ಸಿನಿಮಾಂತ್ರಿಕ ಪ್ರಶಾಂತ್ ನೀಲ್ ಕೆಜಿಎಫ್ ಸಿನಿಮಾ ನಂತ್ರ ಸಿಕ್ಕಾಪಟ್ಟೆ ಫೇಮಸ್ ಆಗಿದ್ದಾರೆ. ಹೋದಲ್ಲಿ ಬಂದಲ್ಲಿ ನೀಲ್ಗೆ ಫ್ಯಾನ್ಸ್ ಮುತ್ತಿಕೊಳ್ತಾರೆ. ಕೆಜಿಎಫ್ ಸಿನಿಮಾ ಕೊಟ್ಟ ಯಶಸ್ಸು ಅವರನ್ನ ವಿಶ್ವಮಟ್ಟದಲ್ಲಿ ಗುರುತಿಸುವಂತೆ ಮಾಡಿದೆ. ಇದೀಗ ತಾವು ಹುಟ್ಟೂರಿಗೆ ತಮ್ಮ ಕೊಡುಗೆಯ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ. ಯೆಸ್.. ನೀಲ್ ಮಾಡಿದ ಆ ಪುಣ್ಯದ ಕೆಲಸ ಏನು ಗೊತ್ತಾ..? ಹಾಗಾದರೆ ಈ ಸ್ಟೋರಿ ಓದಿ.
ತಂದೆಯ ಹುಟ್ಟು ಹಬ್ಬಕ್ಕೆ ಭರ್ಜರಿ ಗಿಫ್ಟ್ ಕೊಟ್ಟ ಪ್ರಶಾಂತ್
ಪ್ರಶಾಂತ್ ನೀಲ್, ಐದು ವರ್ಷಗಳ ಹಿಂದೆ ಈ ಹೆಸ್ರಿನ ಪರಿಚಯ ಯಾರಿಗೂ ತಿಳಿದಿರಲಿಲ್ಲ. ಆದ್ರೆ, ಈಗ ಪ್ರಶಾಂತ್ ನೀಲ್ ಬಗ್ಗೆ ಇಂಟ್ರಡಕ್ಷನ್ ಕೊಡಬೇಕಾಗಿಲ್ಲ. ದೇಶ ವಿದೇಶಗಳಲ್ಲೂ ನೀಲ್ ಡೈರೆಕ್ಷನ್ ಬಗ್ಗೆ ಚರ್ಚೆಗಳು ನಡೆಯುತ್ತವೆ. ನೀಲ್ ನೆಕ್ಸ್ಟ್ ಸಿನಿಮಾ ಯಾವುದು ಅಂತಾ ಚಾತಕ ಪಕ್ಷಿಗಳಂತೆ ಅಭಿಮಾನಿಗಳು ಕಾಯ್ತಿರ್ತಾರೆ. ಯೆಸ್.. ನೀಲ್ ಮೇಕಿಂಗ್ ಸ್ಟೈಲ್ ಮಾಡಿರೋ ಮ್ಯಾಜಿಕ್ ತಾಕತ್ತು ಹಾಗಿದೆ. ಇದೀಗ ನೀಲ್ ಸಿನಿಮಾ ಹೊರತಾಗಿಯೂ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ. ಹುಟ್ಟೂರಿನ ಜನತೆ ನೀಲ್ ಸೇವೆಯನ್ನು ಸ್ಮರಿಸುವಂತಾ ಕೆಲಸ ಮಾಡಿ ಸದ್ದು ಮಾಡ್ತಿದ್ದಾರೆ.
ಪ್ರಶಾಂತ್ ನೀಲ್ ಬಂದ ನಂತ್ರ ಕನ್ನಡ ಚಿತ್ರರಂಗದ ಮಾರ್ಕೆಟ್ ಚೇಂಜ್ ಆಗಿದೆ. ಬಾಯಿ ಬಿಟ್ಟರೆ ಸಾವಿರ ಕೋಟಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಅನ್ನುವಂತಾಗಿದೆ. ಇನ್ನೂ ಕೆಜಿಎಫ್ ಸಿನಿಮಾದಿಂದ ನೀಲ್ ಬಾಚಿದ್ದು ಬರೋಬ್ಬರಿ 1500 ಕೋಟಿ. ಭಾರತದಲ್ಲಿ ನೀಲ್ ಡೈರೆಕ್ಷನ್ಗೆ ಸಿಕ್ಕಾಪಟ್ಟೆ ಬೇಡಿಕೆ ಕೂಡ ಶುರುವಾಗಿದೆ. ಈ ನಡುವೆ ತಮ್ಮ ತಂದೆಯ ಬರ್ತ್ಡೇಗೆ ಹುಟ್ಟೂರಿಗೆ ಭೇಟಿ ಕೊಟ್ಟಿದ್ದ ನೀಲ್ ಆಸ್ಪತ್ರೆಗೆ 50ಲಕ್ಷ ದೇಣಿಗೆ ನೀಡಿ ಸಾರ್ಥಕತೆ ಮೆರೆದಿದ್ದಾರೆ.
ಈ ಬಾರಿಯ ಸ್ವಾತಂತ್ರ್ಯ ದಿನಾಚರಣೆ ಭಾರತೀಯರ ಪಾಲಿಗೆ ಸ್ಮರಣೀಯ ದಿನ. ಸೆಲೆಬ್ರಿಟಿಗಳು ಸೇರಿದಂತೆ, ಸಾಮಾನ್ಯ ಜನತೆ ಕೂಡ ಅಮೃತ ದಿನತ್ಸೋವವನ್ನು ಅದ್ಧೂರಿಯಾಗಿ ಆಚರಣೆ ಮಾಡಿದೆ. ಇನ್ನೂ ಪ್ರಶಾಂತ್ ನೀಲ್ಗೂ ಈ ಬಾರಿಗೆ ಸ್ವಾತಂತ್ರ್ಯ ದಿನಾಚರಣೆ ಸ್ಪೆಷಲ್ ಆಗಿತ್ತು. ಹುಟ್ಟೂರಿಗೆ ಭೇಟಿ ಕೊಟ್ಟಿದ್ದ ಪ್ರಶಾಂತ್ ನೀಲ್, ಆಂಧ್ರಪ್ರದೇಶದ ನೀಲಕಂಠಪುರಂ ದೇವಸ್ಥಾನಕ್ಕೆ ಭೇಟಿ ಕೊಟ್ಟಿದ್ರು. ಜತೆಗೆ ನೀಲ್ ತಂದೆ ಶುಭಾಷ್ ಸ್ವಾತಂತ್ರ್ಯದ ದಿನವೇ ಜನಿಸಿದ್ದರು. ಈ ಬರ್ತ್ ಡೇ ಸವಿನೆನಪಿಗಾಗಿ ನೀಲ್ ಹಳ್ಳಿಯಲ್ಲಿ ನಿರ್ಮಾಣವಾಗ್ತಿರೋ ಎಲ್ವಿ ಪ್ರಸಾದ್ ಕಣ್ಣಿನ ಆಸ್ಪತ್ರೆಗೆ 50 ಲಕ್ಷ ದೇಣಿಗೆ ನೀಡುವ ಮೂಲಕ ಕಿರುಕಾಣಿಕೆ ಸಲ್ಲಿಸಿದ್ದಾರೆ.
ಈ ಕುರಿತು ಪ್ರಶಾಂತ್ ನೀಲ್ ಸಂಬಂಧಿ ರಘುವೀರ್ ರೆಡ್ಡಿ ತಮ್ಮ ಟ್ವಿಟರ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಇದು ಹೆಮ್ಮೆಯ ಕ್ಷಣ. ನನ್ನ ಸಹೋದರನ ಪುತ್ರ ಪ್ರಶಾಂತ್ ನೀಲ್ 50 ಲಕ್ಷ ದೇಣಿಗೆ ನೀಡಿದ್ದಾರೆ. ನೀಲ್ ತಂದೆ ಸುಭಾಷ್ ರೆಡ್ಡಿ ಕೂಡ 1947 ಆಗಸ್ಟ್ 15 ರಂದೇ ಜನಿಸಿದ್ದರು ಎಂದು ಬರೆದುಕೊಂಡಿದ್ದಾರೆ. ಅಂತೂ ಹುಟ್ಟಿದ ಊರಿಗೆ ಈ ರೀತಿ ಸೇವೆ ಸಲ್ಲಿಸುವ ಮೂಲಕ ಕೃತಜ್ಞತೆ ಮೆರೆದಿದ್ದಾರೆ ನೀಲ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
