ಸೌತ್ ಸಿನಿಮಾಗಳಿಗೆ ನೀಡುವ ಸೈಮಾ ಫಿಲ್ಮ್ ಫೇರ್ ಅವಾರ್ಡ್ಗೆ ಕ್ಷಣಗಣನೆ ಶುರುವಾಗಿದೆ. ಮೊದಲ ಬಾರಿಗೆ ಸಿಲಿಕಾನ್ ಸಿಟಿ ಈ ಅದ್ಧೂರಿ ಸಮಾರಂಭಕ್ಕೆ ಸಾಕ್ಷಿಯಾಗ್ತಿದೆ. ನಾಮಿನೇಷನ್ ಲಿಸ್ಟ್ನಲ್ಲಿ ಹಿಟ್ ಸಿನಿಮಾಗಳು ರೇಸ್ನಲ್ಲಿವೆ. ಈ ಬಾರಿಯ ಪ್ರಶಸ್ತಿಯನ್ನು ಬಾಚಿಕೊಳ್ಳೋಕೆ ಸ್ಟಾರ್ ಕಲಾವಿದರು ತುದಿಗಾಲಲ್ಲಿ ನಿಂತಿದ್ದಾರೆ. 2022ರ ಸೈಮಾ ಸಿನಿ ಹಬ್ಬದ ಸ್ಪೆಷಾಲಿಟಿಗಳೇನು ಗೊತ್ತಾ..? ಈ ಸ್ಟೋರಿ ಓದಿ.
- ನಾಮಿನೇಷನ್ ರೇಸ್ನಲ್ಲಿ ಅಪ್ಪು, ಗಣಿ, ರಚ್ಚು ಮಿಂಚು
ಈ ಬಾರಿಯ ಸೈಮಾ ಫಿಲ್ಮ್ ಫೇರ್ ಅವಾರ್ಡ್ ಸಿಲಿಕಾನ್ ಸಿಟಿಯಲ್ಲಿ ನಡೀತಿದೆ. ಮೊದಲ ಬಾರಿಗೆ ಉದ್ಯಾನ ನಗರಿಗೆ ಸೌತ್ ಸಿನಿದುನಿಯಾದ ಸ್ಟಾರ್ ಕಲಾವಿದರು ಬಂದಿಳಿಯಲಿದ್ದಾರೆ. ಹಿಟ್ ಸಿನಿಮಾಗಳ ಪೈಪೋಟಿಯಲ್ಲಿ ವಿಜಯಲಕ್ಷ್ಮಿ ಯಾರಾ ಪಾಲಾಗಲಿದ್ದಾಳೆ ಅನ್ನೋ ಕುತೂಹಲ ಮನೆ ಮಾಡಿದೆ. ಇನ್ನೂ ವಿಶೇಷ ಅಂದ್ರೆ, ಈ ಬಾರಿಯ ಸೈಮಾ ಅವಾರ್ಡ್ ಅಪ್ಪು ಸವಿನೆನಪಿನಲ್ಲಿ ನಡೆಯಲಿದೆ. ದೇವತಾ ಮನುಷ್ಯ ಪುನೀತ್ ರಾಜ್ಕುಮಾರ್ಗೆ ಗೌರವ ಸಲ್ಲಿಸುವ ಮೂಲಕ ಸೈಮಾ ಸಿನಿಹಬ್ಬ ನಡೆಯಲಿದೆ.
ಕನ್ನಡದ ಸಿನಿಮಾಗಳು ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಘರ್ಜಿಸ್ತಾ ಇರೋ ಕಾರಣ, ಸಿಲಿಕಾನ್ ಸಿಟಿಯನ್ನು ಸೆಲೆಕ್ಟ್ ಮಾಡಲಾಗಿದೆ. ಸೆಪ್ಟೆಂಬರ್ 10 ಹಾಗೂ 11 ರಂದು ಅರಮನೆ ಮೈದಾನದಲ್ಲಿ ಎರಡು ದಿನಗಳ ಅದ್ಧೂರಿ ಸಿನಿ ಮಹೋತ್ಸವ ನಡೆಯಲಿದೆ. ಈ ಸಮಾರಂಭದಲ್ಲಿ ನಾಲ್ಕು ರಾಜ್ಯಗಳ ತಾರೆಯರು, ತಂತ್ರಜ್ನರು, ಭಾಗವಹಿಸಿಲಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಭಾಷೆಯ ಸಿನಿಮಾಗಳು ಪೈಪೋಟಿಗಿಳಿಯಲಿವೆ
- ಕನ್ನಡದ ಟಾಪ್ ನಟಿಯರಲ್ಲಿ ರಶ್ಮಿಕಾ ನಾಮಿನೇಷನ್..!
- ಸೂಪರ್ ಸ್ಟಾರ್ ಕಲಾವಿದರ ಕಲರ್ಫುಲ್ ಕಾರಂಜಿ
ಕಲಾವಿದರಿಗೆ ಕೊಡುವ ಪ್ರತಿಷ್ಠಿತ ಪ್ರಶಸ್ತಿಗಳ ಸಾಲಿನಲ್ಲಿ ಸೈಮಾ ಅವಾರ್ಡ್ ಕೂಡ ಒಂದು. ಸೌತ್ ಇಂಡಿಯನ್ ಇಂಟರ್ನ್ಯಾಷನಲ್ ಅವಾರ್ಡ್ ಅ್ನನು ಚಿಕ್ಕದಾಗಿ ಸೈಮಾ ಅವಾರ್ಡ್ ಎನ್ನಲಾಗುತ್ತೆ. ಜನಮೆಚ್ಚಿದ ಸಿನಿಮಾಗಳಲ್ಲಿ ಬೆಸ್ಟ್ ಆ್ಯಕ್ಟರ್, ಬೆಸ್ಟ್ ಮೂವಿ ಲಿಸ್ಟ್ ಮಾಡಿ ಸೆಲೆಕ್ಟ್ ಮಾಡಲಾಗುತ್ತೆ. ಯುವರತ್ನ ಚಿತ್ರದ ನಟನೆಗಾಗಿ ಪುನೀತ್ ರಾಜ್ಕುಮಾರ್ ಹೆಸ್ರು ನಾಮಿನೇಟ್ ಆಗಿದ್ದು, ಹಿಟ್ ಲಿಸ್ಟ್ನಲ್ಲಿದೆ. ಸೈಮಾ ರೇಸ್ನಲ್ಲಿ ಸಖತ್ ಚಿತ್ರಕ್ಕಾಗಿ ಗಣೇಶ್, ಬಡವ ರಾಸ್ಕಲ್ ಚಿತ್ರಕ್ಕಾಗಿ ಡಾಲಿ ಧನಂಜಯ ಕೂಡ ನಾಮಿನೇಟ್ ಆಗಿದ್ದಾರೆ.
ಒಟ್ಟು ಆರು ಮಂದಿ ಕನ್ನಡದ ನಟರು ನಾಮಿನೇಟ್ ಆಗಿದ್ದು, ಸೆಂಚುರಿ ಸ್ಟಾರ್ ಶಿವಣ್ಣ, ರಿಷಬ್ ಶೆಟ್ಟಿ ಕೂಡ ನಾಮಿನೇಟ್ ಆಗಿದ್ದಾರೆ. ಸೈಮಾ ಪ್ರಶಸ್ತಿಯನ್ನು ಬಾಚಿಕೊಳ್ಳಲು ನಟಿಯರು ಕೂಡ ಪೈಪೋಟಿ ನಡೆಸಿದ್ದಾರೆ. ಪೊಗರು ಚಿತ್ರಕ್ಕಾಗಿ ರಶ್ಮಿಕಾ, ಲವ್ ಯು ರಚ್ಚು ಚಿತ್ರದಿಂದ ರಚಿತಾ ರಾಮ್, ಮದಗಜ ಚಿತ್ರಕ್ಕಾಗಿ ಆಶಿಕಾ, ಬಡವ ರಾಸ್ಕಲ್ ಚಿತ್ರದಿಂದ ಅಮೃತಾ ಅಯ್ಯಂಗಾರ್, ಸಖತ್ ಚಿತ್ರದಿಂದ ನಿಶ್ವಿಕಾ ನಾಯ್ಡು ನಾಮಿನೇಟ್ ರೇಸ್ನಲ್ಲಿದ್ದಾರೆ.
ಇದು 10 ನೇ ಆವೃತ್ತಿಯ ಸಮಾರಂಭವಾಗಿದ್ದು, ಕಳೆದ ಬಾರಿಗಿಂತ ರಂಗೇರಲಿದೆ. ಸೌತ್ ಸಿನಿಮಾಗಳ ನಡುವಿನ ಈ ಹೋರಾಟದಲ್ಲಿ ಪ್ರಶಸ್ತಿ ಯಾರ ಪಾಲಾಗಲಿದೆ ಅನ್ನೋ ಕುತೂಹಲ ಎಲ್ಲರಿಗೂ ಇದೆ. ಹಾಡು, ಕುಣಿತ, ತಮಾಷೆ, ತಲೆಹರಟೆಯ ನಿರೂಪಣೆಯ ನಡುವೆ ಮಸ್ತ್ ಮನರಂಜನೆಯ ನಡುವೆ ಸೈಮಾ ಸಮಾರಂಭ ನಡೆಯಲಿದೆ. ಈ ಸುಂದರ ಕ್ಷಣಗಳನ್ನು ಕಣ್ತುಂಬಿಕೊಳ್ಳಲು ದಿನಗಣನೆ ಶುರುವಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
