ಸ್ಯಾಂಡಲ್ವುಡ್ ಸಲಗನಾಗಿ ಅಬ್ಬರಿಸಿ ಬೊಬ್ಬಿರಿದ ಕರಿಚಿರತೆ ದುನಿಯಾ ವಿಜಯ್, ಭೀಮ ಚಿತ್ರದಲ್ಲಿ ಸಖತ್ ಬ್ಯುಸಿ ಆಗಿದ್ದಾರೆ. ಮೊದಲ ಪ್ರಯತ್ನದಲ್ಲೇ ಸಲಗ ಸಕ್ಸಸ್ ಮೂಲಕ ದಿ ಬೆಸ್ಟ್ ಡೈರೆಕ್ಟರ್ ಪಟ್ಟ ಗಿಟ್ಟಿಸಿಕೊಂಡ ವಿಜಯ್, ಭೀಮ ಶೂಟಿಂಗ್ ಗರಡಿಯಲ್ಲಿದ್ದಾರೆ. ಇದೀಗ ಭೀಮನ ಗರಡಿಗೆ ಹೊಸ ಕಲಾವಿದೆಯ ಎಂಟ್ರಿಯಾಗಿದೆ. ಆ್ಯಶ್ ಮೆಲೋ ರೋಲ್ನಲ್ಲಿ ಕಾಣಿಸಿಕೊಳ್ಳಲಿರುವ ಪಾತ್ರದ ಸ್ಪೆಷಾಲಿಟಿ ಏನು..? ನೀವೇ ಓದಿ.
- ಆ್ಯಕ್ಟಿಂಗ್ಗೆ ಮನಸೋತು ಸೆಲೆಕ್ಟ್ ಮಾಡಿದ ಸಲಗ
ಸ್ಯಾಂಡಲ್ವುಡ್, ಟಾಲಿವುಡ್ನಲ್ಲೂ ದುನಿಯಾ ವಿಜಯ್ ಸಖತ್ ಬ್ಯುಸಿಯಾಗಿದ್ದಾರೆ. ಬಾಲಯ್ಯನ ಸಿನಿಮಾದಲ್ಲೂ ವಿಲನ್ ಆಗಿ ಅಬ್ಬರಿಸಲಿರೋ ಬ್ಲಾಕ್ಕೋಬ್ರಾ, ಭೀಮ ಸಿನಿಮಾ ಮೇಕಿಂಗ್ನಲ್ಲಿ ಬ್ಯುಸಿಯಾಗಿದ್ದಾರೆ. ಬಹುತೇಕ ರಂಗ ಭೂಮಿ ಕಲಾವಿದರೊಂದಿಗೆ ಲೋಕಲ್ ರೌಡಿಸಂನ ವಿಭಿನ್ನವಾಗಿ ತೋರಿಸೋಕೆ ವಿಜಯ್ ಹೊರಟಿದ್ದಾರೆ. ಈಗಾಗ್ಲೇ ಚಿತ್ರದ ಪ್ರತಿಯೊಂದು ಪಾತ್ರಗಳು ಕ್ಯೂರಿಯಾಸಿಟಿ ಮೂಡಿಸಿವೆ. ಇದೀಗ ಮತ್ತೊಬ್ಬ ನ್ಯೂ ಆರ್ಟಿಸ್ಟ್ ಭೀಮನ ಟೀಮ್ಗೆ ಸೇರ್ಪಡೆಯಾಗಿದ್ದಾರೆ.
ಭೀಮನನ್ನು ಕೆಣಕದಿದ್ರೆ ಕ್ಷೇಮ ಅನ್ನೋ ಕ್ಯಾಪ್ಶನ್ ಅಡಿಯಲ್ಲಿ ಮೂಡಿ ಬರ್ತಿರೋ ಸಿನಿಮಾ ಭೀಮ. ಡೆಡ್ಲಿ ಆ್ಯಕ್ಷನ್ ಸೀಕ್ವೆನ್ಸ್ ಅಬ್ಬರ ಸಿನಿಮಾದಲ್ಲಿ ಇರಲಿದೆ. ಗಿಲಿ ಗಿಲಿ ಚಂದ್ರು, ಬ್ಲಾಕ್ ಡ್ರ್ಯಾಗನ್ ರೋಲ್ಗಳನ್ನು ಪರಿಚಯಿಸಿರುವ ಚಿತ್ರತಂಡ ಸಿನಿಮಾ ಮೇಲಿನ ಕುತೂಹಲವನ್ನು ಡಬಲ್ ಮಾಡಿದೆ. ಇದೀಗ ಆ್ಯಶ್ ಮೆಲೋ ಅನ್ನೋ ಲೇಡಿ ರೋಲ್ ಇಂಟ್ರಡ್ಯೂಸ್ ಮಾಡಿದೆ. ಸಮಾಜದಲ್ಲಿ ಅನ್ಯಾಯಕ್ಕೊಳಗಾಗುವ ನಾರಿಯೇ ಆ್ಯಶ್ ಮೆಲೋ. ಈ ರೋಲ್ ಕಥೆಗೆ ಟ್ವಿಸ್ಟ್ ಕೊಡಲಿದೆ.
ಮಾಸ್ತಿಯ ಪಕ್ಕಾ ಕಲ್ಟ್ ಸಂಭಾಷಣೆ, ಲೋಕಲ್ ಸ್ಲಮ್ನಲ್ಲಿ ನಡೆಯೋ ಭೂಗತ ಲೋಕದ ಪುಟಗಳನ್ನು ತೆರದಿಡಲಿರುವ ನಿರ್ದೇಶಕ ದುನಿಯಾ ವಿಜಯ್ ಪಾತ್ರಗಳ ಆಯ್ಕೆಯಲ್ಲೂ ಸಖತ್ ಚ್ಯುಸಿಯಾಗಿದ್ದಾರೆ. ಆಡಿಷನ್ನಲ್ಲಿ ನಟನೆಯನ್ನು ಮೆಚ್ಚಿ ಆ್ಯಶ್ ಮೆಲೋ ರೋಲ್ಗೆ ಸೆಲೆಕ್ಟ್ ಹೊಸ ನಟಿಯನ್ನು ಸೆಲೆಕ್ಟ್ ಮಾಡಲಾಗಿದೆ. ಇದ್ರೊಂದಿಗೆ ಕಥೆಗೆ ಇನ್ನಷ್ಟು ಜೀವ ಕಳೆ ಬಂದಿದೆ.
ಭೀಮನ ದುನಿಯಾದಲ್ಲಿ ಅಚ್ಯುತ್ ಕುಮಾರ್ ಸೇರಿ ವಿಜಯ್ಗೆ ತಾಯಿಯಾಗಿ ಹಿರಿಯ ನಟಿ ಕಲ್ಯಾಣಿ ನಟಿಸ್ತಿದ್ದಾರೆ. ಚಿತ್ರಕ್ಕೆ ಕೃಷ್ಣ ಸಾರ್ಥಕ್ ಹಾಗೂ ಜಗದೀಶ್ ಬಂಡವಾಳ ಹೂಡಿದ್ದು, ಯಥಾವತ್ ವಿಜಿ ಬಳಗದ ಮಾಸ್ತಿಯ ಮಾಸ್ ಸಂಭಾಷಣೆ ಇರಲಿದೆ. ಚರಣ್ ರಾಜ್ ಮ್ಯೂಸಿಕ್ ಕಂಪೋಸ್ ಮಾಡಲಿದ್ದಾರೆ. ಪಕ್ಕಾ ರೌಡಿಸಂ ಬ್ಯಾಕ್ ಡ್ರಾಪ್ ಇರೋ ಭೀಮನ ಆರ್ಭಟ ನೋಡೋಕೆ ಇನ್ನೂ ಸ್ವಲ್ಪ ದಿನ ಕಾಯಲೇಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
