದಲ್ಲಿ ಅಬ್ಬರಿಸಿ ಬೊಬ್ಬಿರಿಯೋಕೆ ತುದಿಗಾಲಲ್ಲಿ ನಿಂತಿದ್ದಾನೆ ಶ್ರೇಯಸ್. ಯೆಸ್.. ರಾಣಾ ಸಿನಿಮಾ ಇದೇ ನವೆಂಬರ್ 11ಕ್ಕೆ ರಿಲೀಸ್ ಆಗ್ತಿದೆ.
ಏಕ್ ಲವ್ ಯಾ ಸಿನಿಮಾ ಮೂಲಕ ಸಿನಿರಸಿಕರ ಹೃದಯದಲ್ಲಿ ಪುಟ್ಟ ಗುಡಿ ಮಾಡಿರುವ ರೀಷ್ಮಾ ನಾಣಯ್ಯ ರಾಣಾನಿಗೆ ಜೋಡಿಯಾಗಿ ನಟಿಸ್ತಿದ್ದಾರೆ. ಈಗಾಗ್ಲೇ ಬಾಲಿವುಡ್ ರೇಂಜ್ನಲ್ಲಿ ‘ರಾಣ’ ರಂಗೀನ್ ಸಾಂಗ್ ಕೂಡ ಯೂಟ್ಯೂಬ್ನಲ್ಲಿ ಕಮಾಲ್ ಮಾಡಿದೆ. ಶ್ರೇಯಸ್ ಜೊತೆ ಸೊಂಟ ಬಳುಕಿಸಿರುವ ಬಿಂದಾಸ್ ಬೆಡಗಿ ಸಂಯುಕ್ತಾ ಹೆಗ್ಡೆ ಸಿನಿಮಾಗೆ ಕಿಕ್ಸ್ಟಾರ್ಟ್ ಕೊಟ್ಟಿದ್ದಾರೆ.
ಸಿಂಗಲ್ ಟೀಸರ್ ಮೂಲಕವೇ ಚಿತ್ರಪ್ರೇಮಿಗಳ ಎದೆಯಲ್ಲಿ ರಾಣ ಎದೆಬಡಿತದ ಸಪ್ಪಳ ಶುರುವಾಗಿದೆ. ರಾಣಾ ಅಪ್ಡೇಟ್ಗಾಗಿ ಕಾಯ್ತಿದ್ದ ಫ್ಯಾನ್ಸ್ಗೆ ಗುಡ್ನ್ಯೂಸ್ ಸಿಕ್ಕಿದ್ದು, ಫ್ಯಾನ್ಸಿ ಡೇಟ್ಗೆ ತೆರೆಗೆ ಬರೋಕೆ ರೆಡಿಯಾಗಿದೆ. 11:11:22ಕ್ಕೆ ಸಿಲ್ವರ್ ಸ್ಕ್ರೀನ್ ಮೇಲೆ ರಾಣಾ ದರ್ಬಾರ್ ಶುರುವಾಗಲಿದೆ. ಈ ಡೇಟ್ ಹಿಂದಿನ ರಹಸ್ಯ ಏನು ಅನ್ನೋದನ್ನ ಚಿತ್ರತಂಡ ಸದ್ಯದಲ್ಲೇ ಕನ್ಫರ್ಮ್ ಮಾಡಲಿದೆ.
ರಾಣ ಚಿತ್ರಕ್ಕೆ ಱಪರ್ ಚಂದನ್ ಶೆಟ್ಟಿ ಮ್ಯೂಸಿಕ್ ಕಂಪೋಸ್ ಮಾಡಿದ್ದು, ಇಮ್ರಾನ್ ಸರ್ದಾರಿಯಾ ಕೊರಿಯೋಗ್ರಫಿಯಿದೆ. ನಂದಕಿಶೋರ್ ನಿರ್ದೇಶನದ ಈ ಚಿತ್ರವನ್ನು ಗುಜ್ಜಾಲ್ ಪುರುಷೋತ್ತಮ್ ನಿರ್ಮಿಸ್ತಿದ್ದಾರೆ. ಎನಿವೇ ಪಡ್ಡೆ ಹುಲಿ ಉಗ್ರರೂಪ ಎಷ್ಟು ಘೋರವಾಗಿರುತ್ತೆ ಅನ್ನೋದು ಸೆಪ್ಟೆಂಬರ್ಗೆ ಗೊತ್ತಾಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
