ಬೆಂಗಳೂರು: ಸಿನಿಕಾನ್ ಸಿಟಿಯಲ್ಲಿ ಈ ಬಾರಿ ಅದ್ಧೂರಿ ಸೈಮಾ ಅವಾರ್ಡ್ ಕಾರ್ಯಕ್ರಮ ನಡಿತಿದೆ. ಅಪ್ಪು ಸ್ಮರಣೆಯಲ್ಲಿ ಸೈಮಾ ಸಿನಿ ಹಬ್ಬಕ್ಕೆ ಗ್ರ್ಯಾಂಡ್ ವೆಲ್ಕಮ್ ಸಿಕ್ಕಿದೆ. ಹತ್ತನೇ ವರ್ಷದ ಪ್ರಶಸ್ತಿ ಸಮಾರಂಭಕ್ಕೆ ಸೌಥ್ ಸ್ಟಾರ್ಗಳೆಲ್ಲಾ ರಂಗು ರಂಗಿನ ಬಟ್ಟೆ ತೊಟ್ಟು ಮಿಂಚ್ತಿದ್ದಾರೆ. ಮೊದಲ ಬಾರಿಗೆ ಕನ್ನಡದ ನೆಲದಲ್ಲಿ ಸೈಮಾ ಅವಾರ್ಡ್ ಫಂಕ್ಷನ್ ನಡಿತಿದೆ. ರಾಕಿಭಾಯ್ ಆಡಿರೋ ಮಾತುಗಳು ಕನ್ನಡದ ಗತ್ತು ತಾಕತ್ತನ್ನು ದುಪ್ಪಟ್ಟು ಮಾಡಿವೆ.
ಇಂಡಿಯನ್ ಸಿನಿದುನಿಯಾಗೆ ಕರುನಾಡೇ ಹೆಡ್ ಆಫೀಸ್
ಕಂಡ ಕನಸು ನನಸು ಮಾಡಿದ ರಾಕಿಭಾಯ್ ಹೇಳಿದ್ದೇನು..?
ಕನ್ನಡ ಚಿತ್ರರಂಗ ಅಂದ್ರೆ ಮೂಗು ಮುರಿತಿದ್ದ ಸಿನಿಪ್ರಿಯರಿಗೆ ಸ್ಯಾಂಡಲ್ವುಡ್ ರಂಜಾನ್ ಬಿರಿಯಾನಿ ಹಾಕಿಸಿದೆ. ಇಡೀ ಭಾರತವೇ ಬೆಚ್ಚಿ ಬೀಳುವ ಹಾಗೆ ತೊಡೆ ತಟ್ಟಿ ನಿಂತಿದೆ. ಎಲ್ಲರೂ ಮೂಖವಿಸ್ಮಿತರಾಗುವಂತ ಸಿನಿಮಾಗಳನ್ನು ನೀಡಿದೆ. ಯೆಸ್.. ಹತ್ತನೇ ಆವೃತ್ತಿಯ ಸೈಮಾ ಫಿಲ್ಮ್ ಅವಾರ್ಡ್ ಕನ್ನಡದ ನೆಲದಲ್ಲಿ ನಡೀತಿದೆ. ಕನ್ನಡದ ಕಂಪಿನಲ್ಲಿ, ಕನ್ನಡದ ನೆಲದಲ್ಲಿ ಸೈಮಾ ಸಿನಿಮೋತ್ಸವ ಕಳೆಗಟ್ಟಿದೆ. ಇಂಡಿಯನ್ ಸಿನಿದುನಿಯಾಗೆ ಕರುನಾಡೇ ಹೆಡ್ ಆಫೀಸ್ ಆಗಿದ್ದು, ಕನ್ನಡದ ಮಣ್ಣಿಗೆ ಕೈ ಬೀಸಿ ಕರೆದಿದೆ.
ಸೌತ್ ಇಂಡಿಯನ್ ಇಂಟರ್ನ್ಯಾಷನಲ್ ಮೂವಿ ಅವಾರ್ಡ್ಸ್ 2022 ರ ಸಮಾರಂಭಕ್ಕೆ ಸಿಲಿಕಾನ್ ಸಿಟಿ ಸಾಕ್ಷಿಯಾಗಿದೆ. ದುಬೈ, ಮಲೇಷಿಯಾ, ಸಿಂಗಾಪೂರ್ಗಳಲ್ಲಿ ನಡಿತಿದ್ದ ಸೈಮಾ ಅದ್ಧೂರಿ ಸಮಾರಂಭಕ್ಕೆ ಉದ್ಯಾನ ನಗರಿ ಸಾಥ್ ನೀಡಿದೆ. ಸೌತ್ ಸೂಪರ್ ಸ್ಟಾರ್ಗಳು ಪ್ರಶಸ್ತಿ ಸ್ವೀಕರಿಸೋಕೆ ಬೆಂಗಳೂರು ಅರಸಿ ಬಂದಿದ್ದಾರೆ. ಈ ಮೂಲಕ ಕನ್ನಡದ ಧ್ವಜ ವಿಶ್ವ ಮಟ್ಟದಲ್ಲಿ ಜಗಮಗಿಸ್ತಿದೆ. ಅಂತೂ ರಾಕಿಭಾಯ್ ಆಡಿದ ಮಾತುಗಳು ಕನ್ನಡ ಸಿನಿಮಾಗಳ ಗತ್ತು ಗಾಂಭೀರ್ಯವನ್ನು ಪ್ರೂವ್ ಮಾಡಿದಂತಿದೆ.
ರಾಕಿಭಾಯ್ ಘರ್ಜನೆ.. ಚಿತ್ರರಂಗದಲ್ಲಿ ಕನ್ನಡ ಕೀರ್ತಿ ಪತಾಕೆ
ರಾಕಿಭಾಯ್, ಡಾ.ಶಿವಣ್ಣ, ಡಾಲಿ ರೆಡ್ ಕಾರ್ಪೆಟ್ ಪೋಸ್
ಕನ್ನಡ, ತಮಿಳು, ತೆಲುಗು, ಮಲಯಾಳಂ ಇಂಡಸ್ಟ್ರಿಯಿಂದ ಬಣ್ಣ ಬಣ್ಣದ ಬಟ್ಟೆ ತೊಟ್ಟು ಬಂದಿದ್ದ ಸ್ಟಾರ್ ನಟರಿಗೆ ಸೈಮಾ ರೆಡ್ ಕಾರ್ಪೆಟ್ ವೆಲ್ಕಮ್ ನೀಡಿತ್ತು. ಸ್ಟಾರ್ ಕಲಾವಿದರು ಕ್ಯಾಮೆರಾಗೆ ಪೋಸ್ ಕೊಟ್ರು. ಧ್ರುವ ತಾರೆ ಅಪ್ಪು ನೆನಪಲ್ಲಿ ಚಾಲನೆ ನೀಡಲಾದ ಸೈಮಾ ಅವಾರ್ಡ್ ಫಂಕ್ಷನ್ಗೆ ಸ್ಯಾಂಡಲ್ವುಡ್ ತಾರೆಯರ ಸಮಾಗಮವಿತ್ತು. ಸೆಂಚುರಿ ಸ್ಟಾರ್ ಶಿವಣ್ಣ ಜೋಡಿ, ಯಶ್- ರಾಧಿಕಾ ಜೋಡಿ, ಅಮೃತಾ ಅಯ್ಯಂಗಾರ್, ಟಗರು ಡಾಲಿ, ಸೇರಿ ಸ್ಯಾಂಡಲ್ವುಡ್ ಸ್ಟಾರ್ಗಳು ಮಿಂಚ್ತಾ ಇದ್ದರು.
ಬೆಂಗಳೂರಿನ ಪ್ಯಾಲೇಸ್ ಗ್ರೌಂಡ್ನಲ್ಲಿ ಸಿನಿದೀಪಾವಳಿ ಸಮಾರಂಭ ಜೋರಾಗಿತ್ತು. ಬೆಟ್ಟದ ಹೂ ಅಪ್ಪು ಅಭಿನಯದ ಯುವರತ್ನ ಚಿತ್ರಕ್ಕಾಗಿ ಬೆಸ್ಟ್ ಆ್ಯಕ್ಟರ್ ಅವಾರ್ಡ್ ಒಲಿದು ಬಂತು. ಸಿಲಿಕಾನ್ ಸಿಟಿಯ ಚೊಚ್ಚಲ ಸೈಮಾ ಅವಾರ್ಡ್ ಸಮಾರಂಭದಲ್ಲಿ ಗಣ್ಯರ ದಂಡೇ ನೆರೆದಿತ್ತು. ಸಾಂಸ್ಕೃತಿಕ ಕಾರ್ಯಕ್ರಮಗಳ ಮೂಲಕ ನೆರೆದ ಪ್ರೇಕ್ಷಕರಿಗೆ ಮಸ್ತ್ ಮನಂಜನೆಯ ರಸಪಾಕ ನೀಡಲಾಯ್ತು. ಅಂತೂ ಕನ್ನಡ ಸಿನಿಮಾಗಳನ್ನು ಕಡೆಗಣಿಸುತ್ತಿದ್ದ ತೀರ್ಪುಗಾರರ ಮುಂದೆ ಸೆಡ್ಡು ಹೊಡೆದು ತವರು ನೆಲದಲ್ಲೇ ಗತ್ತು, ತಾಕತ್ತನ್ನು ಸಾಬೀತು ಮಾಡಿದ್ವು.
ಕನ್ನಡ ಸಿನಿಮಾ ಸೇರಿದಂತೆ ಟಾಲಿವುಡ್ ಕಾಲಿವುಡ್ ಸಿನಿಮಾಗಳು ಪ್ರಶಸ್ತಿ ಬಾಚಿಕೊಂಡ್ವು. ಅಲ್ಲು ಅರ್ಜುನ್ ಕಮಲ್ ಹಾಸನ್, ನಟಿ ಹನ್ಸಿಕಾ, ರಣವೀರ್ ಸಿಂಗ್ ಸೇರಿ ಸ್ಟಾರ್ ನಿರ್ದೇಶಕರು, ಸ್ಟಾರ್ ಸಿಂಗರ್ಸ್ ಕೂಡ ಪಾಲ್ಗೊಂಡು ಸಮಾರಂಭಕ್ಕೆ ಇನ್ನಷ್ಟು ಮೆರಗು ತುಂಬಿದ್ರು. ಪುಷ್ಪ ಚಿತ್ರದಲ್ಲಿನ ನಟನೆಗಾಗಿ ಅಲ್ಲು ಅರ್ಜುನ್ ಬೆಸ್ಟ್ ಆ್ಯಕ್ಟರ್ ಅವಾರ್ಡ್ ಪಡೆದ್ರು. ನಟಿ ಆಶಿಕಾ, ಚಿಕ್ಕಣ್ಣ, ಶ್ರೀಲೀಲಾ, ಅರ್ಜುನ್ ಜನ್ಯಾ, ಪ್ರಮೋದ್ ಸೇರಿ ಅನೇಕ ಸ್ಯಾಂಡಲವ್ವುಡ್ ತಾರೆಯರು ಪ್ರಶಸ್ತಿಗೆ ಭಾಜನರಾಗಿದ್ರು. ಕನ್ನಡ ಸಿನಿಮಾಗಳ ಬೆಳವಣಿಗೆಯಿಂದ ಸೈಮಾ ಉತ್ಸವಗಳು ಇಲ್ಲಿ ನಡೆಯುವಂತೆ ಆಗಿವೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
