ಸ್ವೀಟ್ 60 ಶಿವಣ್ಣ ಸ್ಯಾಂಡಲ್ವುಡ್ನಲ್ಲಿ ಮಿಂಚಿ ಟಾಲಿವುಡ್, ಕಾಲಿವುಡ್ ಕಡೆ ಮುಖ ಮಾಡಿದ್ದಾರೆ. ಅವ್ರ ಎನರ್ಜಿ, ಆ್ಯಕ್ಟಿಂಗ್, ಸ್ನೇಹ ವಿಶ್ವಾಸಕ್ಕೆ ಪರಭಾಷೆಗಳಿಂದ ಬಿಗ್ ಆಫರ್ಸ್ ಬರ್ತಿವೆ. ಇಂಟರ್ನ್ಯಾಷನಲ್ ಸೂಪರ್ ಸ್ಟಾರ್ ರಜಿನಿಕಾಂತ್ ಜತೆ ಹ್ಯಾಟ್ರಿಕ್ ಹೀರೋ ಕೈ ಜೋಡಿಸಿದ್ದಾರೆ. ಇದೀಗ ಧನುಷ್ ಸಿನಿಮಾದಲ್ಲೂ ಮಿಂಚೋಕೆ ಸೆಂಚುರಿ ಸ್ಟಾರ್ ಸಜ್ಜಾಗಿದ್ದಾರೆ. ಯಾವ ಸಿನಿಮಾ..? ಯಾವಾಗ..? ಏನ್ ಕಥೆ ಅಂತೀರಾ..? ನೀವೇ ಓದಿ.
- ಹಳೆಯ ಋಣ ತೀರಿಸಿದ ಹ್ಯಾಟ್ರಿಕ್ ಹೀರೋ ಡಾ. ಶಿವಣ್ಣ..!
ಕನ್ನಡದ ಸ್ಟಾರ್ ನಟರು ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಮಿಂಚ್ತಿದ್ದಾರೆ. ಪರಭಾಷಾ ಸಿನಿಮಾಗಳಲ್ಲೂ ಸ್ಯಾಂಡಲ್ವುಡ್ ನಟರಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಇದೆ. ಈ ಸಾಲಿನಲ್ಲಿ ಡಾಲಿ ಧನಂಜಯ, ಕಿಚ್ಚ ಸುದೀಪ್ ತಮ್ಮದೇ ಛಾಪು ಮೂಡಿಸಿದ್ದಾರೆ. ಇದೀಗ ಸೆಂಚುರಿ ಸ್ಟಾರ್ ಶಿವಣ್ಣನ ಸರದಿ. ಈಗಾಗ್ಲೇ ಬಾಲಯ್ಯನ ಗೌತಮಿಪುತ್ರ ಶಾತಕರ್ಣಿ ಸಿನಿಮಾದಲ್ಲಿ ಗೆಸ್ಟ್ ರೋಲ್ ಮಾಡಿದ್ದ ಶಿವಣ್ಣ ಟಾಲಿವುಡ್ ಸಿನಿಪ್ರಿಯರ ದಿಲ್ ದೋಚಿದ್ರು.
ಶಿವಣ್ಣನ ಮಗುವಿನಂತ ಮನಸ್ಸಿಗೆ ಇಡೀ ಬಾರತೀಯ ಚಿತ್ರರಂಗದಲ್ಲಿ ಸಿಕ್ಕಾಪಟ್ಟೆ ಸ್ನೇಹಿತರಿದ್ದಾರೆ. ಅವರ ಮನೋಘ್ನ ಅಭಿನಯವನ್ನು ಮೆಚ್ಚಿ ಪರಬಾಷೆ ನಿರ್ದೆಶಕರು ಬಿಗ್ ಆಫರ್ ನೀಡುತ್ತಿದ್ದಾರೆ. ಈಗಾಗ್ಲೇ ರಜಿನಿಕಾಂತ್ ಜತೆ ಸ್ಕ್ರೀನ್ ಶೇರ್ ಮಾಡ್ತಿರೋ ಶಿವಣ್ಣ ಮೆಚ್ಚಿನ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಇದೀಗ ಧನುಷ್ ಚಿತ್ರದಲ್ಲೂ ಶಿವಣ್ಣ ನಟಿಸ್ತಾರೆ ಅನ್ನೋ ಸುದ್ದಿ ಸಖತ್ ವೈರಲ್ ಆಗಿದೆ. ವಜ್ರಕಾಯ ಚಿತ್ರದ ನೋ ಪ್ರಾಬ್ಲಮ್ ಹಾಡು ಹಾಡಿದ್ದ ಧನುಷ್ ಸ್ನೇಹದ ಋಣ ತೀರಿಸೋ ಸಕಾಲ ಈಗ ಕೂಡಿ ಬಂದಿದೆ.
- ಹಾಲಿವುಡ್ನಲ್ಲೂ ಸೂಪರ್ ಸ್ಟಾರ್ ಧನುಷ್ ಮಿಂಚು
- ವೈ ದಿಸ್ ಕೊಲವರಿ ಚೆಲುವನಿಗೆ ಭಜರಂಗಿಯ ಸಾಥ್..!
ಕನ್ನಡದ ಟಾಪ್ ಮೋಸ್ಟ್ ನಟರಲ್ಲಿ ಶಿವಣ್ಣ ಈಗ್ಲೂ ಮೊದಲ ಸಾಲಿನಲ್ಲಿ ನಿಲ್ತಾರೆ. ಭೈರಾಗಿ ನಂತ್ರ ವೇದ, ಅಶ್ವತ್ಥಾಮ, ಗೋಸ್ಟ್ ಅಂತಾ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ಹ್ಯಾಟ್ರಿಕ್ ಹೀರೋ ಬ್ಯುಸಿ ಆಗಿದ್ದಾರೆ. ವರ್ಷದ ಹನ್ನೆರೆಡು ತಿಂಗಳು ಬಿಡುವಿಲ್ಲದ ಕೆಲಸದಲ್ಲಿ ಶಿವಣ್ಣ ಬ್ಯುಸಿ ಇದ್ದಾರೆ. ಜತೆಗೆ ರಜಿನಿಕಾಂತ್ ಜೈಲರ್ ಸಿನಿಮಾ ಕೂಡ ಸಖತ್ ಹೈಪ್ ಕ್ರಿಯೇಟ್ ಮಾಡಿದ್ದು ಸಂಚಲನ ಮೂಡಿಸಿದೆ.
ಸತ್ಯಮಂಗಲ ಕಾಡಿನ ರೋಚಕ ಕಹಾನಿಯ ಕಥೆಗೂ ಶಿವಣ್ಣ ಸೈನ್ ಮಾಡಿದ್ದಾರೆ. ಈ ನಡುವೆ ಧನುಷ್ ಜತೆ ಬಣ್ಣ ಹಚ್ಚೋ ಸುದ್ದಿ ಬಿರುಗಾಳಿಯಂತೆ ಹರಿದಾಡ್ತಿದೆ. ಇವರಿಬ್ರ ಕಾಂಬೋದಲ್ಲಿ ಮೂಡಿ ಬರ್ತಾ ಇರೋ ಮೊದಲ ಸಿನಿಮಾ ಇದಾಗಲಿದೆ. ಕಥೆ ಏನು..? ಶಿವಣ್ಣನ ರೋಲ್ ಏನು..? ಯಾವಾಗ ಸೆಟ್ಟೇರಲಿದೆ ಅನ್ನೋದು ಸದ್ಯದಲ್ಲೆ ಗೊತ್ತಾಗಲಿದೆ. ಅಂತೂ ಶಿವಣ್ಣನ ಖದರ್ ಟಾಲಿವುಡ್, ಕಾಲಿವುಡ್ ಮಂದಿಗೂ ತಿಳಿಯಲಿದೆ.
ಹಾಲಿವುಡ್ನ ಗ್ರೇ ಮ್ಯಾನ್ ಸಿನಿಮಾದಲ್ಲಿ ನಟಿಸಿ ಅಬ್ಬರಿಸಿದ ಧನುಷ್ ಸದ್ಯ, ನಾನೆ ವೆರುವೆನ್, ವಾಥಿ ಪ್ರಾಜೆಕ್ಟ್ಗಳಲ್ಲಿ ಬ್ಯುಸಿ ಆಗಿದ್ದಾರೆ. ಇದ್ರ ನಡುವೆ ಹ್ಯಾಟ್ರಿಕ್ ಹೀರೋ ಶಿವಣ್ಣನ ಜತೆ ಕೈ ಜೋಡಿಸಲಿರುವ ಧನುಷ್ ಸದ್ಯದಲ್ಲೇ ಗುಡ್ ನ್ಯೂಸ್ ಕೊಡಲಿದ್ದಾರೆ. ಯೆಸ್.. ಕನ್ನಡದ ವರ್ಸಟೈಲ್ಆ್ಯಕ್ಟರ್ ಶಿವರಾಜ್ ಕುಮಾರ್ ತಮಿಳಿಗೂ ಎಂಟ್ರಿ ಕೊಟ್ಟಿರೋದು ಅಭಿಮಾನಿಗಳಿಗೆ ಹೆಮ್ಮೆಯ ವಿಷಯವಾಗಿದೆ. ಆಲ್ ದಿ ಬೆಸ್ಟ್ ಡಾ.ಶಿವಣ್ಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
