ಬಾಲಿವುಡ್ನ ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ಪೀಕು ಕಮಾಲ್ ಮಾಡಿತ್ತು. ದೀಪಿಕಾ ಪಡುಕೋಣೆ, ಅಮಿತಾಬ್ ಕಾಂಬೋಗೆ ಪ್ರೇಕ್ಷಕರು ಬಹುಪರಾಕ್ ಎಂದಿದ್ರು. ಇದೀಗ ಮತ್ತೊಮ್ಮೆ ಕನ್ನಡತಿ ರಶ್ಮಿಕಾ ಮಂದಣ್ಣ ಬಿಟೌನ್ ಶೆಹೆನ್ಷಾ ಜತೆ ಸಿನಿಪರದೆಯ ಮೇಲೆ ಮ್ಯಾಜಿಕ್ ಮಾಡೋಕೆ ಸಜ್ಜಾಗಿದ್ದಾರೆ. ವರ್ಲ್ಡ್ವೈಡ್ ಮತ್ತೊಮ್ಮೆ ಹಿಸ್ಟರಿ ರಿಪೀಟ್ ಆಗಲಿದೆ. ಪಕ್ಕಾ ಫ್ಯಾಮಿಲಿ ಎಂಟರ್ಟೈನರ್ ಗುಡ್ಬೈ ಚಿತ್ರದ ಟ್ರೈಲರ್ ಝಲಕ್ ನಿಮಗಾಗಿ.
ಮಸ್ತ್ ಕಾಮಿಡಿಯ ಕಲಬೆರೆಕೆ.. ಸಂಬಂಧಗಳ ಜೀವಂತಿಕೆ
ಬಿಗ್ ಬಿ ಅಮಿತಾಬ್ ಜತೆ ಸ್ಕ್ರೀನ್ ಶೇರ್ ಮಾಡೋದೆ ಕಲಾವಿದರಿಗೆ ಜೀವಮಾನದ ಸೌಭಾಗ್ಯ. ಈ ಸಾಲಿಗೆ ಇಬ್ಬರು ಕನ್ನಡಿತಿಯರು ಸೇರ್ಪಡೆಯಾಗಿರೋದು ಹೆಮ್ಮೆಯ ವಿಷ್ಯ. ಈ ಹಿಂದೆ 2015ರಲ್ಲಿ ರಿಲೀಸ್ ಆಗಿದ್ದ ಪೀಕು ಚಿತ್ರದಲ್ಲಿ ಮಂಗಳೂರು ಬೆಡಗಿ ದೀಪಿಕಾ ಪಡುಕೋಣೆ ಹಾಸ್ಯ ಪ್ರಧಾನ ಚಿತ್ರದಲ್ಲಿ ಕಾಣಿಸಿಕೊಂಡಿದ್ರು. ಬಿಗ್ ಬಿ ಮಗಳಾಗಿ ದೀಪಿಕಾ ಪ್ರೇಕ್ಷಕರ ಹೃದಯ ಗೆದ್ದಿದ್ರು. ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಇದೀಗ, ಕೊಡಗಿನ ಕುವರಿ ರಶ್ಮಿಕಾ ಬಿಗ್ ಬಿ ಮಗಳಾಗಿ ಗುಡ್ಬೈ ಚಿತ್ರದಲ್ಲಿ ಕಾಣಿಸಿದ್ದಾರೆ.
ಲಕ್ಕಿ ಚಾರ್ಮ್ ರಶ್ಮಿಕಾ ಸಿನಿಜರ್ನಿಯೇ ನೋಡುಗರಿಗೆ ಅಚ್ಚರಿ ಮೂಡಿಸಿದೆ. ಈಗಾಗ್ಲೇ ಪರಭಾಷೆಗಳಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದಾರೆ. ಪಂಚಭಾಷೆಗಳಲ್ಲೂ ರಶ್ಮಿಕಾ ಹವಾ ಜೋರಾಗಿದೆ. ಇದೀಗ ಅಮಿತಾಬ್ ಜತೆ ತೆರೆ ಹಂಚಿಕೊಂಡಿರೋ ಕೂರ್ಗ್ ಚೆಲುವೆ, ಬಾಲಿವುಡ್ಗೂ ಗ್ರ್ಯಾಂಡ್ ಎಂಟ್ರಿ ಕೊಟ್ಟಿದ್ದಾರೆ. ಈ ಮೂಲಕ ಸೌತ್ ಸುಂದ್ರಿ ಬಿ ಟೌನ್ನಲ್ಲಿ ಮಿಷನ್ ಮಜ್ನು, ಗುಡ್ಬೈ ಸಿನಿಮಾಗಳಲ್ಲಿ ಮಿಂಚೋಕೆ ಸಜ್ಜಾಗಿದ್ದಾರೆ. ಅಂತೂ ಗುಡ್ಬೈ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು ಯೂಟ್ಯೂಬ್ನಲ್ಲಿ ಭಾರೀ ಸಂಚಲನ ಮೂಡಿಸಿದೆ.
ಪಕ್ಕಾ ಫ್ಯಾಮಿಲಿ ಮೂವಿಯಾಗಿರೋ ಗುಡ್ಬೈ, ನೋಡುಗರಿಗೆ ಮಸ್ತ್ ಮನರಂಜನೆ ನೀಡಲಿದೆ. ಟ್ರೈಲರ್ನಲ್ಲಿ ಬಿಗ್ಬಿ ಅಮಿತಾಬ್ ಜತೆಗೆ ಮಗಳು ರಶ್ಮಿಕಾ ಮಾತಿನ ಜಟಾಪಟಿ ಹಾಸ್ಯಭರಿತವಾಗಿದೆ. ಕಂಪ್ಲೀಟ್ ಕಾಮಿಡಿ ಜಾನರ್ ಸಿನಿಮಾ ಇದಾಗಿದ್ದು, ಹೃದಯ ತಟ್ಟುವ ಕೆಲವು ಅಂಶಗಳು ಚಿತ್ರದಲ್ಲಿವೆ. ಫ್ಯಾಮಿಲಿ ಸದಸ್ಯರ ನಡುವಿನ ಜಗಳ, ಗಲಾಟೆ, ಬಿನ್ನಾಭಿಪ್ರಾಯಗಳು ಹೇಗೆ ಹಾಸ್ಯದ ಬುಗ್ಗೆಯ ಜೊತೆ ಕಣ್ಣೀರು ತರಿಸುತ್ತೆ ಅನ್ನೋ ಸೀರಿಯಸ್ ಕಥೆ ಗುಡ್ಬೈ.
ಇದ್ರೊಂದಿಗೆ ಕನ್ನಡತಿಯರು ವಿಶ್ವಮಟ್ಟದಲ್ಲಿ ಛಾಪು ಮೂಡಿಸ್ತಿದ್ದಾರೆ. ಕಾಮಿಡಿ, ಪ್ರೀತಿ, ಎಮೋಷನ್ಸ್ ಸೇರಿದಂತೆ ಎಲ್ಲವೂ ಗುಡ್ಬೈ ಚಿತ್ರದಲ್ಲಿದೆ. ಬಿಗ್ ಬಿ ಹಾಗೂ ರಶ್ಮಿಕಾ ಜತೆಗೆ ನೀನಾ ಗುಪ್ತಾ, ಗುಲಾಟಿ, ಆಶಿಶ್ ವಿದ್ಯಾರ್ಥಿ ಮುಂತಾದವ್ರ ಕಲಾಸಂಗಮವಿದೆ. ವಿಕಾಸ್ ಬಾಹ್ಲ್ ನಿರ್ದೇಶನದ ಈ ಚಿತ್ರ ಇದೇ ಅಕ್ಟೋಬರ್ 7ಕ್ಕೆ ತೆರೆಗೆ ಬರಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
