ವಿಕ್ರಾಂತ್ ರೋಣ ಸಿನಿಮಾ ಮೂಲಕ ಬೆಚ್ಚಿ ಬೆವರಿಳಿಸಿದ್ದ ಅಭಿನಯ ಚಕ್ರವರ್ತಿ ಹೊಸ ಅವತಾರದಲ್ಲಿ ಕಾಣಿಸ್ತಿದ್ದಾರೆ.ಆರಡಿ ಕಟೌಟ್ ನ್ಯೂ ಲುಕ್ ಕಂಡು ಫ್ಯಾನ್ಸ್ ಕೂಡ ಥ್ರಿಲ್ ಆಗಿದ್ದಾರೆ. ಅರೆ..! ಏನಿದು..? ನಮ್ ಬಾಸ್ ಸಖತ್ ಆಗಿ ಕಾಣಿಸ್ತಿದ್ದಾರೆ ಅಂತ ಫ್ಲೈಯಿಂಗ್ ಕಿಸ್ ಕೊಟ್ಟಿದ್ದಾರೆ. ಯೆಸ್.. ಹೆಬ್ಬುಲಿಯ ನಯಾ ಲುಕ್ ನೋಡ್ಬೇಕಾ..? ಈ ಸ್ಟೋರಿ ಓದಿ.
ಹೊಸ ಅವತಾರದಲ್ಲಿ ಸ್ಯಾಂಡಲ್ವುಡ್ ಹೆಬ್ಬುಲಿ ಮಿಂಚು
ಕನ್ನಡ ಸಿನಿಲೋಕದಲ್ಲಿ ಸ್ಟೈಲೀಶ್ ಐಕಾನ್ ಆಗಿರೋ ಕಿಚ್ಚ ಹೊಸ ಅವತಾರ ತಾಳಿದ್ದಾರೆ. ವಿಕ್ರಾಂತ್ ರೋಣ ಸಕ್ಸಸ್ ನಂತ್ರ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಸಖತ್ ಬ್ಯುಸಿ ಆಗಿದ್ದಾರೆ ಕಿಚ್ಚ ಸುದೀಪ್. ಈ ಶೋನಲ್ಲಿ ಡಿಫರೆಂಟ್ ಕಾಸ್ಟ್ಯೂಮ್ಸ್ ಮೂಲಕ ಎಲ್ಲರ ಕಣ್ಮನ ಸೆಳೆಯೋ ಕಿಚ್ಚ ಸುದೀಪ್ ತಮ್ಮ ಹೊಸ ಲುಕ್ ಮೂಲಕ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ.
ತಮ್ಮದೇ ವಿಭಿನ್ನ ಶೈಲಿಯ ಆ್ಯಂಕರಿಂಗ್ ಮೂಲಕ ಬರೋಬ್ಬರಿ ಒಂಬತ್ತು ಬಿಗ್ಬಾಸ್ ಸೀಸನ್ ಕಂಪ್ಲೀಟ್ ಮಾಡಿರೋ ಕಿಚ್ಚ ಸುದೀಪ್ ತಮ್ಮ ಲುಕ್ ಬದಲಾಯಿಸಿದ್ದಾರೆ. ಬಿಗ್ ಬಾಸ್ಗೆ ಕಿಚ್ಚ ಸುದೀಪ್ ಹೊರತಾಗಿ ಯಾರೂ ರೀಪ್ಲೇಸ್ಮೆಂಟ್ ಇಲ್ಲ ಅನ್ನೋ ಮಟ್ಟಕ್ಕೆ ಅದ್ಭುತವಾಗಿ ಕಾರ್ಯಕ್ರಮ ಹೋಸ್ಟ್ ಮಾಡ್ತಾರೆ. ತಮ್ಮ ಉಡುಪು, ಮಾತು, ಖಡಕ್ ಡೈಲಾಗ್, ನೀತಿ ಪಾಠಗಳಿಂದ ಎಲ್ಲರನ್ನು ಸೆಳೆಯೋ ಕಿಚ್ಚ ತಮ್ಮ ಗಡ್ಡಕ್ಕೆ ಗೇಟ್ಪಾಸ್ ಕೊಟ್ಟಿದ್ದಾರೆ.
ಈ ಬಾರಿ ಎರಡು ಬಿಗ್ಬಾಸ್ ನಡೀತಿದೆ. ಓಟಿಟಿ ಸೀಸನ್ ಫಸ್ಟ್ ಈಗಾಗ್ಲೇ ಶುರುವಾಗಿದ್ದು, ಎಲ್ಲರ ಮನೆ ಮನ ತಲುಪಿದೆ. ಈ ಓಟಿಟಿ ಸೀಸನ್ನಲ್ಲಿ ವೀಕೆಂಡ್ಗೆ ವೇದಿಕೆ ಏರೋ ಸುದೀಪ್ ಹೊಸ ಗೆಟಪ್ ಮೂಲಕ ಸುದ್ದಿಯಲ್ಲಿದ್ದಾರೆ. ಏಕಾಏಕಿ ಕ್ಲೀನ್ ಶೇವ್ ಮಾಡಿ ಮುದ್ದು ಮುದ್ದಾಗಿ ಕಾಣ್ತಿದ್ದಾರೆ. ಸದ್ಯ ಈ ಲುಕ್ನ ಖಾಸಗಿ ವಾಹಿನಿಯೊಂದು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು ಸಖತ್ ವೈರಲ್ ಆಗಿದೆ.
ರಿವೀಲ್ ಆಗಿರೋ ಈ ನಯಾ ಅವತಾರ ಕಂಡು ಫ್ಯಾನ್ಸ್ ದಿಲ್ ಖುಷ್ ಆಗಿದ್ದಾರೆ. ಬಗೆ ಬಗೆಯ ಕಲರ್ಫುಲ್ ಕಮೆಂಟ್ಸ್ ಮಾಡ್ತಿದ್ದಾರೆ. ಬಹುಶಃ ಕಬ್ಜ ಚಿತ್ರಕ್ಕಾಗಿ ತಮ್ಮ ಗಡ್ಡಕ್ಕೆ ಮುಕ್ತಿ ಕೊಟ್ಟಿರಬಹುದು ಎಂಬ ಮಾತುಗಳು ಕೇಳಿಬರ್ತಿವೆ. ಅಂತೂ ಕಿಚ್ಚ ಬಾಸ್ ನೀವು ಮೊದಲಿಗಿಂತಲೂ ಸೂಪರ್ ಆಗಿ ಕಾಣ್ತಿದ್ದೀರಾ. ಲವ್ ಯು ರೋಣ ಅಂತಾ ಕಮೆಂಟ್ಸ್ ಮಾಡ್ತಿದ್ದಾರೆ. ಸದ್ಯ, ಕಿಚ್ಚ ಸುದೀಪ್ ಬಿಗ್ಬಾಸ್ ಜತೆಗೆ ಕಬ್ಜ ಚಿತ್ರದ ಶೂಟಿಂಗ್ನಲ್ಲಿ ಬ್ಯುಸಿ ಇದ್ದಾರೆ. ಉಪ್ಪಿ ಕಾಂಬಿನೇಷನ್ನಲ್ಲಿ ಸದ್ಯದಲ್ಲೇ ತೆರೆಗೆ ಬರಲಿರೋ ಕಬ್ಜ ಚಿತ್ರದ ಮೇಲೆ ಸಿಕ್ಕಾಪಟ್ಟೆ ನಿರೀಕ್ಷೆಗಳು ಇವೆ. ಈ ನಡುವೆ ಕಿಚ್ಚನ ಹೊಸ ಲುಕ್ ಎಲ್ಲರಿಗೂ ಸಖತ್ ಇಷ್ಟವಾಗಿದೆ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
