ಬೆಂಗಳೂರು: ಕನ್ನಡ ಚಿತ್ರರಂಗ ಕಂಡ ಮೇರು ನಟ ರಮೇಶ್ ಅರವಿಂದ್ ಅವರು ನಿನ್ನೆಯಷ್ಟೇ ಹುಟ್ಟು ಹಬ್ಬ ಆಚರಿಸಿಕೊಂಡಿದ್ದು, ಕರೆ ಮಾಡಿ ವಿಶ್ ಮಾಡಿ ಎಂದು ಅಭಿಮಾನಿಗಳಿಗೆ ಬಹಿರಂಗವಾಗಿ ಆಹ್ವಾನ ನೀಡಿದ್ದರು. ಈಗ ರಮೇಶ್ ಮತ್ತೆ ಅಭಿಮಾನಿಗಳಿಗೆ ಕೊಡುಗೆ ನೀಡಿದ್ದಾರೆ.
ಇಂದು ಪ್ರೀತಿಯಿಂದ ರಮೇಶ್ ಯಶಸ್ಸಿನ ಸರಳ ಸೂತ್ರಗಳು ಪುಸ್ತಕ ಲೋಕಾರ್ಪಣೆಗೊಂಡಿದೆ. ಸಿನಿಮಾದ ಜತೆಗೆ ಅದ್ಭುತ ಬರಹಗಾರರಾಗಿ ಗುರುತಿಸಿಕೊಂಡಿರುವ ರಮೇಶ್ ಅರವಿಂದ್ ತಮ್ಮೆಲ್ಲರ ಜೀವನದ ಸೋಲು, ಗೆಲುವು, ಏರುಪೇರುಗಳ ನಡುವೆ ಯಶಸ್ವಿ ವ್ಯಕ್ತಿಯಾಗಿ ಬದುಕುವ ಕಲೆಯನ್ನು ಈ ಪುಸ್ತಕದಲ್ಲಿ ತಿಳಿಸಿದ್ದಾರೆ.
ಈ ಪುಸ್ತಕವನ್ನು ಸಾವಣ್ಣ ಪಬ್ಲಿಕೇಷನ್ ಪ್ರಕಟಿಸಿದ್ದು ಮೊದಲ ಮುದ್ರಣದ ಎಲ್ಲಾ ಪುಸ್ತಕಗಳು ಲೋಕಾರ್ಪಣೆಗೊಂಡ ದಿನವೇ ಹಲವು ದಾಖಲೆ ಬರೆದಿವೆ. ಈ ಸುಂದರ ಕಾರ್ಯಕ್ರಮದಲ್ಲಿ ಅತಿಥಿಗಳಾಗಿ ನಟ ಅನಂತ್ ನಾಗ್, ಸಾಹಿತಿ ಜೋಗಿ, ರಾಘವೇಂದ್ರ ಹುಣಸೂರು ಪಾಲ್ಗೊಂಡು ಪುಸ್ತಕದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.
