ಬಾಲಿವುಡ್ನ ಗ್ರೀಕ್ಗಾಡ್ ಹೃತಿಕ್ ಹಾಗೂ ಫಿಟ್ ಅಂಡ್ ಫೈನ್ ಸೈಫ್ ಅಲಿ ಖಾನ್ ಕಾಂಬಿನೇಷನ್ನ ವಿಕ್ರಂ ವೇದ ಟೀಸರ್ ಯೂಟ್ಯೂಬ್ನಲ್ಲಿ ಸದ್ದು ಮಾಡ್ತಿದೆ. ಸ್ಯಾಂಪಲ್ ಝಲಕ್ ನೋಡಿದ ಪ್ರೇಕ್ಷಕರಿಗೆ ರೋಮಾಂಚನವಾಗಿದ್ದು, ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗ್ತಿದೆ. ಸೈಫ್- ಹೃತಿಕ್ ಜಂಟಿ ಕಾಳಗ ಕಂಡು ಥ್ರಿಲ್ ಆಗಿದ್ದಾರೆ ಸಿನಿರಸಿಕರು. ಯೆಸ್.. ವಿಕ್ರಂ- ವೇದ ಸಿನಿಮಾದ ಹೈ ವೋಲ್ಟೇಜ್ ಆ್ಯಕ್ಷನ್ ಧಮಾಕ ಸ್ಟೋರಿ ನೀವೇ ಓದಿ.
- ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಯೂಟ್ಯೂಬ್ನಲ್ಲಿ ಸೆನ್ಸೇಷನ್
ಬಾಲಿವುಡ್ ಸದ್ಯ ಹತಾಶೆಯಲ್ಲಿದೆ. ಇಡೀ ಭಾರತೀಯ ಚಿತ್ರರಂಗ ಸಂಚಲನ ಮೂಡಿಸುವ ಸಿನಿಮಾಗಳು ಬಾಲಿವುಡ್ ತೆಕ್ಕೆಯಿಂದ ಸದ್ಯ ಬರ್ತಿಲ್ಲ. ಈ ಸಂಕಷ್ಟದ ಪರಿಸ್ಥಿತಿಯಲ್ಲಿ ಬಾಯ್ಕಾಟ್ ಪೆಡಂಭೂತ ಬಿಟ್ಟು ಬಿಡದಂತೆ ಬಾಲಿವುಡ್ನ ಕಾಡ್ತಿದೆ. ಈ ಸಮಸ್ಯೆಗಳ ನಡುವೆ ವಿಕ್ರಂ ವೇದ ಟೀಸರ್ ಸದ್ದು ಮಾಡ್ತಿದೆ. ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಲಕ್ಷಗಟ್ಟಲೇ ವೀವ್ಸ್ ಕಂಡು ಮುನ್ನುಗ್ತಿದೆ.
ವಿಕ್ರಂ ವೇದ ಸಿನಿಮಾದಲ್ಲಿ ಹೃತಿಕ್ ಹಾಗೂ ಸೈಫ್ ಮುಖಾಮುಖಿಯಾಗ್ತಿದ್ದಾರೆ. ಇಬ್ಬರೂ ನೆಗಟಿವ್ ಶೇಡ್ನಲ್ಲಿ ಮಿಂಚ್ತಾ ಇದ್ದು, ರಣ ರೋಚಕ ಕಾಳಗ ನಡೆಯಲಿದೆ. ಈ ಹಿಂದೆ ತಮಿಳಿನಲ್ಲಿ ರಿಲೀಸ್ ಆಗಿದ್ದ ವಿಕ್ರಮ್ ವೇದ ಟೈಟಲ್ನಲ್ಲಿ ಹಿಂದಿಯಲ್ಲೂ ರಿಲೀಸ್ ಆಗ್ತಿದೆ. ಈ ಚಿತ್ರಕ್ಕೂ ಪುಷ್ಕರ್ ಗಾಯಿತ್ರಿ ಆ್ಯಕ್ಷನ್ ಕಟ್ ಹೇಳಿದ್ದು ವಿಶೇಷವಾಗಿದೆ. ಬಾಲಿವುಡ್ನಲ್ಲಿ ಸಖತ್ ಹೈಪ್ ಕ್ರಿಯೇಟ್ ಮಾಡಿರೋ ಸ್ಟಾರ್ ನಟರಿಗೆ ಈ ಸಿನಿಮಾ ಸವಾಲಿನ ಪ್ರಶ್ನೆಯಾಗಿದೆ.
- ಮನರಂಜನೆಯ ಜತೆಗೆ ಫ್ಯಾನ್ಸ್ಗೆ ಕಾದಿದೆ ಬಿಗ್ ಸರ್ಪ್ರೈಸ್..!
- ಭರ್ಜರಿ ಕಾದಾಟದಲ್ಲಿ ವಿಲನ್ ಯಾರು, ಹೀರೋ ಯಾರು..?
ಈ ಟೀಸರ್ ಒಟ್ಟು ಒಂದು ನಿಮಿಷ 47 ಸೆಕೆಂಡುಗಳ ಕಾಲ ಇದ್ದು, ಪಕ್ಕಾ ಆ್ಯಕ್ಷನ್ ಫ್ಲೇವರ್ನಲ್ಲಿ ಮೂಡಿ ಬಂದಿದೆ. ಪೊಲೀಸ್ ರೋಲ್ನಲ್ಲಿ ಸೈಫ್ ಅಬ್ಬರಿಸಿದ್ರೆ, ಗ್ಯಾಂಗ್ಸ್ಟರ್ ರೋಲ್ನಲ್ಲಿ ಗ್ರೀಕ್ ಗಾಡ್ ಹೃತಿಕ್ ಘರ್ಜಿಸಿದ್ದಾರೆ. ಟೀಸರ್ ಆರಂಭದಲ್ಲಿ ಇದು ಕೇವಲ ಮನರಂಜನೆಯಲ್ಲ. ನಿಮಗೆಲ್ಲಾ ಅಚ್ಚರಿ ಕಾದಿದೆ ಎಂಬ ಡೈಲಾಗ್ ಸಖತ್ ಕ್ಯೂರಿಯಾಸಿಟಿ ಮೂಡಿಸುತ್ತದೆ. ಕೆಟ್ಟವರ ಕಾದಾಟದಲ್ಲಿ ಗೆಲ್ಲೋರು ಯಾರು ಅನ್ನೋ ಕುತೂಹಲ ಮನೆ ಮಾಡಿದೆ.
ಪಕ್ಕಾ ಆ್ಯಕ್ಷನ್ ಡ್ರಾಮಾ ಸಿನಿಮಾ ಇದಾಗಿದ್ದು, ಸೆಪ್ಟೆಂಬರ್ 30ಕ್ಕೆ ತೆರೆಗೆ ಬರೋಕೆ ಸಜ್ಜಾಗಿದೆ. ಹೈ ವೋಲ್ಟೇಜ್ ಆ್ಯಕ್ಷನ್ ಸೀಕ್ವೆನ್ಸ್ಗಳ ಮೂಲಕ ಚಿತ್ರರಸಿಕರಿಗೆ ಭರ್ಜರಿ ಮನರಂಜನೆಯ ರಸದೌತಣ ಕಾದಿದೆ. ತಮಿಳಿನ ವಿಜಯ್ ಸೇತುಪತಿ, ಮಾದವನ್ ಅಭಿನಯವನ್ನು ಬೀಟ್ ಮಾಡೋಕೆ ಘಟಾನುಘಟಿಗಳು ಸಜ್ಜಾಗಿದ್ದಾರೆ. ಜತೆಗೆ ಕರೀನಾ ಕಪೂರ್ , ಸಬಾ ಆಜಾದ್, ವಿಕ್ಕಿ ಕೌಶಾಲ್ ಕೂಡ ಟೀಸರ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಸೂಪರ್ ಕಾಪ್ ಸೈಫ್ ಅಲಿ ಖಾನ್ ಹಾಗೂ ಭೂಗತ ಪಾತಕಿ ಹೃತಿಕ್ ರೋಷನ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಇದು. ಪುಷ್ಕರ್ ಮತ್ತು ಗಾಯಿತ್ರಿ ನಿರ್ದೇಶನದಲ್ಲಿ ಮ್ಯಾಜಿಕ್ ಮಾಡಲಿದೆ ವಿಕ್ರಂ ವೇದ ಸಿನಿಮಾ. ಭೂಷಣ್ ಹಾಗೂ ಶಶಿಕಾಂತ್ ನಿರ್ಮಾಣದಲ್ಲಿ ರಿಚ್ ಆಗಿ ಮೂಡಿ ಬರ್ತಿದೆ. ಡೆಡ್ಲಿ ಕಾಂಬೋ ಸಿನಿ ಇತಿಹಾಸದಲ್ಲಿ ಹೊಸ ದಾಖಲೆ ಬರೆಯುತ್ತಾ ಕಾದು ನೋಡ್ಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
