ಕ್ರೇಜಿಸ್ಟಾರ್ ರವಿಮಾಮನ ಮನೆಯಲ್ಲಿ ಶುಭಕಾರ್ಯ ನಡೆದಿದ್ದು, ಮುಂಬೈನಿಂದ ಖುಷ್ಬೂ ಸೇರಿದಂತೆ ಸಾಕಷ್ಟು ತಾರೆಯರು ಅದ್ರ ರಂಗೇರಿಸಿದ್ದಾರೆ. ಇಷ್ಟಕ್ಕೂ ಮನೋರಂಜನ್ ಕೈ ಹಿಡಿದ ಚೆಲುವೆ ಯಾರು..? ಕನಸುಗಾರನ ಮನೆಯಲ್ಲಿನ ಕ್ರೇಜಿ ಸಂಗೀತ್ ಪಾರ್ಟಿ ಹೇಗಿತ್ತು ಅನ್ನೋದ್ರ ಜೊತೆ ಕಲ್ಯಾಣೋತ್ಸವದ ಕಲರ್ಫುಲ್ ಝಲಕ್ ನಿಮ್ಮ ಮುಂದೆ.
- ಮನು ಮದ್ವೆಯ ಸಂಗೀತ್ ಪಾರ್ಟಿಯಲ್ಲಿ ಕ್ರೇಜಿ ಡ್ಯಾನ್ಸ್
- ಸಂಗೀತಾ ಕೈ ಹಿಡಿದ ಜೂ. ಕ್ರೇಜಿಸ್ಟಾರ್ ಮನೋರಂಜನ್
- ಕನಸುಗಾರನ ಪ್ರೇಮಲೋಕಕ್ಕೆ ಖುಷ್ಬೂ ತಾರಾ ಮೆರುಗು
ಇತ್ತೀಚೆಗಷ್ಟೇ ಮಗಳ ಕಲ್ಯಾಣೋತ್ಸವವನ್ನು ಅದ್ಧೂರಿಯಾಗಿ ಮಾಡಿದ್ದ ಸ್ಯಾಂಡಲ್ವುಡ್ ಟ್ರೆಂಡ್ ಸೆಟ್ಟರ್ ಡಾ. ವಿ ರವಿಚಂದ್ರನ್, ಇದೀಗ ಹಿರಿಯ ಮಗ ಮನೋರಂಜನ್ಗೂ ವಿವಾಹ ಮಹೋತ್ಸವ ನೆರವೇರಿಸಿದ್ದಾರೆ. ಪ್ರೇಮಕ್ಕೆ ಅನ್ವರ್ಥ ನಾಮವೇ ರವಿಚಂದ್ರನ್. ಪ್ರೀತಿ, ಪ್ರೇಮದ ಸಂಕೇತವೇ ಸ್ಯಾಂಡಲ್ವುಡ್ ಶೋಮ್ಯಾನ್ ಕ್ರೇಜಿಸ್ಟಾರ್. ಆದ್ರೆ ಮಕ್ಕಳು ಮಾತ್ರ ತಂದೆ- ತಾಯಿ ತೋರಿಸಿದವ್ರನ್ನ ಅರೇಂಜ್ ಮ್ಯಾರೇಜ್ ಆಗ್ತಿದ್ದಾರೆ. ಇದು ನಿಜಕ್ಕೂ ಮೆಚ್ಚುವ ವಿಚಾರ.
ಅಂದಹಾಗೆ ಮನೋರಂಜನ್ ಕೈ ಹಿಡಿದಿರೋ ಆ ಚೆಲುವೆ ಯಾರು ಅಂದ್ರೆ ಎಂಎಸ್ಸಿ ಸೈಕಾಲಜಿ ಪದವಿಧರೆ ಸಂಗೀತಾ. ಯೆಸ್.. ಇನ್ಮೇಲೆ ಮನು ಬಾಳಲ್ಲಿ ದಿನನಿತ್ಯ ಸಂಗೀತ ಮೊಳಗಲಿದೆ. ಶನಿವಾರ ಹಾಗೂ ಭಾನುವಾರ ಪ್ಯಾಲೆಸ್ ಗ್ರೌಂಡ್ನ ವೈಟ್ ಪೆಟಲ್ಸ್ನಲ್ಲಿ ನಡೆದ ಅದ್ಧೂರಿ ಕಲ್ಯಾಣೋತ್ಸವದಲ್ಲಿ ಹೊಸ ಬಾಳಿಗೆ ಕಾಲಿಟ್ರು ಜೂನಿಯರ್ ಕ್ರೇಜಿಸ್ಟಾರ್.
ಶನಿವಾರ ಸಂಜೆ ಪರಸ್ಪರ ಉಂಗುರ ಬದಲಿಸಿಕೊಳ್ಳೋ ಮೂಲಕ ನಿಶ್ಚಿತಾರ್ಥ ನೆರವೇರಿತು. ನಂತ್ರ ಆರತಕ್ಷತೆ ಕಾರ್ಯಕ್ರಮಕ್ಕೆ ಬಾಲಿವುಡ್ನ ಖುಷ್ಬೂ, ನಮ್ಮ ಸ್ಯಾಂಡಲ್ವುಡ್ ಶಿವಣ್ಣ, ರಾಘಣ್ಣ, ಹಂಸಲೇಖ ಸೇರಿದಂತೆ ಸಾಕಷ್ಟು ಮಂದಿ ತಾರೆಯರು ತಾರಾ ಮೆರುಗು ತಂದುಕೊಟ್ಟರು.
ಅದಕ್ಕೂ ಮುನ್ನ ಡಾ. ರಾಜ್ಕುಮಾರ್ ರಸ್ತೆಯಲ್ಲಿರೋ ರವಿಮಾಮನ ಮನೆಯಲ್ಲಿ ಸಂಗೀತ್ ಪಾರ್ಟಿ ತುಂಬಾ ಕಲರ್ಫುಲ್ ಆಗಿತ್ತು. ಡ್ಯಾನ್ಸೇ ಮಾಡದ ಮಲ್ಲ ಕೂಡ ಮಡದಿ, ಮಕ್ಕಳು ಹಾಗೂ ಅತ್ಯಾಪ್ತರ ಜೊತೆ ಹೆಜ್ಜೆ ಹಾಕಿದ್ರು. ಆ ಅವಿಸ್ಮರಣೀಯ ಕ್ಷಣಗಳು ನೋಡೋಕೆ ಸಖತ್ ಕ್ರೇಜಿಯಾಗಿದ್ದು, ಕ್ರೇಜಿಸ್ಟಾರ್ ಆಫ್ಸ್ಕ್ರೀನ್ ಲೈಫ್ ಹೇಗಿರಲಿದೆ ಅನ್ನೋದ್ರ ಪ್ರತೀಕವಾಗಿದೆ. ಅದೇನೇ ಇರಲಿ, ಸಂಗೀತಾ ಕೈ ಹಿಡಿದ ಮನು ಬಾಳು ಬಂಗಾರವಾಗಲಿ ಅಂತ ಹಾರೈಸೋಣ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
