ಕಾಂತಾರ ಆದ್ಮೇಲೆ ರೆಮ್ಯುನರೇಷನ್ ಹೆಚ್ಚಿಸಿಕೊಳ್ತೀನಿ ಅಂದಿರೋ ಡಿಟೆಕ್ಟಿವ್ ದಿವಾಕರ್ ಸದ್ಯ ಟಾಕ್ ಆಫ್ ದಿ ಟೌನ್ ಆಗಿದ್ದಾರೆ. ಕೆಜಿಎಫ್ ಮೇಕರ್ಸ್ನ ಕಾಂತಾರ ಸ್ಯಾಂಡಲ್ವುಡ್ನ ವಿನೂತನ ಪ್ರಯೋಗವಾಗಿದ್ದು, ನಾಡಹಬ್ಬ ದಸರಾಗೆ ವೈಭವ ತೋರಲಿದೆ. ಈ ಬಗ್ಗೆ ಫಿಲ್ಮಿ ಪವರ್ ಟೀಂ ಜೊತೆ ರಿಷಬ್ ಶೆಟ್ಟಿ ಡಿಟೈಲ್ಡ್ ಆಗಿ ಮಾತನಾಡಿದ್ದಾರೆ.
- ಸೆಪ್ಟೆಂಬರ್ 5ಕ್ಕೆ ಟ್ರೈಲರ್.. ದಸರಾಗೆ ಬಿಗ್ಸ್ಕ್ರೀನ್ ಎಂಟ್ರಿ
- ಭತ್ತ ಕುಟ್ಟೋವಾಗಿನ ಜನಪದ ನೆನೆದ ಮಲ್ಟಿ ಟ್ಯಾಲೆಂಟ್
- ಇದು ಕೆಜಿಎಫ್ ಹೊಂಬಾಳೆಯ ನ್ಯೂ ಎಕ್ಸ್ಪೆರಿಮೆಂಟ್
ನಿನ್ನೊಳಗಿನ ಕಿಚ್ಚು ನಿನ್ನನ್ನೇ ಸುಡದಿರಲಿ ಅನ್ನೋ ಅರ್ಥಪೂರ್ಣ ಟ್ಯಾಗ್ಲೈನ್ನೊಂದಿಗೆ ಬರ್ತಿರೋ ಕಾಂತಾರ ಸಿನಿಮಾ ಕರಾವಳಿಯ ಸಂಸ್ಕೃತಿಯನ್ನ ಅರ್ಥೈಸೋ ಸಿನಿಮಾ. ಅಲ್ಲದೆ, ಮನುಷ್ಯ ಹಾಗೂ ಪ್ರಕೃತಿಯ ನಡುವಿನ ಸಂಬಂಧವನ್ನು ಹೇಳಲು ಹೊರಟಿರೋ ಒಂದು ವಿನೂತನ ಕಥಾನಕ.
ಬಹುಮುಖ ಪ್ರತಿಭೆ ರಿಷಬ್ ಶೆಟ್ಟಿ ಅವ್ರೇ ನಿರ್ದೇಶಿಸಿ, ನಟಿಸಿರೋ ಈ ಸಿನಿಮಾ ಟೀಸರ್ ಹಾಗೂ ಸಾಂಗ್ನಿಂದ ಅದ್ರ ಅಸಲಿಯತ್ತು ಪರಿಚಯಿಸೋ ಕಾರ್ಯ ಮಾಡಿದೆ. ಕೆಜಿಎಫ್ ನಿರ್ಮಾಪಕರಾದ ಹೊಂಬಾಳೆ ಫಿಲಂಸ್ನ ವಿಜಯ್ ಕಿರಗಂದೂರು ಅವ್ರೇ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಸ್ಕ್ರೀನ್ ತುಂಬಾನೇ ರಿಚ್ ಆಗಿರಲಿದೆ ಅನ್ನೋದು ಓಪನ್ ಸೀಕ್ರೆಟ್.
ಕರಾವಳಿಯ ಕಂಬಳ, ಭೂತಕೋಲ ಸೇರಿದಂತೆ ಅಲ್ಲಿನ ಮಣ್ಣಿನ ಸೊಗಡಿನ ಹಾಗೂ ಸೊಬಗಿನ ಚಿತ್ರವಿದು. ಈ ಹಿಂದೆಯೇ ನಿಗದಿ ಆಗಿದ್ದಂತೆ ಇದೇ ಸೆಪ್ಟೆಂಬರ್ 30ಕ್ಕೆ ಥಿಯೇಟರ್ನಲ್ಲಿ ಬ್ಯಾಂಗ್ ಮಾಡಲು ಕಾಂತಾರ ಬರ್ತಿದ್ದು, ಟ್ರೈಲರ್ ಲಾಂಚ್ ಡೇಟ್ ಅನೌನ್ಸ್ ಮಾಡಿದೆ ಟೀಂ. ಸೆಪ್ಟೆಂಬರ್ 5ಕ್ಕೆ ಟ್ರೈಲರ್ ಲಾಂಚ್ ಆಗ್ತಿದ್ದು, ಸಿಂಗಾರ ಸಿರಿಯೆ ಸಾಂಗ್ ರಿಷಬ್ ನಟಿಸಿದ ಈ ಹಿಂದಿನ ಉಳಿದವರು ಕಂಡಂತೆಯ ಘಾಟಿಯಾ, ಬೆಲ್ಬಾಟಂನ ಬೊಗಸೆ ತುಂಬಾ ಹಾಡುಗಳ ಶೈಲಿಯಲ್ಲಿದೆ.ಈ ಬಗ್ಗೆ ಕಾಂತಾರ ಕ್ಯಾಪ್ಟನ್ ರಿಷಬ್, ನಮ್ಮ ಫಿಲ್ಮಿ ಪವರ್ ಟೀಂ ಜೊತೆ ಎಕ್ಸ್ಕ್ಲೂಸಿವ್ ಆಗಿ ಮಾತನಾಡಿದ್ದಾರೆ.
ಒಟ್ಟಾರೆ ಸದಾ ಭಿನ್ನ ಅಲೆಯ ಸಿನಿಮಾಗಳನ್ನೇ ನೀಡೋ ಶೆಟ್ರು, ಕಾಂತಾರದಿಂದ ಹೊಸದೊಂದು ಟ್ರೆಂಡ್ ಸೆಟ್ ಮಾಡಲಿದ್ದಾರೆ ಎನ್ನಲಾಗ್ತಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
