ಊ ಅಂಟಾವಾ ಖ್ಯಾತಿಯ ಸಮಂತಾ ಮದ್ವೆ ಬ್ರೇಕಪ್ ಆದ್ಮೇಲೆ, ಯಾಕೋ ಸಖತ್ ಗ್ಲಾಮರ್ ಆಗ್ಬಿಟ್ರು. ಲೈಫ್ ಸ್ಟೈಲ್ ಚೇಂಜ್ ಮಾಡ್ಬಿಟ್ರು. ಮೈ ಮೇಲೆ ಯಾಕೋ ಬಟ್ಟೇನೆ ನಿಲ್ತಿಲ್ಲ ಅಂತಾ ಏನೇನು ಮಾತಾನಾಡಿಕೊಂಡಿದ್ರು. ಚೈತು ಕಂಡ್ರೆ ಸ್ಯಾಮ್ಗೆ ಕೊಲ್ಲೋವಷ್ಟು ಕೋಪ ಅಂತೆಲ್ಲಾ ಗಾಳಿ ಸುದ್ದಿ ಹಬ್ಬಿಸಿದ್ರು, ಸ್ಯಾಮ್ ಯಾಕೋ ಚೈತು ಬಿಟ್ಟುಕೊಡ್ತಿಲ್ಲ. ಇಬ್ರೂ ದೂರ ಆದ್ರೂ ಸ್ಯಾಮ್ಗೆ ಚೈತು ಎಂಬ ಮಾಯೆ ಬಿಡ್ತಿಲ್ಲ. ಯಾಕೆ ಅಂತೀರಾ..?
ಬಿಟ್ಟರೂ ಬಿಡದೀ ಮಾಯೆ.. ಸ್ಯಾಮ್, ಚೈತು ಬ್ರಹ್ಮಗಂಟು
ದೂರಾ ದೂರಾ ಎರಡು ತೀರ.. ನಡುವೆ ಪ್ರೇಮ ಮಂದಾರ
ಮಾಜಿ ಪತಿಯ ಸವಿ ನೆನಪಿಗೆ ಮತ್ತೆ ಮನೆ ಖರೀದಿ
ಪದೇ ಪದೇ ನೆನಪಾದೆ.. ವಿರಹದಲ್ಲಿ ಸಮಂತಾ..!
ಪುಷ್ಪ ಚಿತ್ರದ ಕಥೆ ಎಲ್ರೂ ಮರೆತುಬಿಡಬಹುದು. ಆದ್ರೆ, ಸಮಂತಾ ಲಂಗಾ ದಾವಣಿ ತೊಟ್ಟು ಸೊಂಟ ಬಳುಕಿಸಿದ ಊ ಅಂಟಾವಾ ಹಾಡನ್ನ ಯಾರೂ ಮರೆಯೋಕೆ ಸಾಧ್ಯವಿಲ್ಲ. ಸ್ಯಾಮ್ ಡಿಗ್ಲಾಮ್ ಬೋಲ್ಡ್ ಲುಕ್ ಕಂಡು ಪಡ್ಡೆ ಹೈಕಳು ಕಣ್ ಪಿಳಿ ಪಿಳಿ ಬಿಟ್ಟು ನೋಡಿದ್ರು. ಕ್ಲಾಸಿಕ್ ಲುಕ್ನಲ್ಲಿ ಮಿಂಚ್ತಿದ್ದ ಸ್ಯಾಮ್ ಮೈಮೇಲೆ ಯಾಕೆ ಬಟ್ಟೆಗಳೆ ನಿಲ್ತಿಲ್ಲ ಅಂತಾ ಫ್ಯಾನ್ಸ್ ಕೂಡ ತಲೆಕೆಡಿಸಿಕೊಂಡಿದ್ದಾರೆ. ಈ ಎಲ್ಲಾ ಪ್ರಶ್ನೆಗಳಿಗೆ ಎಲ್ರು ಬೊಟ್ಟು ಮಾಡಿ ತೋರಿಸೋದು ಮಾತ್ರ ಸಮಂತಾ ಮ್ಯಾರೇಜ್ ಬ್ರೇಕಪ್.
ಸ್ಯಾಮ್ ಸುಖಸಂಸಾರ ಮುರಿದ ಮೇಲೆ ಆಧ್ಯಾತ್ಮದ ಕಡೆ ವಾಲಿದ್ರು. ಅಯ್ಯೋ..! ಏನಾಯ್ತು ಸ್ಯಾಮ್ಗೆ ಅಂತಾ ಯೋಚಿಸೋ ಮುಂಚೆ ಗ್ಲಾಮರಸ್ ರೋಲ್ನಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ರು. ನಾಗಚೈತನ್ಯ ಮದ್ವೆ ಮುರಿದ ಮೇಲೆ ಮತ್ತೊಂದು ಮದ್ವೆಯಾಗ್ತಾರೆ ಅಂದುಕೊಂಡಿದ್ದ ಫ್ಯಾನ್ಸ್ ನಿರೀಕ್ಷೆಗಳು ಹುಸಿಯಾದ್ವು. ಆದ್ರೆ, ಸಮಂತಾ ಮಾತ್ರ ನಾಗ ಚೈತನ್ಯ ನೆನಪಿಂದ ಹೊರ ಬಂದಿಲ್ಲ. ಬಿಟ್ಟೆನೆಂದರೂ ಬಿಡದ ಮಾಯೆಯಂತೆ ಮಾಜಿ ಪತಿಯ ನೆನಪು ಸ್ಯಾಮ್ಗೆ ಮತ್ತೆ ಮತ್ತೆ ಕಾಡ್ತಿದೆ.
ಟಾಲಿವುಡ್ನಲ್ಲಿ ಸ್ಯಾಮ್ ಹಾಗೂ ನಾಗಚೈತನ್ಯ ಸಿನಿಮಾರಂಗದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದಾರೆ. ಈ ಜೋಡಿ ಮದ್ವೆಯಾದಾಗ ಇಡೀ ಸಿನಿರಂಗವೇ ಮನಸಾರೆ ಶುಭಹಾರೈಸಿ, ನೂರಾರು ಕಾಲ ಸುಖವಾಗಿ ಬಾಳಿ ಎಂದು ಆಶೀರ್ವದಿಸಿತ್ತು. ಅದ್ಯಾವ ಕಣ್ಣು ಈ ಜೋಡಿಯ ಮೇಲೆ ಬಿತ್ತೋ ಏನೋ, ನೋಡ ನೋಡುತ್ತಲೇ ಇಬ್ಬರೂ ಸಂಸಾರದಿಂದ ಮುಕ್ತಿ ಪಡೆದು ಸ್ವತಂತ್ರ್ಯವಾಗಿ ಬಾಳುತ್ತಿದ್ದಾರೆ. ಕಾರಣ ಏನು ಅನ್ನೋದು ಇಲ್ಲಿವರೆಗೂ ತಿಳಿದಿಲ್ಲ.
ಈ ಇಬ್ಬರೂ ಜೋಡಿ ದೂರಾದರೂ, ಒಬ್ಬರ ಬಗ್ಗೆ ಒಬ್ಬರೂ ಎಂದೂ ಕೆಟ್ಟ ಮಾತುಗಳನ್ನಾಡಿಲ್ಲ. ದೂರವಿದ್ದರೂ ಅದೇ ವಿರಹ ವೇದನೆಯಲ್ಲಿ ಬೇಯುತ್ತಿದ್ದಾರೆ. ಇತ್ತೀಚೆಗೆ ನಾಗ ಚೈತನ್ಯ ಮುದ್ದಿನ ನಾಯಿ ಫೋಟೊ ಶೇರ್ ಮಾಡಿ ಮಾಜಿ ಪತ್ನಿಯನ್ನು ನೆನಪು ಮಾಡಿಕೊಂಡಿದ್ದರು. ಸ್ಯಾಮ್ ಕೂಡ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಚೈತು ಜತೆಗೆ ನಟಿಸಿದ ಸಿನಿಮಾಗಳ ಫೋಟೋ ಶೇರ್ ಮಾಡ್ತಿರ್ತಾರೆ. ಇದನ್ನೆಲ್ಲಾ ನೋಡಿದ್ರೆ ಇಬ್ಬರ ನಡುವೆ ಚಿಕ್ಕ ಮುನಿಸು ಬಿಟ್ರೆ ಬೇರೆ ಏನೂ ಇಲ್ಲ ಅನಿಸುತ್ತದೆ.
ಮದ್ವೆ ನಂತ್ರ ಜತೆಯಲ್ಲಿ ವಾಸವಿದ್ದ ಮನೆಯನ್ನು ಸ್ಯಾಮ್ ದುಪ್ಪಟ್ಟು ಹಣ ಕೊಟ್ಟು ಖರೀದಿ ಮಾಡಿದ್ದಾರಂತೆ. ಮದ್ವೆ ಮುರಿದು ಬಿದ್ದ ನಂತ್ರ ಮನೆಯ ಮಾಲೀಕರು ಬೇರೆಯವರಿಗೆ ಮಾರಿದ್ದರಂತೆ. ಇದೀಗ ನಾಗಚೈತನ್ಯ ಸವಿ ನೆನಪಿಗಾಗಿ ಕೇಳಿದಷ್ಟು ಹಣ ಕೊಟ್ಟು ಸಮಂತಾ ಮನೆ ಖರೀದಿ ಮಾಡಿದ್ದಾರೆ. ಖುಷಿಯ ದಿನಗಳನ್ನು ಕಳೆದ ಈ ಮನೆ ಸ್ಯಾಮ್ಗೆ ಮತ್ತೆ ಮತ್ತೆ ಕಾಡಿದೆ. ಹಾಗಾಗಿಯೇ ಸ್ಯಾಮ್ ಹೈದರಾಬಾದಿನ ಈ ಮನೆಯನ್ನು ದುಬಾರಿ ಮೊತ್ತಕ್ಕೆ ಖರೀದಿ ಮಾಡಿದ್ದಾರೆ. ಅಂತೂ ಚೈತು ಗುಂಗಲ್ಲಿ ಸ್ಯಾಮ್ ಇದ್ದಾರೆ ಎನ್ನಲಾಗ್ತಿದೆ. ಎನಿವೇ ಈ ಜೋಡಿ ಮತ್ತೆ ಒಂದಾಗ್ಲಿ ಅನ್ನೋದೆ ಅಭಿಮಾನಿಗಳ ಆಶಯ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ