ಜಬರ್ದಸ್ತ್ ಅ್ಯಕ್ಟಿಂಗ್ ಮೂಲಕ ಪೊಗರ್ದಸ್ತ್ ಆಗಿ ಅಬ್ಬರಿಸಿದ ನಟ ಅಲ್ಲು ಅರ್ಜುನ್. ನಾನು ತಗ್ಗೋದೆ ಇಲ್ಲ ಎಂದಿದ್ದ ಪುಷ್ಪರಾಜ್ ಬಾಕ್ಸ್ ಅಫೀಸ್ ಲೆಕ್ಕಾಚಾರಗಳನ್ನು ಬುಡಮೇಲು ಮಾಡಿದ್ದ. ಇದೀಗ ಅಲ್ಲು ಅರ್ಜುನ್ ಭಾರತೀಯ ಚಿತ್ರರಂಗದಲ್ಲಿ ಟ್ರೆಂಡ್ ಸೆಟ್ಟರ್ ಆಗಿದ್ದಾರೆ. ಸ್ಟೈಲೀಶ್ ಐಕಾನ್ಗೆ ಹಾಲಿವುಡ್ನಿಂದಲೂ ಆಫರ್ಸ್ ಬರ್ತಿದೆ. ಯೆಸ್.. ಅಲ್ಲು ಖದರ್ ಚೇಂಜ್ ಅಗಿರೋ ಇಂಟ್ರೆಸ್ಟಿಂಗ್ ಮಾಹಿತಿ ಇಲ್ಲಿದೆ.
- ಸೂಪರ್ ಹೀರೋ ಪಾತ್ರದಲ್ಲಿ ಟಾಲಿವುಡ್ ಸೂಪರ್ ಸ್ಟಾರ್
ಪುಷ್ಪ ಸಿನಿಮಾ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದ ಮೇಲೆ ಅಲ್ಲು ಅರ್ಜುನ್ಗೆ ಡಿಮ್ಯಾಂಡ್ ಜಾಸ್ತಿಯಾಗಿದೆ. ದೇಶ ವಿದೇಶಗಳಲ್ಲಿ ತಗ್ಗೋದೆ ಇಲ್ಲ ಡೈಲಾಗ್ಗೆ ಸಿಕ್ಕ ರೆಸ್ಪಾನ್ಸ್ ಅಲ್ಲು ಅರ್ಜುನ್ಗೆ ದೊಡ್ಡ ಬೇಡಿಕೆ ಸೃಷ್ಠಿ ಮಾಡಿದೆ. ಪ್ಯಾನ್ ಇಂಡಿಯಾ ಸ್ಟಾರ್ ಗ್ಲೋಬಲ್ ಸ್ಟಾರ್ ಆಗಿ ಮಿಂಚ್ತಿದ್ದಾರೆ. ಇದೀಗ ಸ್ಟೈಲೀಶ್ ಐಕಾನ್ ರೆಕ್ಕೆ ಬಿಚ್ಚಿ ಹಾಲಿವುಡ್ಗೆ ಜಿಗಿಯಲಿದ್ದಾರೆ ಅನ್ನೋ ಸುದ್ದಿ ಬೆಂಕಿ ಬಿರುಗಾಳಿಯಂತೆ ಹರಿದಾಡ್ತಿದೆ.
ಯೆಸ್.. ಚಿತ್ತೂರು ಸ್ವಾಗ್ನಲ್ಲಿ ಚಿತ್ರಪ್ರೇಮಿಗಳ ಹೃದಯ ಗೆದ್ದ ಸಿನಿಮಾ ಪುಷ್ಪ. ಪ್ರತಿ ಸಿನಿಮಾಗಳಲ್ಲಿ ಅಲ್ಲು ಅವರದ್ದು ಡಿಫರೆಂಟ್ ಮ್ಯಾನರಿಸಂ. ಹೇರ್ ಸ್ಟೈಲ್, ಬಾಡಿ ಲಾಂಗ್ವೇಜ್ ಎಲ್ಲವೂ ಪ್ರೇಕ್ಷಕರ ದಿಲ್ ದೋಚಿಬಿಡುತ್ತೆ. ನಟನಾ ವಿಚಾರದಲ್ಲಿ ಅಲ್ಲು ಅವ್ರ ಡೆಡಿಕೇಷನ್ ಎಲ್ರು ಮೆಚ್ಚಲೇಬೇಕು. ದೊಡ್ಡ ಸ್ಟಾರ್ಡಂ ಇದ್ರೂ, ಪ್ರತಿ ಸಿನಿಮಾಗೂ ಸಿಕ್ಕಾಪಟ್ಟೆ ತಯಾರಿ ನಡೆಸಿ ಅಭಿಮಾನಿಗಳಿಗೆ ಮಸ್ತ್ ಮನರಂಜನೆ ನೀಡುತ್ತಾರೆ.
ಅಲ್ಲು ಆ್ಯಕ್ಟಿಂಗ್ಗೆ ಬಾಲಿವುಡ್, ಹಾಲಿವುಡ್ನಲ್ಲೂ ಸಿಕ್ಕಾಪಟ್ಟೆ ಫ್ಯಾನ್ಸ್ ಇದ್ದಾರೆ. ಅವ್ರ ಸಿನಿಮಾಗಳ ಡೈಲಾಗ್ಗೆ ಇಂಟರ್ನ್ಯಾಷನಲ್ ಲೆವೆಲ್ನಲ್ಲಿ ರೆಸ್ಪಾನ್ಸ್ ಸಿಗುತ್ತೆ. ವಿಶ್ವದ ಸ್ಟಾರ್ ಕಲಾವಿದರು, ಸ್ಪೋರ್ಟ್ಸ್ಮನ್ಗಳು ಅವ್ರ ಹಾಡುಗಳನ್ನು ಇಮ್ಮಿಟೇಟ್ ಮಾಡ್ತಾರೆ. ಇದೀಗ ಹಾಲಿವುಡ್ನಲ್ಲಿ ಸೂಪರ್ ಹೀರೋ ರೋಲ್ನಲ್ಲಿ ಅಲ್ಲು ಅಭಿನಯಿಸಲಿದ್ದಾರಂತೆ. ಅಲ್ಲುಗೆ ಹಾಲಿವುಡ್ನಿಂದ ಬಂಪರ್ ಆಫರ್ ಬಂದಿದೆ ಅನ್ನೋ ಗಾಸಿಪ್ ಎಲ್ಲ ಕಡೆ ಹರಿದಾಡ್ತಿದೆ.
ಇತ್ತೀಚೆಗೆ ನ್ಯೂಯಾರ್ಕ್ ಪ್ರವಾಸದಲ್ಲಿದ್ದ ಅಲ್ಲು ಅರ್ಜುನ್ಗೆ ಗ್ರ್ಯಾಂಡ್ ವೆಲ್ಕಮ್ ಸಿಕ್ಕಿದೆ. ಪ್ರಶಸ್ತಿ ಸ್ವೀಕರಿಸಲು ತೆರಳಿದ್ದ ಅಲ್ಲು ಅವ್ರನ್ನು ಸ್ಟಾರ್ ನಿರ್ಮಾಪಕರು ಬೇಟಿ ಆಗಿದ್ದಾರಂತೆ. ಪುಷ್ಪನನ್ನು ಭೇಟಿ ಮಾಡಿ ಹಾಲಿವುಡ್ ಸಿನಿಮಾದಲ್ಲಿ ನಟಿಸುವಂತೆ ಬುಲಾವ್ ನೀಡಿದ್ದಾರೆ ಎನ್ನಲಾಗ್ತಿದೆ. ನ್ಯೂಯಾರ್ಕ್ಗೆ ಪತ್ನಿ ಜತೆ ತೆರಳಿದ್ದ ಅಲ್ಲು ಅರ್ಜುನ್ ಅಲ್ಲಿನ ಮೇಯರ್ ಎರಿಕ್ ಆಡಮ್ಸ್ ಅವರೊಂದಿಗಿನ ಫೋಟೋ ಹಂಚಿಕೊಂಡಿದ್ದರು. ಅಲ್ಲು ಕ್ರೇಜ್ ನೋಡಿ ಹಾಲಿವುಡ್ನಿಂದ ಬಂದಿರೋ ಆಫರ್ ನಿಜವಾದ್ರೆ ಫ್ಯಾನ್ಸ್ ಹಬ್ಬ ಮಾಡಲಿದ್ದಾರೆ. ಎನಿವೇ. ಆಲ್ ದಿ ಬೆಸ್ಟ್ ಪುಷ್ಪರಾಜ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
