ವರ್ಲ್ಡ್ ವೈಡ್ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಫೀವರ್ ಜೋರಾಗಿದೆ. ಗುಮ್ಮನ ಅವತಾರ ಕಂಡು ಗಢ ಗಢ ನಡುಗಿರುವ ಪ್ರೇಕ್ಷಕರು ರೋಣನಿಗೆ ಸೈ ಎಂದಿದ್ದಾರೆ. ತೆರೆ ಕಂಡ ಎಲ್ಲಾ ಥಿಯೇಟರ್ಗಳಲ್ಲೂ ಕಿಚ್ಚನ ಕ್ರೇಜ್ ಮುಗಿಲು ಮುಟ್ಟಿದೆ. ಫಸ್ಟ್ ಡೇ ರೋಣನ ಖಾತೆಗೆ ಕೋಟಿ ಕೋಟಿ ಹಣ ಜಮಾ ಆಗಿದೆ. ಫಸ್ಟ್ ಡೇ ಬಾಕ್ಸ್ ಆಫೀಸ್ ಲೆಕ್ಕಾಚಾರಗಳೇನು..? ರೋಣ ಗಳಿಸಿದ್ದೆಷ್ಟು..?
ಕರ್ನಾಟಕದಲ್ಲಿ 20 ಕೋಟಿ ಗಡಿ ದಾಟಿದ ರೋಣ..!
2500 ಪ್ರದರ್ಶನ.. ಎಲ್ಲಾ ಕಡೆ 95% ಹೌಸ್ಫುಲ್
ಟಾಲಿವುಡ್, ಕಾಲಿವುಡ್ನಲ್ಲೂ ಕಿಚ್ಚನಿಗೆ ಬಹುಪರಾಕ್
ದಿಲ್ಲಿಯಲ್ಲಿ ಕಿಚ್ಚನಿಗೆ ವೀರೇಂದ್ರ ಹೆಗ್ಗಡೆ ಆಶೀರ್ವಾದ..!
ಕನ್ನಡ ಸಿನಿಮಾಗಳ ಗೆಲುವಿನ ನಾಗಾಲೋಟ ಮತ್ತೆ ಮುಂದುವರೆದಿದೆ. ಗುಡ್ಡದ ಭೂತ ಕಂಡು ಬೆಚ್ಚಿ ಬಿದ್ದಿರುವ ಚಿತ್ರಪ್ರೇಮಿಗಳು ಕಿಚ್ಚನನ್ನು ತಲೆ ಮೇಲೆ ಹೊತ್ತು ಮೆರೆದಿದ್ದಾರೆ. ಫಸ್ಟ್ ಡೇ ವರ್ಲ್ಡ್ ವೈಡ್ ಗುಡ್ ರೆಸ್ಪಾನ್ಸ್ ಸಿಕ್ಕಿರೋದ್ರಿಂದ, ಕಮರೊಟ್ಟು ಬ್ರಹ್ಮರಾಕ್ಷಸನಿಗೆ ಜೈಕಾರ ಸಿಕ್ಕಿದೆ. ಹೌದು, ಗುಮ್ಮ ಬಂದ, ಗುಮ್ಮ ಬಂದ ಅಂತಾ ಎಲ್ಲರಿಗೂ ಭಯ ಹುಟ್ಟಿಸಿದ್ದ ವಿಕ್ರಾಂತ್ ರೋಣ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿದೆ.
ಮೊದಲ ದಿನ ಪ್ರಪಂಚದಾದ್ಯಂತ ಒಂಬತ್ತು ಸಾವಿರಕ್ಕೂ ಅಧಿಕ ಸ್ಕ್ರೀನ್ಗಳಲ್ಲಿ ತೆರೆ ಕಂಡಿದ್ದ ರೋಣ ಬಹುತೇಕ ಹೌಸ್ಫುಲ್ ಪ್ರದರ್ಶನ ಕಂಡಿದೆ. ಕರುನಾಡಿನಲ್ಲಿ 2500 ಕ್ಕೂ ಅಧಿಕ ಪ್ರದರ್ಶನ ಕಂಡು ಅಬ್ಬರಿಸಿ ಬೊಬ್ಬಿರಿದಿರುವ ವಿಕ್ರಾಂತ್ ರೋಣ ಕೋಟಿ ಕೋಟಿ ದೋಚಿದೆ. ಕರ್ನಾಟಕದಲ್ಲಿ ಒಟ್ಟಾರೆ ಫಸ್ಟ್ ಡೇ ಕಲೆಕ್ಷನ್ನಲ್ಲಿ 23 ಕೋಟಿಗೂ ಅಧಿಕ ಕಮಾಯಿ ಮಾಡಿದೆ.
ರಾರಾ ರಕ್ಕಮ್ಮ ಗೆಜ್ಜೆ ಸಪ್ಪಳಕ್ಕೆ ಪ್ರೇಕ್ಷಕರು ಹುಚ್ಚೆದ್ದು ಕುಣಿದಿದ್ದಾರೆ. ಕಿಚ್ಚನ ಅಲ್ಟಿಮೇಟ್ ಆ್ಯಕ್ಟಿಂಗ್ಗೆ ಫುಲ್ ಮಾರ್ಕ್ಸ್ ಕೊಟ್ಟಿರುವ ಚಿತ್ರರಸಿಕರು ಕರ್ನಾಟಕ ಹೊರತು ಪಡಿಸಿ ಬೇರೆ ರಾಜ್ಯಗಳಲ್ಲೂ ಗೆಲ್ಲಿಸಿದ್ದಾರೆ. ಗ್ಲೋಬಲ್ ಸ್ಟಾರ್ ಕಿಚ್ಚನಿಗೆ ಉತ್ತರ ಭಾರತದಲ್ಲೂ ಗುಡ್ ರೆಸ್ಪಾನ್ಸ್ ಸಿಕ್ಕಿದೆ. 50 ದೇಶಗಳಲ್ಲಿ ಘರ್ಜಿಸುತ್ತಿರುವ ರೋಣ ನಿರೀಕ್ಷೆಗೂ ಮೀರಿ ಲಾಭ ಕಂಡಿದೆ
ರಂಗಿತರಂಗ ಮೇಕಿಂಗ್ ಸ್ಟೈಲ್ನಲ್ಲೇ ಹೊಸ ಕಥೆ ಹೆಣೆದು ಫ್ಯಾಂಟಸಿ ಜಗತ್ತನ್ನು ಸೃಷ್ಠಿಸಿರುವ ಅನೂಪ್ ಭಂಡಾರಿ ಕರಾಮತ್ತು, ಮಾಂತ್ರಿಕತೆಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಎಲ್ಲಾ ಕಡೆ ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸಿದ್ದು ವಿಶ್ವದಾದ್ಯಂತ ಮೊದಲ ದಿನದ ಗಳಿಕೆ 35 ಕೋಟಿ ಬಾಚಿದೆ ಎಂದು ಕಿಚ್ಚ ಕ್ರಿಯೇಷನ್ಸ್ ಟ್ವಿಟ್ ಮೂಲಕ ಅಧಿಕೃತವಾಗಿ ತಿಳಿಸಿದೆ.
Massive opening collection for #VikrantRona crossed 35Crores for Day-1 (Worldwide Gross) https://t.co/tS6Ac1k8Ni@KicchaSudeep @VikrantRona @anupsbhandari @JackManjunath @shaliniartss #KicchaSudeep #VikrantRona pic.twitter.com/DIuEkfqRIK
— Kichcha Creatiions (@Kichchacreatiin) July 29, 2022
3ಡಿ ಎಫೆಕ್ಟ್ನಲ್ಲಿ ಕಣ್ಣಿಗೆ ರಾಚುವ ಅದ್ಭುತ ದೃಶ್ಯಗಳು ರೋಚಕವಾಗಿ ಮೂಡಿ ಬಂದಿವೆ. ಅನೂಪ್ ಭಂಡಾರಿ ಆ್ಯಕ್ಷನ್ ಕಟ್ ಪರಮಾದ್ಭುತ. ವಿಲಿಯಮ್ ಡೇವಿಡ್ ಕ್ಯಾಮೆರಾ ಕೈಚಳಕ ಬಲುರೋಚಕ. ಕಿಚ್ಚ ಕಂಚಿನ ಕಂಠದಲ್ಲಿ ಸಿನಿಮಾ ಸುಂದರವಾಗಿ ಮೂಡಿ ಬಂದಿದೆ. ಅಜನೀಶ್ ಲೋಕನಾಥ್ ಸಂಗೀತದ ಆಲಾಪನೆ ಇನ್ನು ಸೊಗಸಾಗಿದೆ. ಈ ನಡುವೆ ದಿಲ್ಲಿಯಲ್ಲಿ ಎಮ್ ಪಿ ಗಳಿಗಾಗಿ ಮೀಸಲಾಗಿದ್ದ ವಿಕ್ರಾಂತ್ ರೋಣ ಶೋನಲ್ಲಿ ಧರ್ಮಸ್ಥಳ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ ಭೇಟಿಯಾಗಿ ಆಶೀರ್ವಾದ ಪಡೆದಿದ್ದಾರೆ.
ಮೊದಲ ದಿನದಲ್ಲೇ ಬಾಕ್ಸ್ ಆಫೀಸ್ ಲೆಕ್ಕಾಚಾರಗಳನ್ನು ತಲೆಕೆಳಗೆ ಮಾಡಿರುವ ವಿಕ್ರಾಂತ್, ವೀಕೆಂಡ್ಗೆ ಡಬಲ್ ಕಮಾಯಿ ಮಾಡುವ ಸಾಧ್ಯತೆ ಇದೆ. ಎನಿವೇ ಕಿಚ್ಚನ ಸಿನಿಮಾ ಅಬ್ಬರ ಮುಂದುವರೆಯಲಿ ಎಂದು ಆಶಿಸೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
