ಹೊಂಬಾಳೆ ಬ್ಯಾನರ್ ಅಡಿಯಲ್ಲಿ ವಿಶ್ವಮಟ್ಟದಲ್ಲಿ ಸದ್ದು ಮಾಡ್ತಿರೋ ಮತ್ತೊಂದು ಸಿನಿಮಾ ಕಾಂತಾರ. ರಿಷಬ್ ಶೆಟ್ಟಿ ಸಿನಿ ಮಾಂತ್ರಿಕತೆಯಲ್ಲಿ ತಯಾರಾಗಿರೋ ಕರಾವಳಿ ಕಥೆ ಕಾಂತಾರ. ಟ್ರೈಲರ್ ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಲಕ್ಷಗಟ್ಟಲೆ ವೀವ್ಸ್ ಸಂಪಾದಿಸಿದ್ದು ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ. ಸಿನಿಮಾ ಮೇಕಿಂಗ್ ಸ್ಟೈಲ್ಗೆ ಸಿನಿಪ್ರಿಯರು ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಯೆಸ್.. ಕಾಂತಾರ ಸಿನಿಮಾ ಟ್ರೈಲರ್ ಹೈಲೈಟ್ಸ್ ಬಗ್ಗೆ ನಾವ್ ಹೇಳ್ತಿವಿ. ನೀವೇ ಓದಿ.
- ಕರಾವಳಿ ಕಲೆ ಕಂಬಳದಾಟ.. ರಿಷಬ್ - ಕಿಶೋರ್ ಕಾದಾಟ..!
ರಿಕ್ಕಿ, ಕಿರಿಕ್ ಪಾರ್ಟಿ, ಸಹಿಪ್ರಾ ಶಾಲೆ ಕಾಸರಗೋಡು ಹೀಗೆ ಸಾಲು ಸಾಲು ಭರ್ಜರಿ ಹಿಟ್ ಸಿನಿಮಾಗಳನ್ನು ನೀಡಿರುವ ಜನಪ್ರಿಯ ನಿರ್ದೇಶಕ ರಿಷಬ್ ಶೆಟ್ಟಿ. ಈಗ ಮತ್ತೊಂದು ಕರಾವಳಿಯ ಕಥೆ ಮ್ಯಾಜಿಕ್ ಮಾಡೋಕೆ ಸಜ್ಜಾಗಿದೆ. ಸದ್ಯ ಕಾಂತಾರ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು ಸಖತ್ ಸೌಂಡ್ ಮಾಡ್ತಿದೆ. ಹೀರೋ ಕಮ್ ಡೈರೆಕ್ಟರ್ ಆಗಿ ರಿಷಬ್ ತಮ್ಮ ಸಾಮಾರ್ಥ್ಯವನ್ನು ಮತ್ತೊಮ್ಮೆ ಪ್ರೂವ್ ಮಾಡಲಿದ್ದಾರೆ. ಅಡವಿ ದೇವಿಯ ಜನರಿಗೂ ಹಾಗೂ ನಾಡ ಅಧಿಕಾರಿಗಳ ನಡುವಿನ ಹೋರಾಟವನ್ನು ಟ್ರೈಲರ್ನಲ್ಲಿ ಅದ್ಭುತವಾಗಿ ತೋರಿಸಲಾಗಿದೆ.
ರಿಷಬ್ ಶೆಟ್ಟಿ ಸ್ವತಃ ಕಥೆ ಬರೆದು, ನಿರ್ದೇಶನದ ಜತೆಗೆ ಲೀಡ್ ರೋಲ್ನಲ್ಲಿ ಕಾಣಿಸಿಕೊಳ್ತಿದ್ದಾರೆ. ಕಂಬಳ, ಭೂತಕೋಲ, ಕರಾವಳಿಯ ಆಚಾರ, ವಿಚಾರ, ಕಾಡಿನ ಸಂಸ್ಕೃತಿಯ ನಡುವಿನ ರೋಚಕ ಕಥೆಯ ಸಿನಿಮಾ ಕಾಂತಾರ. ಸದ್ಯ ರಿಲೀಸ್ ಆಗಿರೋ ಟ್ರೈಲರ್ ಮೇಕಿಂಗ್ಗೆ ಎಲ್ರೂ ಫಿದಾ ಆಗಿದ್ದು, ಪೊಲೀಸ್ ಅಧಿಕಾರಿ ಕಿಶೋರ್ ಹಾಗೂ ರಿಷಬ್ ನಡುವಿನ ಕದನ ಎಲ್ಲರಿಗೂ ಕುತೂಹಲ ಕೆರಳಿಸಿದೆ. ಖಾಕಿ ಖದರ್ನಲ್ಲಿ ಕಿಶೋರ್ ಅಬ್ಬರಿಸಿದ್ರೆ, ರಿಷಬ್ ಕಾಡುಜನರ ಉಳಿವಿಗಾಗಿ ರೊಚ್ಚಿಗೆದ್ದು ಹೋರಾಡುತ್ತಾರೆ.
- ಸಿಡಿಗುಂಡಿನ ಸುರಿಮಳೆಯ ಜತೆ ಪ್ರೇಮಕಥೆಯ ಹೂಮಳೆ
- ನಟ ಕಿಶೋರ್ ಟಫ್ ರೂಲ್ಗೆ ರಿಷಬ್ ಶೆಟ್ಟಿ ಕೆಂಡಾಮಂಡಲ
ಕರಾವಳಿಯ ಸಂಸ್ಕೃತಿಯನ್ನು ಉಳಿಸೋಕೆ ರಿಷಬ್ ಶೆಟ್ಟಿ ಹರಸಾಹಸ ಪಡ್ತಾರೆ. ಇತ್ತ ಫಾರೆಸ್ಟ್ ಅಧಿಕಾರಿಯಾಗಿ ಕಾಡನ್ನು ಉಳಿಸೋ ಪಾತ್ರದಲ್ಲಿ ಕಿಶೋರ್ ಕಿತ್ತಾಟ ಜೋರಾಗಿದೆ. ಇವರಿಬ್ರ ನಡುವಿನ ಸಂಘರ್ಷ ಹೇಗಿರಲಿದೆ ಅನ್ನೋ ಸುಳಿವು ನೀಡಿದೆ ಕಾಂತಾರ ಟ್ರೈಲರ್. ಜತೆಗೆ ಭೂತಕೋಲ ಗೆಟಪ್ನಲ್ಲಿ ರಿಷಬ್ ನೋಡುಗರಿಗೆ ಅಚ್ಚರಿ ಮೂಡಿಸಿದ್ದಾರೆ. ಅಂತೂ ಸಿನಿಮಾ ಪೂರ್ತಿ ಪ್ರೇಕ್ಷಕರಿಗೆ ರೋಮಾಂಚನಗೊಳಿಸುವ ಅನೇಕ ದೃಶ್ಯಗಳಿರೋದು ಪಕ್ಕಾ ಆಗಿದೆ.
ಇದ್ರ ಜತೆಯಲ್ಲಿ ಸಪ್ತಮಿ ಗೌಡ, ರಿಷಬ್ ಶೆಟ್ಟಿ ಪ್ರೇಮ ಕಥೆಯೂ ಚಿತ್ರದಲ್ಲಿ ಹೈಲೈಟ್ ಆಗಿದೆ. ವರ್ಸಟೈಲ್ ಆ್ಯಕ್ಟರ್ ಅಚ್ಯುತ್ಕುಮಾರ್ ತಾರಾಗಣದಲ್ಲಿ ಸಿನಿಮಾ ಇನ್ನಷ್ಟು ನಿರೀಕ್ಷೆ ಮೂಡಿಸಿದೆ. ಟೆಕ್ನಿಕಲ್ಲಿ ಎಲ್ಲರ ಗಮನ ಸೆಳೆದಿರುವ ಕಾಂತಾರ ಚಿತ್ರದ ಟ್ರೈಲರ್ ಚಿತ್ರರಸಿಕರ ಹೃದಯ ಗೆದ್ದಿದೆ. ಇನ್ನೂ ಅಜನೀಶ್ ಲೋಕನಾಥ್ ಸಂಗೀತದಲ್ಲಿ ಮೋಡಿ ಮಾಡ್ತಿರೋ ಸಿಂಗಾರ ಸಿರಿಯೇ ಹಾಡು ಕರುನಾಡಿನ ಭವ್ಯ ಪರಂಪರೆಯನ್ನು ಜಾನಪದ ಹಿನ್ನೆಲೆಯಲ್ಲಿ ಸೊಗಸಾಗಿ ತೋರಿಸುವ ಮೂಲಕ ರಿಷಬ್ ಗೆದ್ದಿದ್ದಾರೆ. ಈಗಾಗ್ಲೇ ಈ ಹಾಡು ಯ್ಯುಟ್ಯೂಬ್ನಲ್ಲಿ ಸದ್ದು ಮಾಡ್ತಿದೆ.
ವಿಜಯ್ ಕಿರಗಂದೂರ್ ಅವ್ರ ನಿರ್ಮಾಣದಲ್ಲಿ ಸಿನಿಮಾ ರಿಚ್ ಆಗಿ ಮೂಡಿ ಬಂದಿದ್ದು, ಸಿನಿಮಾ ಸೆ. 30ಕ್ಕೆ ಬೆಳ್ಳಿ ತೆರೆಯ ಮೇಲೆ ರಾರಾಜಿಸಲಿದೆ. ಅರವಿಂದ್ ಎಸ್ ಕಶ್ಯಪ್ ಛಾಯಾಗ್ರಹವಿದ್ದು, ಟ್ರೈಲರ್ನಲ್ಲಿ ಪ್ರತಿ ದೃಶ್ಯಗಳು ಮನಮೋಹಕವಾಗಿ ಮೂಡಿ ಬಂದಿವೆ. ಪರಿಸರ ಪ್ರೇಮಿಗಳಿಗೆ, ಕರಾವಳಿ ಸಂಸ್ಕೃತಿಯನ್ನು ಪ್ರೀತಿಸುವವರಿಗೆ ಈ ಸಿನಿಮಾ ಡಬಲ್ ಮನರಂಜನೆ ನೀಡಲಿದೆ. ಹಿರಿಯ ಕಲಾವಿದರಿಂದ ಪ್ರಶಂಸೆಗೆ ಪಾತ್ರವಾಗಿರುವ ಕಾಂತಾರ ಚಿತ್ರದ ಟ್ರೈಲರ್ ಸಿನಿಮಾ ಮೇಲಿನ ಕ್ಯೂರಿಯಾಸಿಟಿಯನ್ನು ದುಪ್ಪಟ್ಟು ಮಾಡಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
