ಬೆಂಗಳೂರು : ರಾಜಧಾನಿ ಬೆಂಗಳೂರಿನಲ್ಲಿ ಯಾವಾಗ ಮಳೆ ಬರುತ್ತವೆ, ಯಾವಾಗ ನಿಲ್ಲುತ್ತೋ ಒಂದು ಗೊತ್ತಾಗಲ್ಲ. ಜೋರಾಗಿ ಮಳೆ ಬಂದಾಗ ಆಶ್ರಯ ಪಡೆಯಲು ಮರದ ಕೆಳಗೋ, ಅಂಡರ್ ಪಾಸ್ ಕೆಳಗೋ, ಇಲ್ಲ ಯಾವುದಾದರೂ ಬ್ರಿಡ್ಜ್ ಕೆಳಗೋ ವಾಹನ ಸವಾರರು ನಿಂತ್ಕೊಳ್ತಾರೆ. ಆದ್ರೆ, ಇದಕ್ಕೆ ಪೊಲೀಸ್ ಆಯುಕ್ತರು ಬ್ರೇಕ್ ಹಾಕಿದ್ದಾರೆ.
ರಾಜಧಾನಿಯಲ್ಲಿ ಜೋರಾಗಿ ಮಳೆ ಬಂದ್ರೆ ವಾಹನ ಸವಾರರು ವಿಧಿಯಿಲ್ಲದೆ ಬ್ರಿಡ್ಜ್ ಅಂಡರ್ ಪಾಸ್ ಕೆಳಗೆ ವಾಹನಗಳನ್ನು ನಿಲ್ಲಿಸ್ತಾರೆ. ಆದರೆ, ವಾಹನ ನಿಲ್ಲಿಸುವುದಕ್ಕೆ ಸಂಚಾರಿ ಪೊಲೀಸರು ಬ್ರೇಕ್ ಹಾಕಿದ್ದು. ವಾಹನ ನಿಲ್ಲಿಸುವವರ ವಿರುದ್ಧ ಪ್ರಕರಣ ದಾಖಲು ಮಾಡಲಾಗುವುದೆಂದು ಸಂಚಾರಿ ವಿಭಾಗದ ಜಂಟಿ ಪೊಲೀಸ್ ಆಯುಕ್ತ ಎಚ್ಚರಿಕೆ ನೀಡಿದ್ದಾರೆ. ಈ ನಿರ್ಧಾರಕ್ಕೆ ಉದ್ಯಾನನಗರಿ ಜನರು ಫುಲ್ ಗರಂ ಆಗಿದ್ದಾರೆ.
ಅಂಡರ್ ಪಾಸ್ ಕೆಳಗೆ ನಿಂತ ವಾಹನ ಸವಾರರಿಗೆ ಮೊದಲ ಬಾರಿಗೆ 500 ರೂ. ದಂಡವನ್ನು ವಿಧಿಸಲಾಗುತ್ತದೆ ಮತ್ತು ಎರಡನೇ ಬಾರಿಗೆ 1,000 ರೂ.ದಂಡ ವಿಧಿಸಲಾಗುತ್ತದೆ. ಮಳೆ ಬಂತೆಂದು ಅಂಡರ್ಪಾಸ್ನಲ್ಲಿ ವಾಹನ ನಿಲ್ಲಿಸಲಾಗುತ್ತಿದ್ದು, ಇದರಿಂದ ಟ್ರಾಫಿಕ್ ಜಾಮ್ ಉಂಟಾಗುತ್ತಿದೆ. ಇದ್ರ ಜೊತೆಗೆ ಹಿಂಬದಿಯಿಂದ ಬರುವ ವಾಹನಗಳಿಂದ ಅಪಘಾತ ಸಂಭವಿಸುತ್ತಿದೆ ಅಂತಾ ಈ ಆದೇಶ ಮಾಡಲಾಗಿದೆ. ಆದ್ರೆ, ಈ ಆದೇಶದ ವಿರುದ್ಧ ಸಿಟಿಜನರು ಭಾರೀ ಆಕ್ರೋಶವನ್ನು ವ್ಯಕ್ತಪಡಿಸಿದ್ದಾರೆ. ಮೊದಲು ಗುಂಡಿಗಳಿಂದ, ಮ್ಯಾನ್ ಹೋಲ್ಗಳಿಂದ, ರಾಜಕಾಲುವೆ, ಅವೈಜ್ಞಾನಿಕ ಕಾಮಗಾರಿಗಳಿಂದ ಆಗುವ ಅನಾಹುತ, ಅಪಘಾತಗಳನ್ನು ತಡೆಯಿರಿ, ನಂತರ ಈ ರೂಲ್ಸ್ ಮಾಡಿ ಎಂದು ಕಿಡಿ ಕಾರಿದ್ದಾರೆ.
ಒಟ್ಟಾರೆ ರಾಜಧಾನಿಯಲ್ಲಿ ಆಗುವ ಟ್ರಾಫಿಕ್, ಅಪಘಾತವನ್ನು ತಡೆಯಲು ಈ ನಿರ್ಧಾರ ಕೈಗೊಳ್ಳಲಾಗಿದೆ. ಆದ್ರೆ, ಇದಕ್ಕೆ ಸಾರ್ವಜನಿಕರು ಆಕ್ರೋಶ ವ್ಯಕಪಡಿಸಿದ್ದು, ಪೊಲೀಸ್ ಆಯುಕ್ತರು ಮುಂದೆ ಏನು ಕ್ರಮ ಕೈಗೊಳ್ತಾರೆ ಕಾದು ನೋಡಬೇಕಾಗಿದೆ.
ಮಲ್ಲಾಂಡಹಳ್ಳಿ ಶಶಿಧರ್ ಪವರ್ ಟಿವಿ ಬೆಂಗಳೂರು
