ರಾಜ ವಂಶ. ಮತ್ತಿನಂಶ. ಕನ್ನಡದ ದೊಡ್ಮನೆಯ ಕುಡಿ ಧೀರೆನ್ ಶಿವನ ಉಗ್ರವತಾರ ತಾಳಿ ತೆರೆಗೆ ಬರೋ ತವಕದಲ್ಲಿದ್ದಾರೆ. ಈ ನಡುವೆ ಸಿನಿಮಾ ಪ್ರೊಮೋಷನ್ಸ್ಗೆ ಕರುನಾಡಿನಾದ್ಯಂತ ಭರ್ಜರಿ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿದ್ದಾರೆ ನಟ ಧೀರೆನ್. ಉತ್ತರ ಕರ್ನಾಟಕದ ಪ್ರವಾಸದಲ್ಲಿರೋ ಧೀರೆನ್ ರಾಮ್ಕುಮಾರ್ಗೆ ಭವ್ಯ ಸ್ವಾಗತ ಸಿಕ್ಕಿದ್ದು ಹೂವಿನ ಸುರಿಮಳೆಯಾಗಿದೆ. ಹಾಗಾದರೆ ಈ ಸ್ಟೋರಿ ಓದಿ.
ಅಪ್ಪು ಭಾವಚಿತ್ರವಿರುವ ಟೀಶರ್ಟ್ನಲ್ಲಿ ಧೀರೇನ್ ಮಿಂಚು
ನಟ ರಾಮ್ಕುಮಾರ್ ಅವ್ರ ಪುತ್ರ ಹಾಗೂ ಡಾ.ರಾಜ್ಕುಮಾರ್ ಮೊಮ್ಮಗ ಧೀರೆನ್ ಅಭಿನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಶಿವ 143. ಆಗಸ್ಟ್ 26ಕ್ಕೆ ಸಿಲ್ವರ್ ಸ್ಕ್ರೀನ್ ಮೇಲೆ ಶಿವನ ಅಬ್ಬರ ಜೋರಾಗಿರಲಿದೆ. ರಿಲೀಸ್ಗೂ ಮುನ್ನವೇ ಸಖತ್ ಹೈಪ್ ಕ್ರಿಯೇಟ್ ಮಾಡಿರೋ ಶಿವ 143 ಸಿನಿಮಾ ಪ್ರೋಮೋಷನ್ನಲ್ಲಿ ಬ್ಯುಸಿಯಾಗಿದೆ. ಆರಂಭದಲ್ಲಿ ಚಿತ್ರತಂಡ ಕಲಬುರ್ಗಿ ವಿಸಿಟ್ ಮಾಡಿದ್ದು ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.
ಈ ಚಿತ್ರದ ಮೂಲಕ ಸ್ಯಾಂಡಲ್ವುಡ್ಗೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಡ್ತಿರೋ ದೊಡ್ಮನೆಯ ಕುಡಿಗೆ ಅಭೂತಪೂರ್ವ ಸ್ವಾಗತ ಸಿಕ್ಕಿದೆ. ಅಪ್ಪು ಫೋಟೋ ಇರೋ ಟೀಶರ್ಟ್ನಲ್ಲಿ ಮಿಂಚ್ತಿದ್ದ ಧೀರೇನ್ ಕಂಡು ಕಲಬುರ್ಗಿ ಜನತೆ ಪುಳಕಿತರಾಗಿದ್ದಾರೆ. ಬೆಳ್ಳಿ ರಥವೇರಿ ಬರ್ತಿದ್ದ ಶಿವನನ್ನು ಕಂಡು ಉತ್ತರ ಕರ್ನಾಟಕದ ಮಂದಿ ಹೂವಿನ ಮಳೆ ಸುರಿಸಿದ್ದಾರೆ. ಕಿಕ್ಕಿರಿದು ಸೇರಿದ್ದ ಜನರನ್ನು ಕಂಡು ಚಿತ್ರತಂಡ ಕೂಡ ಥ್ರಿಲ್ ಆಗಿದೆ.
ಶಿವ 143 ಚಿತ್ರ ಆರ್ಎಕ್ಸ್ 100 ರೀಮೇಕ್ ಆದ್ರೂ ಕೂಡ ಸಾಕಷ್ಟು ಬದಲಾವಣೆಗಳೊಂದಿಗೆ ತೆರೆಗೆ ಬರೋಕೆ ತಯಾರಾಗಿದೆ. ಈಗಾಗ್ಲೇ ಫಸ್ಟ್ ಲುಕ್ ಹಾಗೂ ಕ್ಯಾರೆಕ್ಟರ್ ಟೀಸರ್ನಲ್ಲಿ ಮಾಸ್ ಅವತಾರದಲ್ಲಿ ಮಿಂಚಿದ ಧೀರೆನ್ ಸಿಕ್ಕಾಪಟ್ಟೆ ಕುತೂಹಲ ಕೆರಳಿಸಿದ್ದಾರೆ. ಸೆಂಚುರಿ ಸ್ಟಾರ್ ಶಿವಣ್ಣ, ಅಶ್ವಿನಿ ಪುನೀತ್ ರಾಜ್ಕುಮಾರ್ ಕೂಡ ಧೀರೆನ್ ಆ್ಯಕ್ಟಿಂಗ್ಗೆ ಫಿದಾ ಆಗಿದ್ದಾರೆ. ಇದ್ರ ನಡುವೆ ಕಲಬುರ್ಗಿಯಲ್ಲಿ ಸಿಕ್ಕ ವೆಲ್ಕಮ್ ಸಿನಿಮಾ ಮೇಲಿನ ನಿರೀಕ್ಷೆಯನ್ನು ಡಬಲ್ ಮಾಡಿದೆ.
ಇನ್ನು ಮುಂದೆ ಚಿತ್ರತಂಡ ಹೊಸಪೇಟೆ, ಗಂಗಾವತಿ, ಹುಬ್ಬಳ್ಳಿಯಲ್ಲೂ ಭರ್ಜರಿ ಪ್ರಚಾರದ ಕಹಳೆ ಊದಲಿದೆ. ಜಯಣ್ಣ, ಭೋಗೇಂದ್ರ, ಡಾ.ಸೂರಿ ಸಾರಥ್ಯದಲ್ಲಿ ನಿರ್ಮಾಣವಾಗ್ತಿರೋ ಶಿವ 143 ಚಿತ್ರಕ್ಕೆ ಅನಿಲ್ಕುಮಾರ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಅರ್ಜುನ್ ಜನ್ಯಾ ಸಂಗೀತ ಚಿತ್ರಕ್ಕೆ ಪ್ಲಸ್ ಆಗಲಿದೆ. ಚಿತ್ರದಲ್ಲಿ ಸಾಧುಕೋಕಿಲ, ಚಿಕ್ಕಣ್ಣ, ಚರಣ್ ರಾಜ್ ಸೇರಿದಂತೆ ಕಲಾವಿದರ ದಂಡೇ ಇದೆ. ದೊಡ್ಮನೆ ಬಳಗದಿಂದ ನಾಯಕನಾಗಿ ಮಿಂಚಲಿರುವ ಧೀರೇನ್ ಅಬ್ಬರಕ್ಕೆ ಪ್ರೇಕ್ಷಕ ಏನಂತಾನೆ ಕಾದು ನೋಡ್ಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
