ತಲೈವಾ ಚಿತ್ರದ ನಂತ್ರ ಜೈಲರ್ ಗೆಟಪ್ನಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಅಬ್ಬರಿಸಲಿದ್ದಾರೆ. ಇದೀಗ ಜೈಲರ್ ಫಸ್ಟ್ ಲುಕ್ ರಿವೀಲ್ ಆಗಿದ್ದು, ಫ್ಯಾನ್ಸ್ ಸಖತ್ ಥ್ರಿಲ್ ಆಗಿದ್ದಾರೆ. ಸೆಂಚುರಿ ಸ್ಟಾರ್ ಶಿವಣ್ಣ, ತಲೈವಾ ಕಂಬೋದಲ್ಲಿ ಸಿನಿಮಾ ಮೂಡಿ ಬರ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿರೋ ಜೈಲರ್ ಪೋಸ್ಟರ್ ಟಾಕ್ ಆಫ್ ದಿ ಟೌನ್ ಆಗಿದೆ. ಸಿಕ್ಕಾಪಟ್ಟೆ ಕುತೂಹಲ ಮೂಡಿಸಿರೋ ಜೈಲರ್ ಚಿತ್ರದ ಸ್ಪೆಷಾಲಿಟಿಗಳೇನು ಗೊತ್ತಾ..? ಈ ಸ್ಟೋರಿ ಓದಿ.
- ಜೈಲರ್ ಕೆಲಸ ಶುರು ಮಾಡಿದ ರಜನಿಕಾಂತ್..!
ಕಾಲಿವುಡ್ ಸೂಪರ್ ಸ್ಟಾರ್ ರಜನಿಕಾಂತ್ಗೆ ಏಜ್ ಇಸ್ ಜಸ್ಟ್ ಎ ನಂಬರ್. ವಯಸ್ಸು 70 ದಾಟಿದ್ರೂ ಇಂದಿಗೂ ಸೂಪರ್ ಡೂಪರ್ ಸಿನಿಮಾಗಳ ಸರದಾರ ರಜನಿಕಾಂತ್. ಕೋಟಿ ಕೋಟಿ ಹಣ ಸುರಿಯೋ ನಿರ್ಮಾಪಕರ ಪಾಲಿನ ಲಕ್ಕಿ ಮ್ಯಾನ್ ರಜನಿ. ಇದೀಗ ತಲೈವಾ ಜೈಲರ್ ಗೆಟಪ್ನಲ್ಲಿ ಕಾಣಿಸಿದ್ದಾರೆ. ಜೈಲರ್ ಸಿನಿಮಾದ ಫಸ್ಟ್ ಲುಕ್ ಸಖತ್ ವೈರಲ್ ಆಗಿದ್ದು ಟ್ರೆಂಡಿಂಗ್ ನ್ಯೂಸ್ನಲ್ಲಿದೆ.
ರಜನಿಕಾಂತ್ ಸಿನಿಮಾಗಳಂದ್ರೆ ಬೆಟ್ಟದಷ್ಟು ನಿರೀಕ್ಷೆ. ಕೋಟ್ಯಂತರ ಅಭಿಮಾನಿಗಳು ಸಿನಿಮಾ ಸೆಟ್ಟೇರಿದ ದಿನದಿಂದ್ಲೇ ಚಾತಕ ಪಕ್ಷಿಗಳಂತೆ ರಿಲೀಸ್ ಡೇಟ್ ಎದುರು ನೋಡ್ತಾರೆ. ಇಂದಿಗೂ ಡೈ ಹಾರ್ಡ್ ಫ್ಯಾನ್ಸ್ ಹೊಂದಿರೋ ಭಾರತೀಯ ಚಿತ್ರರಂಗದ ಜನಪ್ರಿಯ ನಟ ರಜನಿಕಾಂತ್. ಕಬಾಲಿ ಸ್ಟೈಲ್ಗೆ ಫಿದಾ ಆಗದವರೇ ಇಲ್ಲ. ಅವರ ಮ್ಯಾನರಿಸಂಗೆ ಬೋಲ್ಡ್ ಆಗದವರಿಲ್ಲ. ಇಂದಿಗೂ ಕಬಾಲಿ ಡಿಫರೆಂಟ್ ಟ್ರೆಂಡ್ ಸೆಟ್ಟರ್.
- ಪಕ್ಕಾ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾದಲ್ಲಿ ಶಿವಣ್ಣ ಶೈನಿಂಗ್
- ಸಾಲಿಡ್ ಲುಕ್ನಲ್ಲಿ ಕಬಾಲಿ.. ಫ್ಯಾನ್ಸ್ ಕ್ಲೀನ್ ಬೋಲ್ಡ್
ಬೀಸ್ಟ್ ಸಿನಿಮಾ ಖ್ಯಾತಿಯ ನೆಲ್ಸನ್ಕುಮಾರ್ ಜೈಲರ್ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಈ ಸಿನಿಮಾದ ಸಿಂಗಲ್ ಪೋಸ್ಟರ್ ಸಖತ್ ವೈರಲ್ ಆಗಿದ್ದು, ಸಾಲಿಡ್ ಲುಕ್ನಲ್ಲಿ ರಜನಿಕಾಂತ್ ಮಿಂಚ್ತಿದ್ದಾರೆ. ಈಗಾಗ್ಲೇ ಸಿನಿಮಾ ಶೂಟಿಂಗ್ ಕೂಡ ಶುರುವಾಗಿದ್ದು, ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಚಿತ್ರತಂಡವನ್ನು ಸೇರಿಕೊಳ್ಳಲಿದ್ದಾರೆ. ಹ್ಯಾಟ್ರಿಕ್ ಹೀರೋ ಫಸ್ಟ್ ಲುಕ್ಗಾಗಿ ಇಡೀ ಸ್ಯಾಂಡಲ್ವುಡ್ ಎದುರು ನೋಡ್ತಿದೆ. ಇದೇ ಮೊದಲ ಬಾರಿಗೆ ಶಿವಣ್ಣ ತಮಿಳು ಚಿತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಈ ಹಿಂದೆ ಗೌತಮಿಪುತ್ರ ಶಾತಕರ್ಣಿ ತೆಲುಗು ಸಿನಿಮಾದಲ್ಲಿ ಗೆಸ್ಟ್ ರೋಲ್ ಮಾಡಿದ್ರು.
ರಜಿನಿಕಾಂತ್ ಅವ್ರ 169 ನೇ ಸಿನಿಮಾ ಇದಾಗಿದ್ದು, ತಲೈವಾ-ಶಿವಣ್ಣನ ಕಾಂಬೋ ಯಾವ ರೀತಿ ಇರುತ್ತೆ ಅನ್ನೋ ಕುತೂಹಲ ಚಿತ್ರರಂಗದಲ್ಲಿ ಮನೆ ಮಾಡಿದೆ. ಬೀಸ್ಟ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದ ಸನ್ ಪಿಕ್ಚರ್ಸ್ ಈ ಚಿತ್ರಕ್ಕೂ ಬಂಡವಾಳ ಹೂಡಿದೆ. ‘ಜೈಲರ್’ ಸಿನಿಮಾದ ತೆರೆಹಿಂದೆ ಘಟಾನುಘಟಿ ತಂತ್ರಜ್ಞರು ಕೆಲಸ ಮಾಡುತ್ತಿದ್ದಾರೆ. ಜನಪ್ರಿಯ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ ಅವರ ಬತ್ತಳಿಕೆಯಿಂದ ಹಾಡುಗಳು ಹೊರಬರಲಿವೆ. ನಟಿ ರಮ್ಯಾ ಕೃಷ್ಣನ್ ಲೀಡ್ ರೋಲ್ನಲ್ಲಿ ಮಿಂಚಲಿದ್ದಾರೆ.
ಜೈಲುಗಳಲ್ಲಿ ನಡೆಯೋ ರೌಡಿಗಳ ಅಟ್ಟಹಾಸದ ವಿರುದ್ಧ ಜೈಲರ್ ಸೆಣಸಾಡಲಿದ್ದಾರೆ. ಇನ್ನು ಈ ಸಿನಿಮಾದಲ್ಲಿ ಸ್ಟಾರ್ ಕಾಸ್ಟಿಂಗ್ ದೊಡ್ಡ ಮಟ್ಟದಲ್ಲಿ ಇರಲಿದೆಯಂತೆ. ಒಟ್ನಲ್ಲಿ ಲೆಜೆಂಡ್ ಆ್ಯಕ್ಟರ್ಗಳ ಸಮಾಗಮದ ಅದ್ದೂರಿ ಸಿನಿಮಾ ಇದಾಗಿದ್ದು, ತೆರೆಯ ಮೇಲೆ ಕಮಾಲ್ ಮಾಡೋದು ಪಕ್ಕಾ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
