ಕೆಂಪೇಗೌಡ-2 ಸಿನಿಮಾ ಕೋಮಲ್ ಕರಿಯರ್ಗೆ ಪ್ಲಸ್ ಆಗುತ್ತೆ ಅನ್ನೋ ನಿರೀಕ್ಷೆ ಹುಸಿ ಆಯ್ತು. ಆದ್ರೆ ಈ ಬಾರಿ ಕಂಬ್ಯಾಕ್ ಮಾಡ್ಲೇಬೇಕು ಅಂತ ನಟ ಕೋಮಲ್ 2020ಯಲ್ಲಿ ನಡೆದ ಕರಾಳ ದಿನಗಳನ್ನ ಸಿನಿಮಾ ಮೂಲಕ ದೊಡ್ಡ ಪರದೆ ಮೇಲೆ ಮೂಡಿಸ್ತಿದ್ದಾರೆ. ಹೌದು. 2020 ಅಂದಾಕ್ಷಣ ನೆನಪಾಗೋದೇ ಕೊರೋನಾ ಕಾಲ. ಲಾಕ್ಡೌನ್ನ ಕ್ಲಿಷ್ಟ ದಿನಗಳು.
ಸದ್ಯ ಕೊರೋನಾ ಕಾಲದಲ್ಲಿ ಯುವಕನೊಬ್ಬನ ಜೀವನದಲ್ಲಿ ನಡೆದ ಕಥೆಯನ್ನೇ ಸಿನಿಮಾ ಆಗಿಸೋ ಅಂತಹ ಮಹಾನ್ ಕಾರ್ಯಕ್ಕೆ ಕೈ ಹಾಕಿದ್ದಾರೆ ನಿರ್ದೇಶಕ ಕೆಎಲ್ ರಾಜಶೇಖರ್. ಡಾ ಟಿಆರ್ ಚಂದ್ರಶೇಖರ್ ನಿರ್ಮಾಣದ ಈ ಸಿನಿಮಾ ಪಕ್ಕಾ ಕಾಮಿಡಿ ಎಂಟರ್ಟೈನರ್ ಆಗಿದ್ದು, ಸದ್ಯ ಟೀಸರ್ನಿಂದ ಸಖತ್ ಕಿಕ್ ಕೊಡ್ತಿದೆ. ಕೋಮಲ್ ಜೊತೆ ಧನ್ಯಾ ಬಾಲಕೃಷ್ಣ, ತಬಲಾ ನಾಣಿ, ಹರೀಶ್ ರಾಜ್, ಸಂಪತ್, ಬ್ಯಾಂಕ್ ಜನಾರ್ಧನ್, ಟೆನ್ನಿಸ್ ಕೃಷ್ಣ, ತನಿಷಾ, ವೈಷ್ಣವಿ, ಅಪೂರ್ವ ಹೀಗೆ ದೊಡ್ಡ ತಾರಾಗಣವಿದೆ.
