ಸ್ಯಾಂಡಲ್ವುಡ್ ಬೀರ್ಬಲ್ ಎಂದೇ ಹೆಸರಾದ ಮೋಸ್ಟ್ ಕ್ರಿಯೇಟಿವ್ ಡೈರೆಕ್ಟರ್ ಎಮ್. ಜಿ ಶ್ರೀನಿವಾಸ್. ಅಭಿನಯ ಚತುರತೆಯ ಜತೆಗೆ ಸಿನಿಮಾ ಮಾಂತ್ರಿಕನಾಗಿ ಕನ್ನಡದಲ್ಲಿ ಕಮಾಲ್ ಮಾಡ್ತಿದ್ದಾರೆ ಶ್ರೀನಿ. ಇದೀಗ ಹೊಸ ಟೆಕ್ನಾಲಜಿಯೊಂದಿಗೆ ಸಿನಿಪ್ರಿಯರ ಕಣ್ಮನ ತಣಿಸೋಕೆ ಸಜ್ಜಾಗಿದ್ದಾರೆ. ಯೆಸ್. ಶಿವಣ್ಣನ ಗೋಸ್ಟ್ ಸಿನಿಮಾ ತಯಾರಿ ಬಗ್ಗೆ ಎಕ್ಸ್ಕ್ಲ್ಯೂಸಿವ್ ಅಪ್ಡೇಟ್ ಕೊಡ್ತೀವಿ. ನೀವೇ ಓದಿ.
- AI ಟೆಕ್ನಾಲಜಿ ಬಳಸಿ ಗೋಸ್ಟ್ ಸಿನಿಮಾ ಪಾತ್ರಗಳ ಡಿಸೈನ್..!
ಕನ್ನಡ ಸಿನಿದುನಿಯಾದಲ್ಲಿ ಕಲರ್ ಫುಲ್ ಸಿನಿಮಾಗಳ ಮೂಲಕ ಎಲ್ಲರ ಮನಸ್ಸು ಕದ್ದ ನಟ ಶ್ರೀನಿ. ಹೀರೋ ಕಮ್ ಡೈರೆಕ್ಟರ್ ಆಗಿ ಹೆಸ್ರು ಮಾಡಿರೋ ಸಿನಿಮಾಂತ್ರಿಕ. ಓಲ್ಡ್ಮಾಂಕ್ ಚಿತ್ರದ ಯಶಸ್ಸಿನ ಬೆನ್ನಲ್ಲೇ ಸೆಂಚುರಿ ಸ್ಟಾರ್ ಶಿವಣ್ಣನಿಗೆ ಕಥೆ ಹೆಣೆದಿರುವ ಶ್ರೀನಿ ಸಿನಿಮಾದ ಪ್ರೀ ಪ್ರೊಡಕ್ಷನ್ನಲ್ಲಿ ಬ್ಯುಸಿ ಇದ್ದಾರೆ. ಇದೀಗ, ಗಣೇಶನ ಹಬ್ಬಕ್ಕೆ ರಿಲೀಸ್ ಆಗಿರೋ ಗೋಸ್ಟ್ ಹಾಗೂ ಬೀರ್ಬಲ್ ಚಿತ್ರದ ಸ್ಪೆಷಲ್ ಪೋಸ್ಟರ್ಗಳು ಸೆನ್ಸೇಷನ್ ಕ್ರಿಯೇಟ್ ಮಾಡಿವೆ.
ಟೋಪಿವಾಲ, ಶ್ರೀನಿವಾಸ ಕಲ್ಯಾಣ, ಬೀರ್ಬಲ್ ಸಿನಿಮಾಗಳಿಗೆ ಆ್ಯಕ್ಷನ್ ಕಟ್ ಹೇಳಿರುವ ಶ್ರೀನಿ, ನಿರ್ದೇಶನದ ಗತ್ತು, ತಾಕತ್ತು, ಕರಾಮತ್ತನ್ನು ಸಾಬೀತುಪಡಿಸಿದ್ದಾರೆ. ಇತ್ತೀಚೆಗೆ ಚಂದನವದಲ್ಲಿ ಧೂಳೆಬ್ಬಿಸಿದ ಓಲ್ಡ್ಮಾಂಕ್ ಸಿನಿಮಾದ ಕಾಮಿಡಿ ಕಿಕ್ಕಿಗೆ ಪ್ರೇಕ್ಷಕರು ಕ್ಲೀನ್ ಬೋಲ್ಡ್ ಆಗಿದ್ದಾರೆ.
ಇದ್ರ ಬೆನ್ನಲ್ಲೆ ಶ್ರೀನಿ, ಹ್ಯಾಟ್ರಿಕ್ ಹೀರೋ ಶಿವಣ್ಣನಿಗೆ ಆ್ಯಕ್ಷನ್ ಕಟ್ ಹೇಳೋಕೆ ಸಜ್ಜಾಗಿದ್ದಾರೆ. ಈ ಚಿತ್ರದ ಪೋಸ್ಟರ್ ಸಿಕ್ಕಾಪಟ್ಟೆ ವೈರಲ್ ಅಗಿದ್ದು, ಸಖತ್ ಕ್ಯೂರಿಯಾಸಿಟಿ ಮೂಡಿಸಿದೆ. ವಿಶೇಷವಾಗಿ ಎ.ಐ ಟೆಕ್ನಾಲಜಿ ಬಳಸಿ ಗೋಸ್ಟ್ ಚಿತ್ರದ ರೋಲ್ಗಳನ್ನು ವಿನ್ಯಾಸಗೊಳಿಸಲಾಗ್ತಿದೆಯಂತೆ.
- ಜೈಲಲ್ಲಿ ಗೋಸ್ಟ್ ಚಕ್ರವ್ಯೂಹ.. ಬೀರ್ಬಲ್ ಬೆಂಕಿ ಪ್ರವಾಹ
- ಶ್ರೀನಿ ಟೆಕ್ನಾಲಜಿಯಲ್ಲಿ ಅರಳಿದ ಭೂತ, ಪ್ರೇತಗಳ ಹವಾ..!
ತಮ್ಮ ನಟನಾ ಕೌಶಲ್ಯ, ನಿರ್ದೇಶನದ ಚಾಣಾಕ್ಷತೆಯಲ್ಲಿ ಸ್ಟಾರ್ ನಟರ ಜತೆ ಕೆಲಸ ಮಾಡುವ ಅದೃಷ್ಠ ಶ್ರೀನಿ ಪಾಲಾಗಿದೆ. ಹ್ಯಾಟ್ರಿಕ್ ಹೀರೋ ಶಿವಣ್ಣ ಕೂಡ ಶ್ರೀನಿ ಕಥೆಗೆ ಮರು ಮಾತಾಡದೆ ಯೆಸ್ ಎಂದಿದ್ದಾರೆ. ಇದೀಗ ಶ್ರೀನಿ ಗೋಸ್ಟ್ ಕಥೆಗೆ ಸಖತ್ ಡೆಡಿಕೇಷನ್ ಹಾಕಿದ್ದು, ಸ್ವತಃ ತಾವೇ ಆರ್ಟಿಫಿಷಿಯಲ್ ಇಂಟಿಲಿಜೆನ್ಸ್ ತಂತ್ರಜ್ನಾನ ಬಳಸಿ ಪಾತ್ರಗಳ ಡಿಸೈನ್ ಮಾಡ್ತಿದ್ದಾರೆ. ಈ ಮೂಲಕ ವಿಭಿನ್ನ ರೀತಿಯ ಮೇಕಿಂಗ್ ಸ್ಟೈಲ್ನಲ್ಲಿ ಗೋಸ್ಟ್ ಸಿನಿಮಾ ಮೂಡಿ ಬರ್ತಿದೆ.
ಈಗಾಗ್ಲೇ ಶ್ರೀನಿ ವಿನ್ಯಾಸ ಮಾಡಿರೋ ಭೂತ, ಪ್ರೇತಗಳ ಡಿಸೈನ್ಗಳು ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡ್ತಿದ್ದು, ಸಖತ್ ಹೈಪ್ ಕ್ರಿಯೇಟ್ ಮಾಡಿವೆ. ಪೋಸ್ಟರ್ಗಳು ಹಾಲಿವುಡ್ ಹಾರರ್ ಸಿನಿಮಾ ಫೀಲ್ ಕೊಡ್ತಿವೆ. ಪ್ರತಿಷ್ಟಿತ ಸಂದೇಶ್ ಪ್ರೊಡಕ್ಷನ್ ಬ್ಯಾನರ್ನಲ್ಲಿ ಗೋಸ್ಟ್ ತೆರೆಗೆ ಬರಲಿದೆ. ಸಂದೇಶ್ ನಾಗರಾಜ್ ಅವ್ರ ಅದ್ಧೂರಿ ವೆಚ್ಚದಲ್ಲಿ ಸಿನಿಮಾ ಮ್ಯಾಜಿಕ್ ಮಾಡಲಿದೆ.
ಇನ್ನೂ ಶ್ರೀನಿ ಬತ್ತಳಿಕೆಯಲ್ಲಿ ಕಮಾಲ್ ಮಾಡಿದ್ದ ಬೀರ್ಬಲ್ ಸೀಕ್ವೆನ್ಸ್ ಸಿನಿಮಾ ಕೂಡ ತಯಾರಾಗ್ತಿದೆ. ಈ ಸಿನಿಮಾದ ಪೋಸ್ಟರ್ನಲ್ಲಿ ಲಾಯರ್ ಕೋಣೆಗೆ ಬೆಂಕಿ ಬಿದ್ದಿದ್ದು, ಕೇಸ್ ಸ್ಟಡಿ ಫೈಲ್ಗಳೆಲ್ಲಾ ಹೊತ್ತಿ ಉರಿಯುತ್ತಿವೆ. ಬೀರ್ಬಲ್ 2 ಸಿನಿಮಾದಲ್ಲಿ ನೆಕ್ಸ್ಟ್ ಲೆವೆಲ್ ಸಸ್ಪೆನ್ಸ್ ಥ್ರಿಲ್ಲರ್ ಅಂಶಗಳು ಇರಲಿವೆ. ಅವ್ರನ್ ಬಿಟ್ಟು, ಇವ್ರನ್ ಬಿಟ್ಟು, ಅವ್ರ್ ಯಾರು ಅನ್ನೋ ಗೊಂದಲ ಶುರುವಾಗಲಿದೆ. 2023 ಕ್ಕೆ ತರೆಗೆ ಬರಲಿರುವ ಬೀರ್ಬಲ್ 2 ಪೋಸ್ಟರ್ ಮತ್ತೊಮ್ಮೆ ಕಿಚ್ಚು ಹಚ್ಚಿದೆ. ಎನಿವೇ, ನಿರೀಕ್ಷೆ ಮೂಡಿಸಿರೋ ಗೋಸ್ಟ್, ಬೀರ್ಬಲ್ 2 ಚಿತ್ರಗಳು ಆದಷ್ಟು ಬೇಗ ತೆರೆಗೆ ಬರಲಿ ಎಂದು ಆಶಿಸೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
