ರಾಜಮೌಳಿಯ ಒಂದೊಂದು ಸಿನಿಮಾ ಕೂಡ ಒಂದೊಂದು ಪರ್ವತ ಶ್ರೇಣಿ ಇದ್ದಂತೆ. ಅವ್ರು ಸಿನಿಮಾನ ಕಟ್ಟಿಕೊಡೋ ಪರಿಗೆ ಹಾಲಿವುಡ್ ಮಂದಿ ಕೂಡ ಕ್ಲೀನ್ ಬೋಲ್ಡ್ ಆಗ್ತಾರೆ. ಸದ್ಯ ಅವ್ರ ಈ ವರ್ಷದ ಬ್ಲಾಕ್ ಬಸ್ಟರ್ ಹಿಟ್ ತ್ರಿಬಲ್ ಆರ್, ಆಸ್ಕರ್ ರೇಸ್ನಲ್ಲಿ ಸಂಚಲನ ಮೂಡಿಸ್ತಿದೆ. ಪ್ರತಿಯೊಬ್ಬ ಭಾರತೀಯ ಹೆಮ್ಮೆ ಪಡೋ ಅಂತಹ ಕಲರ್ಫುಲ್ ಸ್ಟೋರಿ ಇಲ್ಲಿದೆ.
- ಬೆಸ್ಟ್ ಆ್ಯಕ್ಟರ್ ರೇಸ್ನಲ್ಲಿ ಯಂಗ್ ಟೈಗರ್ Jr. NTR ಮಿಂಚು
- ಹಾಲಿವುಡ್ ಮ್ಯಾಗಜಿನ್ನ ಸಂಭಾವ್ಯ ಪಟ್ಟಿಯಲ್ಲಿ ಕಮಾಲ್
- ಟಾಮ್ ಹಾಂಕ್ಸ್, ಕೇಜ್, ಇವಾನ್ಸ್, ಆ್ಯಡಂಗೆ ಟಫ್ ಫೈಟ್
ನಿನ್ನೆಯಷ್ಟೇ ಸ್ವತಂತ್ರ ದಿನದ ಅಮೃತ ಮಹೋತ್ಸವವನ್ನ ಭಾರತೀಯರಾದ ನಾವೆಲ್ಲಾ ಬಹಳ ವಿಜೃಂಭಣೆಯಿಂದ, ಅರ್ಥಪೂರ್ಣವಾಗಿ ಆಚರಿಸಿಕೊಂಡಿದ್ದೀವಿ. ಕಾಮನ್ ವೆಲ್ತ್ ಗೇಮ್ಸ್ನಲ್ಲಿ ಭಾರತ ವಿಶ್ವದ ಬಲಿಷ್ಠ ರಾಷ್ಟ್ರಗಳಿಗೆ ಪೈಪೋಟಿ ನೀಡಿ, ನೂರಾರು ಮೆಡಲ್ಗಳನ್ನ ಗಳಿಸಿದೆ. ಇಂತಹ ಖುಷಿಯ ಸಂದರ್ಭದಲ್ಲಿ ಇಡೀ ಇಂಡಿಯಾ ಹೆಮ್ಮೆ ಪಡೋ ಮತ್ತೊಂದು ಸುದ್ದಿ ಸಿಕ್ಕಾಪಟ್ಟೆ ಸದ್ದಾಗ್ತಿದೆ.
ಯೆಸ್.. ನಮ್ಮ ಸೌತ್ನ ಡೈರೆಕ್ಟರ್ ಆದ ಎಸ್ಎಸ್ ರಾಜಮೌಳಿ ಅವ್ರ ತ್ರಿಬಲ್ ಆರ್ ಸಿನಿಮಾ ಆಸ್ಕರ್ಗೆ ನಾಮಾಂಕಿತವಾಗಿದೆ. ಆ ನಿರ್ದೇಶಕ ನಮ್ಮ ಕರ್ನಾಟಕದ ರಾಯಚೂರು ಮೂಲದವರು ಅನ್ನೋದು ಮತ್ತೊಂದು ಖುಷಿ. ಇದು ನಿಜಕ್ಕೂ ಒಬ್ಬ ನಿರ್ದೇಶಕನ ಚಾಕಚಕ್ಯತೆಗೆ ಸಲ್ಲುತ್ತಿರೋ ಗೌರವ ಅನ್ನೋದ್ರ ಜೊತೆ ಪ್ರತಿಭೆಗೆ ತಕ್ಕ ಪುರಸ್ಕಾರ ಅಂದ್ರೂ ತಪ್ಪಾಗಲ್ಲ.
ಹಾಲಿವುಡ್ನ ಪ್ರತಿಷ್ಠಿತ ಮ್ಯಾಗಜಿನ್ ಪ್ರಕಟಿಸಿರೋ ಬೆಸ್ಟ್ ಆ್ಯಕ್ಟರ್ ಸಂಭಾವ್ಯರ ಪಟ್ಟಿಯಲ್ಲಿ ತ್ರಿಬಲ್ ಆರ್ ಸಿನಿಮಾದ ನಾಯಕನಟ ಜೂನಿಯರ್ ಹೆಸ್ರು ಕೇಳಿಬರ್ತಿದೆ. ಇದು ನಿಜಕ್ಕೂ ಕನ್ನಡಿಗರಾದ ನಾವು ಮತ್ತಷ್ಟು ಸಂಭ್ರಮಿಸೋ ಕ್ಷಣ. ಕಾರಣ ಜೂನಿಯರ್ ಎನ್ಟಿಆರ್ ಅವ್ರ ತಾಯಿ ನಮ್ಮ ಕುಂದಾಪುರದ ಮೂಲದವ್ರು. ಅಲ್ಲಿಗೆ ಕನ್ನಡದ ಹೆಣ್ಣು ಮಗಳ ಕಂದ ಈ ಯಂಗ್ ಟೈಗರ್. ಹಾಗಾಗಿ ಪ್ರತಿಯೊಬ್ಬರಿಗೂ ಇದು ಅವಿಸ್ಮರಣೀಯ ಗಳಿಗೆ.
ಹಾಲಿವುಡ್ನ ಟಾಪ್ ಌಕ್ಟರ್ಗಳಾಗಿ ಮಿಂಚ್ತಿರೋ ಟಾಮ್ ಹಾಂಕ್ಸ್, ನಿಕೋಲಸ್ ಕೇಜ್, ಕ್ರಿಸ್ ಇವಾನ್ಸ್, ಌಡಂ ಸ್ಯಾಂಡ್ಲರ್, ಕ್ಯಾಸಿ ಅಫ್ಲೆಕ್ ರಂತಹ ಘಟಾನುಘಟಿ ಸೂಪರ್ ಸ್ಟಾರ್ಗಳ ಮಧ್ಯೆ ಕೊಮರಂ ಭೀಮುಡು ಪಾತ್ರದಾರಿಯ ಹೆಸ್ರು ಕೇಳಿಬಂದಿರೋದು ವೆರಿ ಇಂಪ್ರೆಸ್ಸೀವ್. ಇಲ್ಲಿಯವರೆಗೂ ಇಂಡಿಯಾಗೆ ಬೆಸ್ಟ್ ಆ್ಯಕ್ಟರ್ ಅವಾರ್ಡ್ ಲಭಿಸಿಲ್ಲ. ಅದು ಜೂನಿಯರ್ ಎನ್ಟಿಆರ್ ಮುಖೇನ ಆದ್ರೆ ಅದಕ್ಕಿಂತ ಖುಷಿಯ ವಿಚಾರ ಮತ್ತೊಂದಿಲ್ಲ.
ಈ ಸುದ್ದಿ ಕೇಳ್ತಿದ್ದಂತೆ ಜೂನಿಯರ್ ಎನ್ಟಿಆರ್ ಡೈ ಹಾರ್ಡ್ ಫ್ಯಾನ್ಸ್ ಸಖತ್ ಥ್ರಿಲ್ ಆಗಿದ್ದಾರೆ. ಬಾಲಿವುಡ್ ಅಂಗಳದಲ್ಲಿ ನಟ, ನಿರ್ದೇಶಕ ಅನುರಾಗ್ ಕಶ್ಯಪ್ ಸೇರಿದಂತೆ ಸಾಕಷ್ಟು ಮಂದಿ ಯಂಗ್ ಟೈಗರ್ ಆಸ್ಕರ್ ಪ್ರಶಸ್ತಿ ಪಡೆಯಲಿ ಅಂತ ಶುಭ ಹಾರೈಸಿದ್ದಾರೆ. ಅಂದಹಾಗೆ ತ್ರಿಬಲ್ ಆರ್ ಸಿನಿಮಾ ಸ್ವತಂತ್ರಪೂರ್ವ ಭಾರತವನ್ನು ನೆನಪಿಸೋ ಅಲ್ಲೂರಿ ಸೀತಾರಾಮ ರಾಜು ಹಾಗೂ ಕೊಮರಂ ಭೀಮ್ ಕುರಿತ ಸಿನಿಮಾ.
ಬ್ರಿಟೀಷರಿಗೆ ಸಿಂಹಸ್ವಪ್ನವಾಗಿ ಕಾಡಿದ ಇಬ್ಬರು ಅಪ್ರತಿಮ ಫ್ರೀಡಂ ಫೈಟರ್ಗಳ ರೋಮಾಂಚನಕಾರಿ ಕಥಾನಕ ಆಗಿತ್ತು. ಜೂನಿಯರ್ ಎನ್ಟಿಆರ್ ಜೊತೆ ರಾಮ್ ಚರಣ್ ತೇಜಾ, ಆಲಿಯಾ ಭಟ್, ಅಜಯ್ ದೇವಗನ್ ಸೇರಿದಂತೆ ಸಾಕಷ್ಟು ಮಂದಿ ಕಲಾವಿದರು ಬಣ್ಣ ಹಚ್ಚಿದ್ರು. ವಿಶ್ವದಾದ್ಯಂತ ಈ ಸಿನಿಮಾ 1200 ಕೋಟಿ ಗಳಿಕೆಯಿಂದ ಹೊಸ ದಾಖಲೆ ಬರೆದಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
