ದೊಡ್ಮನೆಯ ದೃವತಾರೆ, ಬಾಡದ ಬೆಟ್ಟದ ಹೂ ಅಪ್ಪು ವಿಶೇಷ ಪಾತ್ರದಲ್ಲಿ ನಟಿಸಿರುವ ಸಿನಿಮಾ ಲಕ್ಕಿಮ್ಯಾನ್. ಅಭಿಮಾನಿಗಳ ಪಾಲಿಗೆ ಅಕ್ಷರಶಃ ದೇವರ ಪ್ರತಿರೂಪವಾಗಿರೋ ಅಪ್ಪು, ಈ ಸಿನಿಮಾದಲ್ಲೂ ದೇವರ ಪಾತ್ರ ನಿಭಾಯಿಸಿದ್ದಾರೆ. ಲಕ್ಕಿಮ್ಯಾನ್ ಚಿತ್ರದ ಮತ್ತೊಂದು ಹೈಲೈಟ್, ಇಂಡಿಯನ್ ಮೈಕಲ್ ಜಾಕ್ಸನ್ ಪ್ರಭುದೇವ ಹಾಗೂ ಕರುನಾಡ ಡ್ಯಾನ್ಸ್ ಕಿಂಗ್ ಅಪ್ಪು ಒಟ್ಟಿಗೆ ಕುಣಿದಿದ್ದಾರೆ. ಇದೀಗ ಅಪ್ಪು ಬಗ್ಗೆ ಪ್ರಭುದೇವ ಡ್ಯಾನ್ಸ್ ಸೀಕ್ರೆಟ್ ರಿವೀಲ್ ಮಾಡಿದ್ದಾರೆ. ಯೆಸ್.. ಪ್ರಭುದೇವ ಹೇಳಿದ್ದೇನು ಗೊತ್ತಾ..? ನೀವೇ ಓದಿ.
- ಏನೇ ಅಂದ್ರೂ ನೋ ಎನ್ನದ ಪ್ಯೂರ್ ಸೋಲ್ ರಾಜರತ್ನ
ದೇವತಾ ಮನುಷ್ಯ ಅಪ್ಪು ಅಗಲಿ 9 ಒಂಬತ್ತು ತಿಂಗಳಾದ್ರೂ ಅವರ ನೆನೆಪು ಮಾತ್ರ ಇಂದಿಗೂ ಅಚ್ಛ ಹಸಿರಾಗಿದೆ. ಕಣ್ಣು ಮುಚ್ಚಿದ್ರೂ, ಕಣ್ ಬಿಟ್ರೂ ಅವರ ನಗು ಎಲ್ಲರಿಗೂ ಬಿಟ್ಟು ಬಿಡದೇ ಕಾಡ್ತಿದೆ. ಇಂದಿಗೂ ಅವರ ಸಮಾಧಿ ಬಳಿ ಸಾಗರದಂತೆ ಜನ ದೇವರ ದರ್ಶನಕ್ಕೆ ಕ್ಯೂ ನಿಲ್ತಾರೆ. ಇನ್ನೂ ಅಪ್ಪು ಅಭಿನಯದ ಸಿನಿಮಾಗಳಲ್ಲಿ ಗಂಧದಗುಡಿ, ಲಕ್ಕಿಮ್ಯಾನ್ ಬಾಕಿ ಉಳಿದಿವೆ. ಲಕ್ಕಿಮ್ಯಾನ್ ಚಿತ್ರದಲ್ಲಿ ಅಪ್ಪು ದೇವರ ಪಾತ್ರ ನಿಭಾಯಿಸಿದ್ದು, ಸಿನಿಮಾ ರಿಲೀಸ್ಗೂ ಮುನ್ನವೇ ಇನ್ನಷ್ಟು ಹತ್ತಿರವಾಗಿದೆ.
ಲಕ್ಕಿಮ್ಯಾನ್ ಚಿತ್ರದ ಟೀಸರ್ ಯ್ಯೂಟ್ಯೂಬ್ ಟಾಪ್ ಟ್ರೆಂಡಿಂಗ್ನಲ್ಲಿದೆ. ಡಾರ್ಲಿಂಗ್ ಕೃಷ್ಣ ಹಾಗೂ ಚಾರ್ಲಿ ಖ್ಯಾತಿಯ ಸಂಗೀತ ಶೃಂಗೇರಿ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಇನ್ನೂ ಲಕ್ಕಿಮ್ಯಾನ್ ಚಿತ್ರದ ಸ್ಟ್ರೆಂತ್ ಅಂದ್ರೆ, ಅಪ್ಪು ಗೆಸ್ಟ್ ಅಪಿಯರೆನ್ಸ್. ಪ್ರಭುದೇವ, ಅಪ್ಪು ಜುಗಲ್ಬಂದಿಯಲ್ಲಿ ಡ್ಯಾನ್ಸ್ ನೆಕ್ಸ್ಟ್ ಲೆವೆಲ್ನಲ್ಲಿ ಮೂಡಿ ಬಂದಿದೆ. ಟೀಸರ್ ನೋಡಿದ ಪ್ರಭುದೇವ ಅಪ್ಪು ಬಗ್ಗೆ ಸೀಕ್ರೇಟ್ ರಿವೀಲ್ ಮಾಡಿದ್ದು, ಅಪ್ಪು ಯಾವುದಕ್ಕೂ ನೋ ಅನ್ನಲಿಲ್ಲ. ಏನೇ ಹೇಳಿದ್ರೂ, ಐ ಯಾಮ್ ರೆಡಿ ಅಂತಾ ಸಾಥ್ ಕೊಟ್ರು. ಗುಡ್ ಹಾರ್ಟ್ ಅಪ್ಪು ಎಂದಿದ್ದಾರೆ ಪ್ರಭುದೇವ.
- ಟೀಸರ್ ನೋಡಿದ ಮೇಲೆ ಪ್ರಭುದೇವ ನಿರೀಕ್ಷೆ ಡಬಲ್
- ಸೆಕೆಂಡ್ ಚಾನ್ಸ್ ಕೊಡದ ಭಗವಂತ.. ಮಿಸ್ ಯು ಅಪ್ಪು
ತಮಿಳಿನ ಓ ಮೈ ಕಡುವುಲೇ ಚಿತ್ರದ ರಿಮೇಕ್ ಲಕ್ಕಿಮ್ಯಾನ್. ಚಿತ್ರದ ಟೀಸರ್ ರಿಲೀಸ್ ಆಗಿದ್ದು, ಫ್ಯಾನ್ಸ್ ಕೂಡ ರಿಪೀಟ್ ಮೋಡ್ನಲ್ಲಿ ಎಂಜಾಯ್ ಮಾಡ್ತಿದ್ದಾರೆ. ಇನ್ನೂ ಅಪ್ಪು ಕೊನೆಯ ಸಿನಿಮಾ ಅಂತಾ ತಲೆ ಮೇಲೆ ಹೊತ್ತು ಮೆರೆಯೋಕೆ ಸಜ್ಜಾಗಿದ್ದಾರೆ. ಚಿತ್ರದ ಟೀಸರ್ ಫನ್ನಿಯಾಗಿದ್ದು, ನಿರೀಕ್ಷೆಗಳು ದುಪ್ಪಟ್ಟಾಗಿವೆ. ಪ್ರಭುದೇವ ಅವ್ರಿಗೆ ಟೀಸರ್ ನೋಡಿದ ಮೇಲೆ ಎಗ್ಸೈಟ್ಮೆಂಟ್ ಜಾಸ್ತಿ ಆಗಿದೆ. ಲಕ್ಕಿಮ್ಯಾನ್ ಸೆಪ್ಟೆಂಬರ್ನಲ್ಲಿ ರಿಲೀಸ್ ಆಗ್ತಿದೆ. ನಾನು ಕೂಡ ಸಖತ್ ವೆಯ್ಟ್ ಮಾಡ್ತಾ ಇದೀನಿ ಎಂದಿದ್ದಾರೆ.
ಜಾನಿ ಮಾಸ್ಟರ್ ನೃತ್ಯ ನಿರ್ದೇಶನದಲ್ಲಿ ಅಪ್ಪು, ಪ್ರಭುದೇವ ಕಾಂಬಿನೇಷನ್ನಲ್ಲಿ ಒಂದು ಸಾಂಗ್ ಇದೆ. ಈಗಾಗ್ಲೇ ಈ ಹಾಡಿನ ಸಣ್ಣ ತುಣುಕುಗಳು ಮಿಲಿಯನ್ಗಟ್ಟಲೆ ವೀವ್ಸ್ ಗಳಿಸಿ ದಾಖಲೆ ಬರೆದಿದೆ. ಇಬ್ಬರೂ ಜಿದ್ದಿಗೆ ಬಿದ್ದವರಂತೆ ಮೈಮರೆತು ಕುಣಿದಿದ್ದಾರೆ. ಸಿನಿಮಾದಲ್ಲಿ ಅಪ್ಪು ಡಾರ್ಲಿಂಗ್ ಕೃಷ್ಣ, ಸಂಗೀತಾ ಜೋಡಿಗೆ ಇನ್ನೊಂದು ಚಾನ್ಸ್ ಕೊಡ್ತೀನಿ ಅಂತಾ ಷರತ್ತು ಹಾಕುತ್ತಾರೆ. ಫ್ಯಾನ್ಸ್ ಮಾತ್ರ, ಅಪ್ಪು ನಿಮಗೆ ಮಾತ್ರ ಆ ದೇವರು ಸೆಕೆಂಡ್ ಚಾನ್ಸ್ ಕೊಡಲಿಲ್ಲ ಅಂತಾ ಎಮೋಷನಲ್ ಆಗಿದ್ದಾರೆ.
ಲಕ್ಕಿಮ್ಯಾನ್ ಚಿತ್ರದಲ್ಲಿ ರೋಷನಿ, ಸಾಧುಕೋಕಿಲ,ರಂಗಾಯಣ ರಘು, ಸುಧಾ ಬೆಳವಾಡಿ, ನಾಗಭೂಷಣ್ ಸೇರಿದಂತೆ ಮುಂತಾದ ಕಲಾವಿದರು ಅಭಿನಯವಿದೆ. ಸುಂದರ ಕಾಮರಾಜ್ ನಿರ್ಮಾಣದಲ್ಲಿ ಸಿನಿಮಾ ರಿಚ್ ಆಗಿ ಮೂಡಿ ಬಂದಿದೆ. ಎಸ್.ನಾಗೇಂದ್ರ ಪ್ರಸಾದ್ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಜೀವ ಶಂಕರ ಕ್ಯಾಮೆರಾ ಕಣ್ಣಲ್ಲಿ ಸಿನಿಮಾ ಅದ್ಭುತವಾಗಿ ಮೂಡಿ ಬಂದಿದೆಯಂತೆ. ಎನಿವೇ, ಸಿನಿಮಾ ಮೇಲೆ ಪ್ರಭುದೇವ ಅವ್ರಿಗೂ ಕಾತರ ಹೆಚ್ಚಾಗಿರೋದ್ರಿಂದ ಪ್ರೇಕ್ಷಕರಿಗೂ ನಿರೀಕ್ಷೆಗಳು ದುಪ್ಪಾಟ್ಟಾಗಿವೆ. ಅಪ್ಪು ಅವರನ್ನು ದೇವರ ರೂಪದಲ್ಲಿ ಕಣ್ತುಂಬಿಕೊಳ್ಳೋಕೆ ಸೆಪ್ಟೆಂಬರ್ವರೆಗೂ ಕಾಯಲೇಬೇಕು.
ರಾಕೇಶ್ ಆರುಂಡಿ,, ಫಿಲ್ಮ್ ಬ್ಯೂರೋ, ಪವರ್ ಟಿವಿ
