ನಟರಾಕ್ಷಸ ಡಾಲಿ ಧನಂಜಯ ಒಟ್ಟೊಟ್ಟಿಗೆ ಇಬ್ಬರು ನಟೀಮಣಿಯ ಜೊತೆ ಮಾನ್ಸೂನ್ ರಾಗ ಹಾಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಈಗಾಗ್ಲೇ ರಿಲೀಸ್ ಡೇಟ್ನ ಒಮ್ಮೆ ಪೋಸ್ಟ್ಪೋನ್ ಮಾಡಿಕೊಂಡಿದ್ದ ಟೀಂ, ಇದೀಗ ಡೆಡ್ಲೈನ್ ಫಿಕ್ಸ್ ಮಾಡಿ, ನೋಡುಗರಿಗೆ ಸರ್ಪ್ರೈಸ್ ಕೊಟ್ಟಿದೆ. ಹಾಗಾದ್ರೆ ರಿಲೀಸ್ ಯಾವಾಗ..? ಲೇಟೆಸ್ಟ್ ಅಪ್ಡೇಟ್ಸ್ ಏನು ಅಂತೀರಾ..? ಈ ಸ್ಟೋರಿ ಓದಿ.
- ಮತ್ತೊಮ್ಮೆ ಡೇರಿಂಗ್ ರೋಲ್ನಲ್ಲಿ ಡಿಂಪಲ್ ಕ್ವೀನ್ ರಚ್ಚು
- ನಟರಾಕ್ಷಸ ನಯಾ ಗೆಟಪ್.. ಡಾಲಿ ಡಬಲ್ ರೊಮ್ಯಾನ್ಸ್
- ವಿಶ್ಯುವಲ್ ಟ್ರೀಟ್ ಜೊತೆ ಬದುಕಿನ ಮಜಲುಗಳ ಉತ್ಸವ
ವಿಖ್ಯಾತ್ ಸ್ಟುಡಿಯೋಸ್ ಬ್ಯಾನರ್ನಲ್ಲಿ ಬರೋ ಒಂದೊಂದು ಸಿನಿಮಾ ಕೂಡ ಇಂಟೆನ್ಸ್ ಎಮೋಷನ್ಸ್ನ ಹೊತ್ತು ಬರುತ್ತೆ. ಅಂಥದ್ದೇ ಜಾನರ್ಗೆ ಸೇರೋ ಮತ್ತೊಂದು ಸಿನಿಮಾ ಈ ಮಾನ್ಸೂನ್ ರಾಗ. ಮುದ್ದಾದ ಟೈಟಲ್ಗೆ ತಕ್ಕನಾಗಿ ಅಷ್ಟೇ ಮುದ್ದಾದ ಪಾತ್ರಗಳು ಚಿತ್ರದಲ್ಲಿವೆ. ನಟರಾಕ್ಷಸ ಡಾಲಿ ಧನಂಜಯ ಈ ಬಾರಿ ಒಂದು ವಿಭಿನ್ನ ಅಟೈರ್ನಲ್ಲಿ ಕಾಣಸಿಗಲಿದ್ದಾರೆ.
ಯೆಸ್ ಪಂಚೆಯಲ್ಲಿ ಕಾಣೋ ಡಾಲಿ, ಈ ಚಿತ್ರದಿಂದ ಅವ್ರ ನಟನಾ ಸಾಮರ್ಥ್ಯ ಮತ್ತಷ್ಟು ಜನಕ್ಕೆ ವಿಸ್ತರಣೆ ಆಗಲಿದೆ. ಇನ್ನು ಡಿಂಪಲ್ ಕ್ವೀನ್ ರಚಿತಾ ರಾಮ್ ಹಾಗೂ ಯಶಾ ಶಿವಕುಮಾರ್ ಹೀಗೆ ಇಬ್ಬಿಬ್ಬರ ಜೊತೆ ಡಬಲ್ ರೊಮ್ಯಾನ್ಸ್ಗೆ ಸಜ್ಜಾಗಿದ್ದಾರೆ ಧನಂಜಯ. ಈಗಾಗ್ಲೇ ಟೀಸರ್ ಸಖತ್ ಮೋಡಿ ಮಾಡಿತ್ತು. ಇದೀಗ ಸಾಂಗ್ಸ್ ಕೂಡ ಹಂಗಾಮ ಮಾಡ್ತಿದ್ದು, ಫ್ರೆಶ್ ಫೀಲ್ ಕೊಡ್ತಿವೆ.
ಅನೂಪ್ ಸೀಳಿನ್ರ ಸಂಗೀತ ಕಿವಿ ಇಂಪಾಗಿಸೋದ್ರ ಜೊತೆಗೆ ಎಸ್ಕೆ ರಾವ್ ಸಿನಿಮಾಟೋಗ್ರಫಿ ಕಣ್ಮನ ತಣಿಸಲಿದೆ. ಪ್ರೇಕ್ಷಕರಿಗೆ ವಿಶ್ಯುವಲ್ ಟ್ರೀಟ್ ಸಿಗಲಿದ್ದು, ಕ್ಲಾಸಿಕಲ್ ಮ್ಯೂಸಿಕ್ ಹಾಗೂ ಡ್ಯಾನ್ಸ್ ಫಾರ್ಮ್ಸ್ನ ಇಲ್ಲಿ ಅಳವಡಿಸಲಾಗಿದೆ. ಅಚ್ಯುತ್ರ ಮುದ್ದಾದ ಮರಕೋತಿ ಸಾಂಗ್ ದೊಡ್ಡ ಮಟ್ಟಕ್ಕೆ ಹಿಟ್ ಆಗಿದ್ದು, ಸುಹಾಸಿನಿ ಮಣಿರತ್ನಂ- ಅಚ್ಯುತ್ ಟ್ರ್ಯಾಕ್ ಸಖತ್ ಇಂಪ್ರೆಸ್ಸೀವ್ ಅನಿಸಿದೆ.
ರವೀಂದ್ರನಾಥ್ ನಿರ್ದೇಶನದ ಈ ಸಿನಿಮಾನ ವಿಖ್ಯಾತ್ ನಿರ್ಮಿಸಿದ್ದು, ಬಹುತೇಕ ಸಿನಿಮಾ ಮಳೆಯಲ್ಲೇ ಚಿತ್ರಿತವಾಗಿದೆ. ಸದಾ ಚಾಲೆಂಜಿಂಗ್ ರೋಲ್ಸ್ನಲ್ಲಿ ಕಾಣಸಿಗೋ ಡಿಂಪಲ್ ಕ್ವೀನ್ ರಚಿತಾ ರಾಮ್, ಈ ಬಾರಿ ವೇಶ್ಯೆಯ ಪಾತ್ರ ಪೋಷಿಸಿದ್ದಾರೆ. ಇದು ನಿಜಕ್ಕೂ ಆಕೆಯ ಮೆಚ್ಯುರಿಟಿ ಲೆವೆಲ್ ಜೊತೆ ಒಬ್ಬ ಕಲಾವಿದೆಯಾಗಿ ಹೊಸತನಕ್ಕೆ ತುಡಿಯೋ ಮನಸ್ಥಿತಿಯನ್ನ ಹೇಳುತ್ತೆ.
ಯಶಾ ಶಿವಕುಮಾರ್ರ ರೈನ್ ಸಾಂಗ್ ಸಂಚಲನ ಮೂಡಿಸಿತ್ತು. ಇದೀಗ ಮೇಘರಾಜನ ರಾಗ ಅನ್ನೋ ಸಾಂಗ್ ಕೂಡ ಎಲ್ಲದ ಮನಸ್ಸು ಗೆಲ್ಲುತ್ತಿದೆ. ರಿಲೀಸ್ ಡೇಟ್ನ ಒಮ್ಮೆ ಪೋಸ್ಟ್ಪೋನ್ ಮಾಡಿದ್ದ ಚಿತ್ರತಂಡ, ಇದೀಗ ಪೋಸ್ಟ್ ಪ್ರೊಡಕ್ಷನ್ ಕಾರ್ಯಗಳನ್ನ ಕಂಪ್ಲೀಟ್ ಆಗಿ ಮುಗಿಸಿ, ಇದೇ ಸೆಪ್ಟೆಂಬರ್ 16ಕ್ಕೆ ತೆರೆಗಪ್ಪಳಿಸುತ್ತಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
