ಮಾನ್ಸೂನ್ ರಾಗ ಪ್ರಮೋಷನ್ನಲ್ಲಿ ಸಖತ್ ಬ್ಯುಸಿ ಇರೋ ಡಾಲಿ ರಾತ್ರೋರಾತ್ರಿ ಬಾರ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಬೆಂಗಳೂರಿನ ಮಾನ್ಸೂನ್ ಎಫೆಕ್ಟ್ಗೆ ರಾತ್ರೋರಾತ್ರಿ ಲೋಕಲ್ ಬಾರ್ ಒಳಗೆ ನುಗ್ಗಿದ್ದಾರೆ. ಅರೆ..! ಏಕಾಏಕಿ ಬಾರ್ ಒಳಗೆ ನುದ್ದಿದ ಡಾಲಿ ಅಂಡ್ ಟೀಮ್ ನೀತಿ ಪಾಠ ಕೂಡ ಮಾಡಿದೆ. ಮೇಷ್ಟ್ರ ಪಾಠ ಕೇಳಿ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಈ ಅಮೃತ ಘಳಿಗೆಯಲ್ಲಿ ನಡೆದಿದ್ದೇನ್ ಗೊತ್ತಾ..? ನೀವೇ ಓದಿ.
ಮೊನ್ನೆ ತಾನೆ ತಮಟೆ ಏಟಿಗೆ ಬಿಂದಾಸ್ ಸ್ಟೆಪ್ ಹಾಕಿದ್ದ ಡಾಲಿ ಧನಂಜಯ ಮಾನ್ಸೂನ್ ರಾಗ ಸಿನಿಮಾದ ಪ್ರಮೊಷನ್ನಲ್ಲಿ ಬ್ಯುಸಿಯಾಗಿದ್ದಾರೆ. ಸೆ. 16ಕ್ಕೆ ತೆರೆಗೆ ಬರಲಿರೋ ಬಹುನಿರೀಕ್ಷಿತ ಸಿನಿಮಾ ಮಾನ್ಸೂನ್ ರಾಗ ಹೊಸ ಅಲೆ ಎಬ್ಬಿಸಿದೆ. ವಿಭಿನ್ನವಾಗಿ ಪ್ರಚಾರ ಗಿಟ್ಟಿಸುತ್ತಿರೋ ಮಾನ್ಸೂನ್ ಟೀಮ್ ರಾತ್ರೋರಾತ್ರಿ ಬಾರ್ ಒಳಗೆ ನುಗ್ಗಿದೆ.
ಬೆಂಗಳೂರಿನ ಲೋಕಲ್ ಬಾರ್ಗೆ ಲೋಕಲ್ ಸ್ಟೈಲ್ನಲ್ಲೇ ಡಾಲಿ ಧನಂಜಯ ಎಂಟ್ರಿ ಕೊಟ್ಟಿದ್ದಾರೆ. ಕ್ಯಾಸುಯೆಲ್ ವೈಟ್ ಟೀ ಶರ್ಟ್, ಶಾರ್ಟ್ ತೊಟ್ಟು ಆಟೋದಲ್ಲಿ ಬಂದಿಳಿದ ಡಾಲಿ ಧನಂಜಯ ನೇರವಾಗಿ ಬಾರ್ ಒಳಗೆ ಎಂಟ್ರಿ ಕೊಟ್ರು. ಟೇಬಲ್ನಲ್ಲಿ ಕುಳಿತ ಮದ್ಯ ಪ್ರಿಯರಿಗೆ ಶೇಕ್ ಹ್ಯಾಂಡ್ ಮಾಡಿ ಜೋರಾ ಪಾರ್ಟಿ ಎಂದು ಕೇಳಿದ್ದಾರೆ. ಅರೆ ಕ್ಷಣ ಶಾಕ್ ಆದ ಮಂದಿ ಡಾಲಿ ಕಂಡು ಕುಡಿದ ಎಣ್ಣೆ ಅಮಲು ಇಳಿದು ಹೋಗಿದೆ.
- ಬಾರ್ ಸಪ್ಲೈಯರ್ ಜತೆಗೆ ಡಾಲಿ ಖುಲ್ಲಂ ಖುಲ್ಲಾ ಟಾಕ್
- ಕುಡಿದ ಮತ್ತಿನಲ್ಲಿ ಡಾಲಿ ಧನಂಜಯ ಫುಲ್ ಎಣ್ಣೆ ಸಪ್ಲೈ..?
ಮಾನ್ಸೂನ್ ರಾಗ ಪ್ರಮೋಷನ್ಗೆ ಬಾರ್ಗೆ ಎಂಟ್ರಿ ಕೊಟ್ಟಿದ್ದ ಡಾಲಿ ಎಲ್ಲರೊಂದಿಗೆ ಸಿಂಪಲ್ ಆಗಿ ಕೂತು ಮಾತನಾಡಿದ್ರು. ಬಾರ್ ಸಪ್ಲೈಯರ್ ರೋಲ್ನಲ್ಲಿ ನಟಿಸ್ತಾ ಇರೋ ಡಾಲಿ ವಿಭಿನ್ನವಾಗಿ ಪ್ರಚಾರ ಮಾಡೋಕೆ ಈ ಪ್ಲಾನ್ ಮಾಡಿಕೊಂಡಿದ್ರು. ಫ್ಯಾನ್ಸ್ ಜತೆಗೆ ವೀಡಿಯೋ ಕಾಲ್ ಮಾಡಿ ಮಾತನಾಡಿದ್ರು. ಕುಡಿವಾಗ ಕಾಲ್ ಮಾಡ್ತೀಯಾ ಅಂತಾ ಅವಾಜ್ ಹಾಕಿದ್ರು.
ಮದ್ವೇನಾ ಬೇಡ ಅಂದೋರಿಗೆ ಕೆಲವು ಸಲಹೆಗಳನ್ನು ನೀಡಿದ್ರು. ಪ್ರೀತಿಯಲ್ಲಿ ನೊಂದು ಬೆಂದವ್ರಿಗೆ, ಬದಲಾವಣೆ ಜಗದ ನಿಯಮ. ಮದ್ವೆ ಆಗಿ ಲೈಫ್ ಚೇಂಜ್ ಆಗಬಹುದು ಎಂದ್ರು.
ಇದ್ರ ಜತೆಗೆ ಬಾರ್ನಲ್ಲಿದ್ದ ಎಲ್ಲಾ ಅಭಿಮಾನಿಗಳ ಜತೆಗೆ ಫೋಟೋ ಕ್ಲಿಕ್ಕಿಸಿ ಸಿನಿಮಾ ನೋಡುವಂತೆ ಮನವಿ ಮಾಡಿಕೊಂಡ್ರು. ನಾನು ಮೊದ್ಲು ಕುಡಿಯೋಕೆ ಬರ್ತಿದ್ದೆ. ಯಾರಿಗೆ ಗೊತ್ತು ನೀವೆಲ್ಲಾ ಮುಂಚೆ ಸಿಕ್ಕಿರಬಹುದು ಎಂದು ಹಳೆ ನೆನಪುಗಳನ್ನು ಮೆಲಕು ಹಾಕಿದ್ರು.
ಕೊನೆಯಲ್ಲಿ ಬಾರ್ ಕೌಂಟ್ರ್ನಲ್ಲಿ ನಿಂತು ಎಣ್ಣೆ ಕೂಡ ಸಪ್ಲೈ ಮಾಡಿದ್ರು. ಸೆಪ್ಟೆಂಬರ್ 16ಕ್ಕೆ ನಮ್ ಸಿನಿಮಾ ಬರ್ತಿದೆ. ಲವ್ ಫೇಲ್ಯೂರ್ ಆದವ್ರು, ಎಲ್ಲರೂ ಸಿನಿಮಾ ನೋಡಿ ಇಷ್ಟವಾಗುತ್ತೆ ಎಂದ್ರು. ಜತೆಗೆ ಎಣ್ಣೆ ಬಾಟಲ್ ಓಪನ್ ಮಾಡಿ ಚಿಲ್ ಮಾಡಿದ್ರು.
ಯೆಸ್.. ಮಾನ್ಸೂನ್ ರಾಗ ರೆಟ್ರೋ ಸ್ಟೈಲ್ನಲ್ಲಿ ಮೂಡಿ ಬರ್ತಿರೋ ವಿಭಿನ್ನ ಕಥೆಯ ಸಿನಿಮಾ. ಎ.ಆರ್ ವಿಖ್ಯಾತ್ ನಿರ್ಮಾಣದಲ್ಲಿ, ಎಸ್.ರವೀಂದ್ರನಾಥ್ ನಿರ್ದೇಶನದಲ್ಲಿ ಸಿನಿಮಾ ಮೂಡಿ ಬಂದಿದೆ. ಅನೂಪ್ ಸೀಳಿನ್ ಮ್ಯೂಸಿಕ್ ಕಂಪೋಸ್ ಸಿನಿಮಾಗಿದ್ದು ರಿಲೀಸ್ಗೂ ಮುನ್ನವೇ ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ. ವಿಭಿನ್ನವಾಗಿ ಪ್ರಚಾರ ಗಿಟ್ಟಿಸ್ತಿರೋ ಮಾನ್ಸೂನ್ ರಾಗ ಸಿನಿಮಾ ತೆರೆಯ ಮೇಲೆ ಕಮಾಲ್ ಮಾಡುತ್ತಾ ಕಾದು ನೋಡ್ಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
