ವಿಕ್ರಾಂತ್ ರೋಣ ಚಿತ್ರದ ನಂತ್ರ ಅಭಿನಯ ಚಕ್ರವರ್ತಿ ಅಸಲಿಗೆ ಯಾವ ಅವತಾರದಲ್ಲಿ ಕಾಣಿಸ್ತಾರೆ ಅನ್ನೋ ಕುತೂಹಲ ಎಲ್ರಿಗೂ ಇದೆ. ಕಬ್ಜ ಸಿನಿಮಾದ ಶೂಟಿಂಗ್ನಲ್ಲಿ ಬ್ಯುಸಿ ಇರೋ ಕಿಚ್ಚ ಬಾಸ್ ಟಾಲಿವುಡ್ಗೆ ಹಾರಲಿದ್ದಾರೆ. ಪ್ಯಾನ್ ಇಂಡಿಯಾ ಐಕಾನ್ ಪರಭಾಷೆಗೆ ಎಂಟ್ರಿ ಕೊಡ್ತಾ ಇರೋದ್ಯಾಕೆ..? ಯಾವ ಸಿನಿಮಾ ಅಂತಾ ಕನ್ಫ್ಯೂಸ್ ಆಗ್ತಿದ್ದೀರಾ..? ಈ ಸ್ಟೋರಿ ಓದಿ.
- ರಾಕ್ಷಸುಡು ಚಿತ್ರದಲ್ಲಿ ಕಿಚ್ಚನ ಅಸಲಿ ಮುಖವಾಡ ಏನು..?
ಗುಮ್ಮನ ನಯಾ ಮುಖವಾಡ ಕಂಡು ಥ್ರಿಲ್ ಆಗಿದ್ದ ಫ್ಯಾನ್ಸ್ ಕಿಚ್ಚನ ನೆಕ್ಸ್ಟ್ ಪ್ರಾಜೆಕ್ಟ್ ಎದ್ರು ನೋಡ್ತಿದ್ದಾರೆ. ವಿಕ್ರಾಂತ್ ರೋಣ, ರಿಲೀಸ್ಗೂ ಮುನ್ನ ಬೇಜಾನ್ ಹೈಪ್ ಕ್ರಿಯೇಟ್ ಮಾಡಿತ್ತು. ಊಹಿಸಿದಷ್ಟು ಬಾಕ್ಸ್ ಆಫೀಸ್ ಕಲೆಕ್ಷನ್ ದೋಚದಿದ್ರೂ, 250 ಕೋಟಿಗೂ ಅಧಿಕ ಗಳಿಕೆ ಮಾಡಿತು. ಇದೀಗ, ಕಬ್ಜ ಚಿತ್ರಕ್ಕಾಗಿ ಕ್ಲೀನ್ ಶೇವ್ ಮಾಡಿಕೊಂಡಿರೋ ಹೆಬ್ಬುಲಿ ಮುದ್ದು ಮುದ್ದಾಗಿ ಕಾಣ್ತಿದ್ದಾರೆ. ಈ ನಡುವೆ ಅಭಿನಯ ಚಕ್ರವರ್ತಿ ಟಾಲಿವುಡ್ಗೆ ಹಾರೋ ಸುದ್ದಿ ಬೆಂಕಿ ಬಿರುಗಾಳಿಯಂತೆ ಹರಿದಾಡ್ತಿದೆ.
ಕಿಚ್ಚ ಸುದೀಪ್ ಅಪ್ಡೇಟ್ಗಾಗಿ ಕಾತರದಿಂದ ಕಾಯೋ ಫ್ಯಾನ್ಸ್ಗೆ ಗುಡ್ ನ್ಯೂಸ್ ಕಾದಿದೆ. ಸ್ಯಾಂಡಲ್ವುಡ್ ಹೆಬ್ಬುಲಿ ಟಾಲಿವುಡ್ಗೆ ಕಡೆ ಪಯಣ ಬೆಳಸಿದ್ದಾರೆ. ಅನೂಪ್ ಭಂಡಾರಿ ನಿರ್ದೇಶನದ ಬಿಲ್ಲ ರಂಗ ಭಾಷ ಚಿತ್ರ ಸ್ಕ್ರಿಪ್ಟ್ ತಯಾರಿಯಲ್ಲಿದೆ. ಈ ನಡುವೆ ವಿಕ್ರಾಂತ್ ರೋಣ, ಟಾಲಿವುಡ್ನ ರಾಕ್ಷಸುಡು ಸೀಕ್ವೆಲ್ ಚಿತ್ರದಲ್ಲಿ ನಟಿಸ್ತಿದ್ದಾರಂತೆ. ಕಿಚ್ಚಬಾಸ್ ಬರ್ತ್ಡೇ ಸಮೀಪಿಸ್ತಾ ಇರೋದ್ರಿಂದ ಅಭಿಮಾನಿಗಳಿಗೆ ಸರ್ಪ್ರೈಸ್ ಸುದ್ದಿ ಕಾದಿದೆ. ಬಿಲ್ಲ ರಂಗ ಭಾಷ ಸಿನಿಮಾಗೆ ಡಾಟ್ ಇಟ್ಟು ರಾಕ್ಸಸುಡು ಸಿನಿಮಾದಲ್ಲಿ ಬ್ಯುಸಿ ಆಗಲಿದ್ದಾರೆ ಕಿಚ್ಚ ಸುದೀಪ್.
- ಸೀರಿಯಲ್ ಕಿಲ್ಲರ್ ಕಥೆಯಲ್ಲಿ ಕಿಚ್ಚ ಲೀಡ್ ರೋಲ್
- ವಿಜಯ್ ಸೇತುಪತಿ ಜತೆ ಕೈ ಮಿಲಾಯಿಸೋ ರೋಣ
ತಮಿಳಿನ ರಾಕ್ಸಸನ್ ಸಿನಿಮಾ ನಿಮಗೆಲ್ಲಾ ನೆನಪಿರಬಹುದು. ಶಾಲೆ ಅಪ್ರಾಪ್ತ ಮಕ್ಕಳನ್ನು ವಿಕೃತವಾಗಿ ಕೊಲೆ ಮಾಡುತ್ತಿದ್ದ ಸೈಕೋ ಕಿಲ್ಲರ್ ಕಥೆ ಇದು. ಈ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ಸೂಪರ್ ಹಿಟ್ ದಾಖಲೆ ಬರೆದು ತೆಲುಗು, ಮಲಯಾಳಂ ಭಾಷೆಗೂ ಡಬ್ ಆಗಿತ್ತು. ತೆಲುಗು ಭಾಷೆಯಲ್ಲಿ ರಾಕ್ಸಸುಡು ಟೈಟಲ್ನಲ್ಲಿ ಅಬ್ಬರಿಸಿ ಈಗ ಪಾರ್ಟ್ 2 ಅವತಾರದಲ್ಲಿ ಬರ್ತಿದೆ. ಈ ಕಥೆಯಲ್ಲಿ ಕಿಚ್ಚ ಬಾಸ್ ಲೀಡ್ ರೋಲ್ನಲ್ಲಿ ಅಭಿನಯಿಸ್ತಿದ್ದಾರೆ.
ಅನೂಪ್ ಭಂಡಾರಿ ಕರಾಮತ್ತಿನಲ್ಲಿ ಕಮಾಲ್ ಮಾಡಿದ ಸಿನಿಮಾ ವಿಕ್ರಾಂತ್ ರೋಣ. ಈ ಸಿನಿಮಾ ನಂತ್ರ ಬಿಲ್ಲ ರಂಗ ಭಾಷ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಲಿರುವ ಅನೂಪ್ ಕೊಂಚ ರಿಲ್ಯಾಕ್ಸ್ ಕೊಟ್ಟಿದ್ದಾರೆ. ಅಂತೂ ಕಬ್ಜ ಸಿನಿಮಾ ಬಹುಕೋಟಿ ವಚ್ಚದಲ್ಲಿ ಆರ್ ಚಂದ್ರು ನಿರ್ದೇಶನದಲ್ಲಿ ಅದ್ದೂರಿಯಾಗಿ ತಯಾರಾಗ್ತಿದೆ. ಉಪ್ಪಿ, ಕಿಚ್ಚ ಕಾಂಬೋದಲ್ಲಿ ಪ್ರೇಕ್ಷಕರ ಕ್ಯೂರಿಯಾಸಿಟಿ ಕೆರಳಿಸಿರುವ ಕಬ್ಜ ಚಿತ್ರದ ಮೇಲೆ ಸಿಕ್ಕಾಪಟ್ಟೆ ನಿರೀಕ್ಷೆ ಕೂಡ ಇದೆ. ಇದೆಲ್ಲದ್ರ ನಡುವೆ ಸದ್ದು ಮಾಡ್ತಿದೆ ಕಿಚ್ಚ ರಾಕ್ಸಸುಡು ಸಿನಿಮಾ. ಈ ಚಿತ್ರದಲ್ಲಿ ಕಿಚ್ಚನಿಗೆ ಕೈ ಮಿಲಾಯಿಸಲಿದ್ದಾರೆ ತಮಿಳಿನ ವಿಜಯ್ ಸೇತುಪತಿ.
ವಿಕ್ರಮ್ ಚಿತ್ರದಲ್ಲಿ ನೆಗಟಿವ್ ಶೇಡ್ನಲ್ಲಿ ಚಿತ್ರರಸಿಕರ ಹೃದಯ ಗೆದ್ದಿರುವ ವಿಜಯ್ ಸೇತುಪತಿ ಕಿಚ್ಚನಿಗೆ ಎದುರಾಳಿಯಾಗಲಿದ್ದಾರೆ. ಸದ್ಯ, ಅನೂಪ್ ಭಂಡಾರಿಯ ನೆಕ್ಸ್ಟ್ ಸಿನಿಮಾ ಪ್ರೀ ಪ್ರೊಡಕ್ಷನ್ ಹಂತದಲ್ಲಿದೆ. ಈ ನಡುವೆ ಸ್ಯಾಂಡಲ್ವುಡ್ ಗೂಳಿ ಟಾಲಿವುಡ್ನಲ್ಲಿ ಬ್ಯುಸಿ ಆಗಲಿದ್ದಾರೆ ಎನ್ನಲಾಗ್ತಿದೆ. ಒಟ್ಟಾರೆ ಕಿಚ್ಚ ಸುದೀಪ್ ಬರ್ತ್ ಡೇಗೆ ಹಲವು ಹೊಸ ಸಿನಿಮಾಗಳು ಅನೌನ್ಸ್ ಆಗೋ ಸಾಧ್ಯತೆ ಇದೆ. ಅಂತೂ ಪ್ಯಾನ್ ಇಂಡಿಯಾ ಸ್ಟೈಲೀಶ್ ಐಕಾನ್ ಆಗಿರೋ ಕಿಚ್ಚನ ನಡೆ ಏನು ಅನ್ನೋದು ಸದ್ಯದಲ್ಲೆ ಗೊತ್ತಾಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
