777 ಚಾರ್ಲಿ ಸಿನಿಮಾ ವರ್ಲ್ಡ್ ವೈಡ್ ಹಿಟ್ ಆದ್ಮೇಲೆ ಎಲ್ಲರ ಚಿತ್ತ ರಕ್ಷಿತ್ ಶೆಟ್ಟಿ ಮೇಲಿದೆ. ಸದ್ಯ, ಸಪ್ತ ಸಾಗರದಾಚೆ ಎಲ್ಲೋ ಕಳೆದು ಹೋಗಿರುವ ಧರ್ಮನ ಮುಂದಿನ ಸಿನಿಮಾ ಮೇಲೆ ಸಖತ್ ಕ್ಯೂರಿಯಾಸಿಟಿ ಇದೆ. ಇದೀಗ ರಕ್ಷಿತ್ಗೆ ಜೋಡಿಯಾಗಿ ಹೊಸ ನಾಯಕಿ ಸಿಕ್ಕಿದ್ದಾರೆ. ಸೀರೆ ಉಟ್ಟು ಬಂದ ದುಂಡು ಮಲ್ಲಿಗೆಯ ಬೆಡಗಿ ಯಾರ್ ಗೊತ್ತಾ..? ಈ ಸ್ಟೋರಿ ಓದಿ.
- ದುಂಡು ಮಲ್ಲಿಗೆಯ ಮುಡಿದು ಬಂದ ಸುಂದರಿ ಸುರಭಿ..!
ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾ ಡೈರೆಕ್ಟ್ ಮಾಡಿದ್ದ ಹೇಮಂತ್ ರಾವ್ ಹಾಗೂ ರಕ್ಷಿತ್ ಶೆಟ್ಟಿ ಕ್ರೇಜಿ ಕಾಂಬಿನೇಷನ್ ಸಿನಿಮಾ ಸಪ್ತಸಾಗರದಾಚೆ ಎಲ್ಲೋ. ಸದ್ಯ ಸ್ಯಾಂಡಲ್ವುಡ್ ಟಾಪ್ ಮೋಸ್ಟ್ ನಟರ ಸಾಲಿನಲ್ಲಿರೋ ರಕ್ಷಿತ್ ಸಖತ್ ಚ್ಯುಸಿಯಾಗಿರೋದಂತು ಸತ್ಯ. ಹಾಗಾಗಿ ಈ ಚಿತ್ರದ ಮೇಲಿನ ನಿರೀಕ್ಷೆಗಳು ನೂರು ಪಟ್ಟು ಹೆಚ್ಚಾಗಿವೆ. ಕೆಲವು ದಿನಗಳಿಂದ ಸಪ್ತಸಾಗರ ಟೀಮ್ಗೆ ಸಾಯಿ ಪಲ್ಲವಿ ಎಂಟ್ರಿ ಕೊಡ್ತಾರೆ ಅನ್ನೋ ಗಾಸಿಪ್ ಸಿನಿಪ್ರಿಯರ ದಿಲ್ ಖುಷ್ ಮಾಡಿತ್ತು. ಇದೀಗ ಈ ಸುದ್ದಿ ಫೇಕ್ ಆಗಿದೆ. ದುಂಡು ಮಲ್ಲಿಗೆಯ ಹೊಸ ಬೆಡಗಿಯ ಎಂಟ್ರಿಯಾಗಿದೆ.
ರುಕ್ಮಿಣಿ ವಸಂತ್ ಮೊದಲ ನಾಯಕಿಯಾಗಿ ಸಿನಿಮಾಗೆ ಸೆಲೆಕ್ಟ್ ಆಗಿದ್ದಾರೆ. ಮತ್ತೊಬ್ಬ ಚೆಲುವೆಯ ಹುಡುಕಾಟದಲ್ಲಿದ್ದ ಚಿತ್ರತಂಡದ ಕಣ್ಣಿಗೆ ಬಿದ್ದಿರೋದು ಬೆಂಗಳೂರಿನ ಬೆಡಗಿ ಚೈತ್ರಾ ಜೆ. ಆಚಾರ್. ಇದೀಗ ಹೊಸ ನಾಯಕಿಯ ಪೋಸ್ಟರ್ ರಿಲೀಸ್ ಆಗಿದ್ದು, ಸೀರೆ ತೊಟ್ಟು, ದುಂಡು ಮಲ್ಲಿಗೆ ಮುಡಿದು ಸಿನಿಮಾ ಟೀಮ್ ಸೇರಿಕೊಂಡಿದ್ದಾರೆ ಚೈತ್ರಾ. ರಕ್ಷಿತ್ ಶೆಟ್ಟಿ ನಿರ್ಮಾಣದಲ್ಲಿ ಸಿನಿಮಾ ಕೂಡ ಅದ್ಧೂರಿಯಾಗಿ ಮೂಡಿ ಬರ್ತಿದೆ.
ಸುರಭಿ ರೋಲ್ನಲ್ಲಿ ಕಾಣಿಸಿಕೊಳ್ಳಲಿರುವ ಚೈತ್ರಾ ಕಾಲೇಜ್ ಡೇಸ್ನಲ್ಲಿಯೇ ವೆಬ್ ಸೀರೀಸ್ಗಳಲ್ಲಿ ಮಿಂಚಿದ್ದಾರೆ. ಬೆಂಗಳೂರು ಕ್ವೀನ್ಸ್ ವೆಬ್ ಸೀರೀಸ್ನಲ್ಲಿ ಮಿಂಚಿದ ಗ್ಲಾಮರಸ್ ಗೊಂಬೆ ಚೈತ್ರಾ, ಕನ್ನಡದ ತಲೆದಂಡ, ಗಿಲ್ಕಿ, ಆ ದೃಶ್ಯ ಸಿನಿಮಾಗಳಲ್ಲೂ ನಾಯಕಿಯಾಗಿ ನಟಿಸಿದ್ದಾರೆ. ಮನಮೋಹಕ ಅಭಿನಯದ ಮೂಲಕ ಸ್ಯಾಂಡಲ್ವುಡ್ನಲ್ಲಿ ತನ್ನದೇ ಛಾಪು ಮೂಡಿಸಿರುವ ಚೈತ್ರಾ ಜೆ. ಆಚಾರ್ ಭರವಸೆಯ ನಟಿಯಾಗಿ ಹೊರ ಹೊಮ್ಮಿದ್ದಾರೆ.
ಕೇವಲ ನಟನೆ ಮಾತ್ರವಲ್ಲದೇ ತಮ್ಮ ಕೋಗಿಲೆ ಕಂಠದ ಮೂಲಕವೂ ಎಲ್ಲರ ಗಮನ ಸೆಳೆದಿರುವ ನಟಿ ಚೈತ್ರಾ ಆಚಾರ್. ಗರುಡ ಗಮನ ವೃಷಭ ವಾಹನ ಚಿತ್ರದ ಸೋಜುಗಾದ ಸೂಜಿ ಮಲ್ಲಿಗೆ ಹಾಡಿಗೆ ಕಂಠ ನೀಡಿರುವ ಚೈತ್ರಾ, ಮಾಯಾಬಜಾರ್ ಚಿತ್ರದಲ್ಲೂ ತಮ್ಮ ಕಂಠಸಿರಿ ನೀಡಿ ಅಪಾರ ಖ್ಯಾತಿ ಗಳಿಸಿದ್ದಾರೆ. ಸ್ಟ್ರಾ ಬೆರ್ರಿ, ಅಕಟಕಟಾ, ಹೀಗೆ ಸಾಲು ಸಾಲು ಸಿನಿಮಾಗಳಲ್ಲಿ ಮಿಂಚಲಿರೋ ಚೈತ್ರಾಗೆ ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾ ಬಿಗ್ ಬ್ರೇಕ್ ಕೊಡೋ ಗ್ರೀನ್ ಸಿಗ್ನಲ್ ಕೊಟ್ಟಿದೆ.
ಚಿತ್ರಕ್ಕಾಗಿ 20 ಕೆಜಿ ವೆಯ್ಟ್ ಲಾಸ್ ಮಾಡಿಕೊಂಡಿರೋ ರಕ್ಷಿತ್ ಡಿಫರೆಂಟ್ ಶೇಡ್ಗಳಲ್ಲಿ ಮಿಂಚ್ತಿದ್ದಾರೆ. ಅಂತೂ ಸಪ್ತಸಾಗರ ಅಡ್ಡಾಗೆ ಎಂಟ್ರಿ ಕೊಟ್ಟಿರೋ ಹೊಸ ನಾಯಕಿಯಿಂದ ಸಿನಿಮಾದ ಶೂಟಿಂಗ್ ಪ್ರೋಸೆಸ್ ಚುರುಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
