ಗಾಳಿಪಟ ಮುಗಿಲೆತ್ತರಕ್ಕೆ ಹಾರಾಡಲು ಕ್ಷಣಗಣನೆ ಶುರುವಾಗಿದೆ. ಪ್ರೇಕ್ಷಕನ ಎದೆಗೆ ಒತ್ತಿ, ಬಾನಿಗೆ ಮುತ್ತಿಕ್ಕಿ, ದೇಶ ವಿದೇಶಗಳಲ್ಲಿ ಹಾರಾಡಲಿದೆ ಕನ್ನಡದ ಗಾಳಿಪಟ. ಯೆಸ್. ಭಟ್ರ ಲೇಖನಿಯಲ್ಲಿ ಮೂಡಿದ ಸೊಗಸಾದ ಗಾಳಿಪಟ 2 ಸಿನಿಮಾ ಈ ವಾರ ತೆರೆಗಪ್ಪಳಿಸಲಿದೆ. ಈಗಾಗ್ಲೇ ಅಡ್ವಾನ್ಸ್ ಬುಕಿಂಗ್ ಶುರುವಾಗಿದ್ದು, ಬುಕ್ ಮೈ ಶೋನಲ್ಲಿ ಪ್ರೇಕ್ಷಕರ ಟಿಕೆಟ್ ಭೇಟೆ ಭರ್ಜರಿಯಾಗಿದೆ.
- ಮಿಸ್ಟರ್ ಪರ್ಪೆಕ್ಟ್, ಅಕ್ಷಯ್ ಚಿತ್ರಗಳಿಗೆ ತೊಡೆ ತಟ್ಟಿದ ಸಿನಿಮಾ
ಭಟ್ರ ಉಲ್ಟಾ ಪಲ್ಟಾ ಸಿನಿಮಾಗಳು ಪ್ರೇಕ್ಷಕನ ತಲೆಗೆ ಬೇಗ ತಲುಪುತ್ತವೆ. ಭಟ್ರ ಮೇಕಿಂಗ್ ಸ್ಟೈಲ್, ಪ್ರೀತಿಯನು ಹೇಳುವ ಪರಿ ಎಲ್ಲರ ಹೃದಯಗಳನ್ನು ತಲ್ಲಣಗೊಳಿಸುತ್ತವೆ. ಇದೀಗ ಮತ್ತೊಮ್ಮೆ ಗಾಳಿಪಟ ಚಿತ್ರದ ಫ್ರೆಂಡ್ಶಿಪ್ ಗ್ಯಾಂಗ್ ಸ್ಯಾಂಡಲ್ವುಡ್ನಲ್ಲಿ ಧೂಳೆಬ್ಬಿಸೋಕೆ ಸಜ್ಜಾಗಿದೆ. ಚಿತ್ರದ ಹಾಡುಗಳು ಎಲ್ಲರ ಎದೆ ಸೀಳಿ ಹೃದಯವನ್ನು ನಾಟಿದೆ. ಟ್ರೈಲರ್ ಕೂಡ ಮಿಕ್ಸ್ ಮಸಾಲ ಮನರಂಜನೆಯ ಮೂಲಕ ಹುಚ್ಚು ಹಿಡಿಸಿದೆ.
ಸೂಪರ್ ಹಿಟ್ ಸಿನಿಮಾಗಳ ಸಾಲಿಗೆ ಸೇರೋಕೆ ಭಟ್ರ ಗ್ಯಾಂಗ್ ಸಜ್ಜಾಗಿದೆ. ಬುಕ್ ಮೈ ಶೋನಲ್ಲಿ ಗಾಳಿಪಟ 2 ಚಿತ್ರದ ಟಿಕೆಟ್ ಬುಕಿಂಗ್ ಓಪನ್ ಆಗಿದ್ದು, ಪ್ರೇಕ್ಷಕರು ಟಿಕೆಟ್ ಭೇಟೆಗೆ ತಯಾರಾಗಿದ್ದಾರೆ. ಫ್ಯಾಮಿಲಿ ಸಮೇತ ಸಿನಿಮಾ ಎಂಜಾಯ್ ಮಾಡೋಕೆ ಮುಗಿಬಿದ್ದು ಟಿಕೆಟ್ ರಿಸರ್ವ್ ಮಾಡ್ತಿದ್ದಾರೆ. ಈ ವಾರ ತೆರೆಗೆ ಬರಲಿರೋ ಆಮೀರ್ ಖಾನ್ ಅಭಿನಯದ ಲಾಲ್ ಸಿಂಗ್ ಚಡ್ಡಾ ಹಾಗೂ ಅಕ್ಷಯ್ ಕುಮಾರ್ ಅಭಿನಯದ ರಕ್ಷಾ ಬಂಧನ್ ಸಿನಿಮಾಗಳಿಗೆ ಸಡ್ಡು ಹೊಡೆಯಲಿದೆ ಗಾಳಿಪಟ ಚಿತ್ರ. ಈಗಾಗ್ಲೇ ಟಿಕೆಟ್ ಖರೀಧಿಯಲ್ಲೂ ಗಾಳಿಪಟ 2 ಮುಂಚೂಣಿಯಲ್ಲಿದೆ.
- ದೇಶ ವಿದೇಶಗಳಲ್ಲಿ ಗಾಳಿಪಟ ಮಿಂಚಿನ ಹಾರಾಟ
- ಬುಕ್ ಮೈ ಶೋನಲ್ಲಿ ಹೆಚ್ಚಿದ ವೋಟ್ಸ್ ರೆಕಾರ್ಡ್..!
ಕಾಲೇಜ್ ವಿದ್ಯಾರ್ಥಿಗಳ ಫ್ರೆಂಡ್ಸ್ ಗ್ಯಾಂಗ್ ಟಿಕೆಟ್ ಭರಾಟೆಯಲ್ಲಿ ಮುಂಚೂಣಿಯಲ್ಲಿದ್ದು ವೀಕೆಂಡ್ಗೆ ಮಸ್ತ್ ಮಜಾ ಮಾಡೋ ತವಕದಲ್ಲಿದೆ. ಎಲ್ಲ ಅಂದುಕೊಂಡಂತೆ ಗಾಳಿಪಟ ಪ್ರಿಕ್ವೆಲ್ ಚಿತ್ರದ ರೆಕಾರ್ಡ್ ಬೀಟ್ ಮಾಡೊ ಮನ್ಸೂಚನೆ ಸಿಕ್ಕಿದೆ. ಪರಭಾಷಾ ಚಿತ್ರಗಳಿಗೆ ಎದೆಯುಬ್ಬಿಸಿ ಸೆಡ್ಡು ಹೊಡೆದಿರೋ ಗಾಳಿಪಟ ವೋಟ್ಸ್ ವಿಭಾಗದಲ್ಲೂ ಮೊದಲ ಸ್ಥಾನ ಗಿಟ್ಟಿಸಿದೆ. ಭಟ್ರ ಗ್ಯಾಂಗಿಗೆ ಪ್ರೇಕ್ಷಕ ಕೂಡ ಓಕೆ ಅಂದಿದ್ದು ಚಿತ್ರದ ಮೇಲಿನ ಉತ್ಸಾಹದ ಸ್ಪಿರಿಟ್ ಪ್ರೂವ್ ಮಾಡಿದ್ದಾನೆ.
ಗಣಿ, ದಿಗ್ಗಿ, ಪವನ್ ಕುಮಾರ್ ಅಭಿನಯದ ಗಾಳಿಪಟ 2 ಚಿತ್ರದ ಟ್ರೈಲರ್ ಯ್ಯೂಟ್ಯೂಬ್ನಲ್ಲಿ ಹಿಟ್ಸ್ ದಾಖಲಿಸಿದೆ. ಫನ್ ವಿತ್ ಎಮೋಷನ್ ನಡುವೆ ರಸವತ್ತಾದ ಊಟ ಸವಿಯಬಹುದು ಅನ್ನೋ ಭರವಸೆ ಮೂಡಿಸಿದ್ದಾರೆ. ಚಿತ್ರದ ಪ್ರತಿ ಹಾಡುಗಳು ಕಿವಿಯಲ್ಲಿ ಗುನುಗುತ್ತಿದ್ದು, ಎದೆಯೊಳಗೆ ಝೇಂಕರಿಸುತ್ತಿವೆ. ವೈಭವಿ ಶಾಂಡಿಲ್ಯ, ಶರ್ಮಿಳಾ ಮಾಂಡ್ರೆ, ಸಂಯುಕ್ತ ಮೆನನ್ ನಾಯಕಿಯರಾಗಿ ಕಾಣಿಸಿದ್ದಾರೆ. ಇನ್ನೂ ಅನಂತ್ನಾಗ್, ಗಣಿ ಕಾಂಬಿನೇಷನ್ ಅಗೈನ್ ಮೋಡಿ ಮಾಡಲಿದೆ. ರಂಗಾಯಣ ರಘು, ಸುಧಾ ಬೆಳವಾಡಿ ಪೋಷಕ ಪಾತ್ರದಲ್ಲಿ ನಕ್ಕು ನಗಿಸಲಿದ್ದಾರೆ.
ಈ ವಾರಕ್ಕೆ ಫ್ಯಾಮಿಲಿ ಸಮೇತ ಪಾಪ್ ಕಾರ್ನ್ ಸವಿಯುತ್ತಾ ಹದವಾದ, ಮಜವಾದ ಸಿನಿಮಾ ನೋಡಬಹುದು. ರಮೇಶ್ ರೆಡ್ಡಿ ನಿರ್ಮಾಣದಲ್ಲಿ ಕಜಕಿಸ್ತಾನ ಸೇರಿ ಸುಂದರ ತಾಣಗಳಲ್ಲಿ ಸಿನಿಮಾ ತಯಾರಾಗಿದೆ. ಇನ್ನೂ ಭಟ್ರ ಲೇಖನಿಯಲ್ಲಿ ಪ್ರತಿ ಡೈಲಾಗ್ಗಳು ಹೊಟ್ಟೆಯೊಳಗೆ ಚಿಟ್ಟೆ ಬಿಟ್ಟು ತತ್ವ ಹೇಳಲಿವೆ. ಸಂತೋಷ್ ರೈ ಪತಾಜೆ ಕ್ಯಾಮೆರಾ ಕಣ್ಣು ನೋಡುಗರಿಗೆ ಮನಮೋಹಕ ಫೀಲ್ ಕೊಡಲಿದೆಯಂತೆ. ಅಂತೂ ಮತ್ತೊಮ್ಮೆ ಮನೆಮಂದಿಯೆಲ್ಲಾ ಕೂತು ನಕ್ಕು, ಅತ್ತು ಬರಬಹುದಾದ ಸಿನಿಮಾ ಗಾಳಿಪಟ 2 ಆಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
