ಕ್ರೇಜ್ ಕಾ ಬಾಪ್ ವಿಜಯ್ ದೇವರಕೊಂಡ ಕ್ರಾಸ್ಬ್ರೀಡ್ ಟೈಗರ್ ಆಗಿ ಅಬ್ಬರಿಸೋಕೆ ರೆಡಿಯಾಗಿದ್ದಾರೆ. ಇದೀಗ ವಾಟ್ ಲಗಾ ದೇಂಗೆ ಅಂತಾ ಘರ್ಜನೆ ಮಾಡ್ತಿರೋ ಟೈಗರ್, ಸೋಶಿಯಲ್ ಮೀಡಿಯಾದಲ್ಲಿ ಹೈಪ್ ಕ್ರಿಯೇಟ್ ಮಾಡ್ತಿದ್ದಾನೆ. ಸದ್ಯ ಲೈಗರ್ ಚಿತ್ರದ ವಾಟ್ ಲಗಾ ಸಾಂಗ್ ಯ್ಯೂಟ್ಯೂಬ್ ಟ್ರೆಂಡಿಂಗ್ನಲ್ಲಿದ್ದು ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ವಾಟ್ ಲಗಾ ದೇಂಗೆ ಸಾಂಗ್.. ಲೈಗರ್ ಬ್ಯಾಂಗ್ ಬ್ಯಾಂಗ್..!
ನಾವು ಭಾರತೀಯರು.. ಯಾರಿಗೂ ಜಗ್ಗದ, ಬಗ್ಗದ ಟೈಗರ್ಸ್
ಶಿವಗಾಮಿ ರಮ್ಯಾ ಲೋಕಲ್ ಗಮ್ಮತ್ತಿನಲ್ಲಿ ಲೈಗರ್ ತಾಕತ್ತು..!
ತೊದಲು ಭಾಷೆಯಲ್ಲೇ ಕ್ರಾಸ್ಬ್ರೀಡ್ ಟೈಗರ್ ಮೆಗಾ ಪಂಚ್
ಅರ್ಜುನ್ ರೆಡ್ಡಿ ಸಿನಿಮಾ ಮೀರಿಸೋ ಲೆವೆಲ್ಗೆ ವಿಜಯ್ ದೇವರಕೊಂಡ ಸಜ್ಜಾಗಿದ್ದಾರೆ. ಕಟ್ಟು ಮಸ್ತಾದ ಉಕ್ಕಿನ ದೇಹ ತೋರಿಸುತ್ತಾ ಅಭಿಮಾನಿಗಳನ್ನು ಬೆಚ್ಚಿ ಬೆವರಿಳಿಸಿದ್ದ ವಿಜಯ್ ಹೊಸ ಕಿಚ್ಚು ಹಚ್ಚಿದ್ದರು. ಇಷ್ಟಲ್ಲದೆ ಲೈಗರ್ ಚಿತ್ರಕ್ಕಾಗಿ ಬೆತ್ತಲಾಗಿದ್ದಲ್ಲದೇ ಟ್ರೈಲರ್ ಮೂಲಕ ಟೈಗರ್ ಘನಘೋರ ಘರ್ಜನೆ ಹೇಗಿರುತ್ತೆ ಅನ್ನೋದನ್ನು ತೋರಿಸಿದ್ದರು. ಇದೀಗ ವಾಟ್ ಲಗಾ ಸರದಿ. ಟಾಪ್ ಟ್ರೆಂಡಿಂಗ್ನಲ್ಲಿದೆ ವಾಟ್ ಲಗಾ ದೇಂಗೆ ಸಾಂಗ್.
ವಿ ಆರ್ ಇಂಡಿಯನ್ಸ್. ಎದೆಯಲ್ಲಿ ರಕ್ತ ಕುದೀತಿದೆ. ಯುದ್ಧ ಮಾಡೋಕೆ ಕ್ರಾಸ್ ಬ್ರೀಡ್ ಟೈಗರ್ ಕಾಲ್ಕೆರೆದು ನಿಂತಿದೆ. ವಾಟ್ ಲಗಾ ದೇಂಗೆ ಅಂತಾ ವಿಜಯ್ ದೇವರಕೊಂಡ ಅಬ್ಬರಿಸ್ತಿದ್ದಾರೆ. ಈ ಹಾಡಲ್ಲಿ ಅರ್ಜುನ್ ರೆಡ್ಡಿ ಮುಖದಲ್ಲಿ ಬೆಂಕಿಯ ಕಿಚ್ಚು ಕೆಂಡಕಾರುತ್ತಿದೆ. ಕೋಪ, ತಾಪದಲ್ಲಿ ಬೆಂದಿರೋ ಹೆಬ್ಬುಲಿ ಎದುರಾಳಿಗಳ ಎದೆಸೀಳಿ ರಕ್ತ ಕುಡಿಯೋಕೆ ಪರಿತಪಿಸುತ್ತಿದೆ.
ಈಗಾಗ್ಲೇ ಸಿನಿಮಾದ ಟ್ರೈಲರ್ ಎಲ್ಲರನ್ನು ಮೂಖವಿಸ್ಮಿತಗೊಳಿಸಿದೆ. ಶಿವಗಾಮಿಯ ಪಂಚಿಂಗ್ ಡೈಲಾಗ್ ರಕ್ತ ಕುದಿಯುವಂತೆ ಮಾಡುತ್ತದೆ. ಲೈಗರ್ ಮೈಕೊಡವಿ ಬರೋ ಸಿಂಹದಂತೆ ಕಂಡರೆ, ಎದುರಾಳಿ ಬಾಕ್ಸಿಂಗ್ ದಿಗ್ಗಜ ಮೈಕ್ ಟೈಸನ್ ಟೆರರ್ ಆಗಿ ಕಾಣುತ್ತಾರೆ. ಇವರಿಬ್ರ ಕಾಂಬಿನೇಷನ್, ಜಟಾಪಟಿ ನೋಡೋಕೆ ಚಿತ್ರಪ್ರೇಮಿಗಳು ಉತ್ಸುಕರಾಗಿದ್ದಾರೆ.
ಒಂದು ಕಡೆ ಲೈಗರ್, ಐ ಯಾಮ್ ಫೈಟರ್ ಅಂತಾ ಮೈ ಕೊಡವಿ ಬರೋ ಸಿಂಹನಂತೆ ಘರ್ಜನೆ ಮಾಡ್ತಿದ್ರೆ, ನೀನು ಫೈಟರ್ ಆದ್ರೇ, ನಾನು ಏನು ಅಂತಾ ಬಾಕ್ಸಿಂಗ್ ದಿಗ್ಗಜ ಮೈಕ್ ಟೈಸನ್ ಸವಾಲಾಕುತ್ತಾರೆ. ಒಟ್ನಲ್ಲಿ ವಿಶ್ವ ಕಂಡ ಶ್ರೇಷ್ಠ ದಿಗ್ಗಜ ಮೈಕ್ ಟೈಸನ್ ಜೊತೆ ನಡೆಯೋ ಯುದ್ಧ ಭರ್ಜರಿಯಾಗಿರಲಿದೆ. ಹಸಿದ ಹೆಬ್ಬುಲಿಗಳ ಹೋರಾಟ ಭಯಂಕರವಾಗಿರಲಿದೆ. ಹಾಲಿವುಡ್ ರೇಂಜ್ ಮೀರಿಸೋ ಲೈಗರ್ ಟ್ರೈಲರ್ಗೆ ಚಿತ್ರರಸಿಕರು ಕ್ಲೀನ್ ಬೋಲ್ಡ್ ಆಗಿದ್ದಾರೆ.
ಸಿನಿಮಾದ ಕಥೆ ಬರೆದು ನಿರ್ದೇಶನ ಮಾಡ್ತಿರೋ ಪೂರಿ ಜಗನ್ನಾಥ್ ಅವರ ಡ್ರೀಮ್ ಪ್ರಾಜೆಕ್ಟ್ ಇದು. ಈ ಚಿತ್ರಕ್ಕೆ ಕರಣ್ ಜೋಹರ್, ಚಾರ್ಮಿ ಕೌರ್, ಅಪೂರ್ವ ಮೆಹ್ತಾ, ಸೇರಿದಂತೆ ಪೂರಿ ಜಗನ್ನಾಥ್ ಕೂಡ ಬಂಡವಾಳ ಹೂಡಿದ್ದಾರೆ. ವಿಷ್ಣು ಶರ್ಮಾ ಕ್ಯಾಮೆರಾ ಕೈಚಳಕ ಟ್ರೈಲರ್ ಪೂರ್ತಿ ಜಗಮಗಿಸುತ್ತೆ. ಅಂತೂ ಕ್ರಾಸ್ ಬ್ರೀಡ್ ಕರಾಮತ್ತು ಸಿಲ್ವರ್ ಸ್ಕ್ರೀನ್ ಮೇಲೆ ಹೇಗಿರುತ್ತೋ ಅನ್ನೋ ಕುತೂಹಲ ಬೆಟ್ಟದಷ್ಟಿದೆ. ಸದ್ಯ ರಿಲೀಸ್ ಆಗಿರೋ ವಾಟ್ ಲಗಾ ದೇಂಗೆ ಸಾಂಗ್, ಈ ಕ್ರೇಜ್ನಾ ಹತ್ತು ಪಟ್ಟು ಜಾಸ್ತಿ ಮಾಡಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ