ದುಬೈ: ಪಾಕಿಸ್ತಾನದ ಹಾಗೂ ಭಾರತ ನಡುವಿನ ಪಂದ್ಯ ನಡೆದ ನಂತರ ಪಾಕಿಸ್ತಾನದ ವೇಗಿ ಹ್ಯಾರಿಸ್ ರೌಫ್‌ಗೆ ವಿರಾಟ್ ಕೊಹ್ಲಿ ಸಹಿ ಮಾಡಿದ ಜೆರ್ಸಿಯನ್ನು ಉಡುಗೊರೆಯಾಗಿ ನೀಡಿದರು.
ದುಬೈನಲ್ಲಿ ನಿನ್ನೆ ನಡೆದ ಸಾಂಪ್ರದಾಯಿಕ ಪಾಕಿಸ್ತಾನದ ವಿರುದ್ಧ ಪಂದ್ಯದಲ್ಲಿ ಭಾರತ 5 ವಿಕೆಟ್ಗಳಿಂದ ಜಯಗಳಿಸಿತ್ತು. ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 35 ರನ್ ಗಳಿಸಿದ್ದರು. ಹಾರ್ದಿಕ್ ಪಾಂಡ್ಯ ಹಾಗೂ ರವೀಂದ್ರ ಜಡೇಜಾ ಅವರ ನಡುವಿನ ಜತೆಯಾಟ ಭಾರತ ಗೆಲ್ಲಲು ಪ್ರಮುಖವಾಯಿತು.
ಈ ಪಂದ್ಯದಲ್ಲಿ 19.5 ಓವರ್ಗಳಲ್ಲಿ ಪಾಕಿಸ್ತಾನ ತಂಡ ತನ್ನ ಎಲ್ಲಾ ವಿಕೆಟ್ ಕಳೆದುಕೊಂಡು 147 ರನ್ ಕಲೆಹಾಕಿತ್ತು. 147 ರನ್ ಗುರಿ ಬೆನ್ನತ್ತಿದ ಭಾರತ ತಂಡ 19.4 ಓವರ್ಗಳಲ್ಲಿ 148 ರನ್ ಗಳಿಸುವ ಮೂಲಕ ಭಾರತ ಸುಲಭ ಜಯಗಳಿಸಿತ್ತು.
ಭಾರತದ ಪರ ರೋಹಿತ್ ಶರ್ಮಾ 12, ವಿರಾಟ್ ಕೊಹ್ಲಿ 35, ರವೀಂದ್ರ ಜಡೆಜಾ 35, ಸುರ್ಯಕುಮಾರ್ ಯಾದವ್ 18, ಹಾರ್ದಿಕ ಪಾಂಡ್ಯ 33 ರನ್ ಕಲೆಹಾಕಿದ್ದರೆ, ಭುವನೇಶ್ವರ್ ಕುಮಾರ್ 4, ಹಾರ್ದಿಕ್ ಪಾಂಡ್ಯ 3, ಅರ್ಶದೀಪ್ ಸಿಂಗ್ 2 ವಿಕೆಟ್ ಪಡೆದು ಮಿಂಚಿದ್ದರು.
