ಮಾನ್ಸೂನ್ ಮಳೆಯಂತೆ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದೆ ನಮ್ಮ ಚಂದನವನದ ಮಾನ್ಸೂನ್ ರಾಗ. ಕ್ಲಾಸ್ ಮತ್ತು ಮಾಸ್ ಕಟೆಂಟ್ನಿಂದ ನೋಡುಗರ ನಾಡಿಮಿಡಿತ ಹೆಚ್ಚಿಸಿರೋ ಡಾಲಿ-ರಚ್ಚು-ಯಶಾ ಜೋಡಿ, ಇದೀಗ ರಿಲೀಸ್ಗೂ ಮೊದ್ಲೇ ಡಬಲ್ ರೆಕಾರ್ಡ್ ಮಾಡಿದೆ.
ರಿಲೀಸ್ಗೂ ಮೊದ್ಲೇ ಡಾಲಿ ಮಾನ್ಸೂನ್ ರಾಗ ಡಬಲ್ ರೆಕಾರ್ಡ್
100 ಥಿಯೇಟರ್ಸ್ಗೆ ರಚಿತಾ ಕಟೌಟ್.. ರಾಗಸುಧಾ ಮಿಲಿಯನ್
ಡಾಲಿ ಧನಂಜಯ ಹಾಗೂ ರಚ್ಚು ಕಾಂಬಿನೇಷನ್ನ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಮಾನ್ಸೂನ್ ರಾಗ. ಸದ್ಯ ಈ ಮಾನ್ಸೂನ್ ಮಾರುತಕ್ಕೆ ಕ್ಲೀನ್ ಬೋಲ್ಡ್ ಆಗಿರೋ ಚಿತ್ರರಸಿಕರು ಸಿನಿಮಾ ಎಂಜಾಯ್ ಮಾಡೋಕೆ ತುದಿಗಾಲಲ್ಲಿ ನಿಂತಿದ್ದಾರೆ. ಇತ್ತ ರಿಲೀಸ್ಗೂ ಮುನ್ನವೇ ಡಾಲಿ, ರಚ್ಚು ನೂರಾರು ಕಟೌಟ್ಗಳು ಥಿಯೇಟರ್ ಮುಂದೆ ತಲೆಎತ್ತಿ ಸಿನಿಪ್ರಿಯರನ್ನು ಕೈಬೀಸಿ ಕರೆಯುತ್ತಿವೆ.
ರಚ್ಚು ಗ್ಲಾಮರ್ ಲುಕ್, ಡಾಲಿ ರೆಟ್ರೋ ಸ್ಟೈಲ್ ಎಲ್ಲವೂ ಹೊಸ ಬಗೆಯ ನಿರೀಕ್ಷೆ ಮೂಡಿಸಿವೆ. ರಚ್ಚು ತಮ್ಮ ಸಿನಿಜರ್ನಿಯಲ್ಲೇ ಟಫ್ ರೋಲ್ ಲೀಡ್ ಮಾಡ್ತಿದ್ದಾರೆ. ಪೋರ್ಚುಗೀಸರ ಕಾಲವನ್ನು ಮತ್ತೆ ನೆನಪಿಸುವಂತಿದೆ ಮಾನ್ಸೂನ್ ಮೇಕಿಂಗ್. ಇದ್ರ ಜತೆಯಲ್ಲೇ ಬೈರಾಗಿ ಚಿತ್ರದಲ್ಲಿ ಶಿವಣ್ಣನ ಜತೆ ಸ್ಕ್ರೀನ್ ಶೇರ್ ಮಾಡಿದ್ದ ಯಶಾ ಶಿವಕುಮಾರ್ ಮಾನ್ಸೂನ್ ರಾಗಕ್ಕೆ ಮಸ್ತ್ ಸ್ಟೆಪ್ ಹಾಕಿದ್ದಾರೆ. ಚಂಡೆ ಸಪ್ಪಳ, ವಯೋಲಿನ್ ನಾದ ನಿನಾದದ ನಡುವೆ ಯಶಾ ಮಳೆಕುಣಿತ ಸಖತ್ ವೈರಲ್ ಆಗಿದೆ. ಯ್ಯೂಟ್ಯೂಬ್ನಲ್ಲಿ ಮಿಲಿಯನ್ ವೀವ್ಸ್ ದಾಖಲೆಯತ್ತ ಮುನ್ನುಗ್ತಿದೆ ಯಶಾ ಮಳೆ ಕುಣಿತ.
ಆಟಿಟ್ಯೂಡ್ ರೆಬಲ್ ರೋಲ್ನಲ್ಲಿ ಯಶಾ ಮಿಂಚಿದ್ರೆ, ಹಾಟ್ ಗ್ಲಾಮರ್ ರೋಲ್ನಲ್ಲಿ ರಚಿತಾ ರಾಮ್ ನಿದ್ದೆಗೆಡಿಸುತ್ತಾರೆ. ಅಂತೂ ಇಬ್ಬರೂ ನಾಯಕಿಯರ ಜತೆ ಡಾಲಿ ರೊಮ್ಯಾನ್ಸ್ ಮಾಡಲಿದ್ದಾರೆ. ರಿಲೀಸ್ಗೂ ಮುನ್ನವೇ ಈ ಪಾಟಿ ಕ್ರೇಜ್ ಕ್ರಿಯೇಟ್ ಮಾಡಿರೋ ಮಾನ್ಸೂನ್ ರಾಗ ಸಿನಿಮಾ, ಒಂದಿಲ್ಲೊಂದು ವಿಶೇಷತೆಗಳಿಂದ ಹಲ್ಚಲ್ ಎಬ್ಬಿಸ್ತಿದೆ. ಕಟೌಟ್ ದಾಖಲೆ ಒಂದ್ಕಡೆಯಾದ್ರೆ, ಮ್ಯೂಸಿಕ್ ಡ್ಯಾನ್ಸ್ ಮಿಲಿಯನ್ ವೀವ್ಸ್ ದಾಖಲೆ ಮತ್ತೊಂದ್ಕಡೆ. ಇದ್ರ ಜತೆಯಲ್ಲಿ ಮ್ಯೂಸಿಕ್ ಡ್ಯಾನ್ಸ್ ಕವರ್ ವರ್ಷನ್ ಸಖತ್ ಹೈಪ್ ಕ್ರಿಯೇಟ್ಮಾಡ್ತಿದೆ.
ರಮೇಶ್ ಅರವಿಂದ್ ಅಭಿನಯದ ಪುಷ್ಪಕ ವಿಮಾನ ಖ್ಯಾತಿಯ ರವೀಂದ್ರನಾಥ್ ಮಾನ್ಸೂನ್ ರಾಗ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ವಿಖ್ಯಾತ್ ನಿರ್ಮಾಣದಲ್ಲಿ 60ರ ದಶಕದ ಕಥೆಯನ್ನು ಅದ್ಧೂರಿಯಾಗಿ ತೋರಿಸಲಾಗಿದೆ. ಅನೂಪ್ ಸೀಳಿನ್ ಸಂಗೀತ ಚಿತ್ರಕ್ಕಿದೆ. ಮ್ಯೂಸಿಕಲ್ ಹಿಟ್ ಸಿನಿಮಾ ಇದಾಗಲಿದ್ದು, ಆಗಸ್ಟ್ 19ಕ್ಕೆ ಥಿಯೇಟರ್ ಸ್ಕ್ರೀನ್ಗೆ ಮಾನ್ಸೂನ್ ಎಫೆಕ್ಟ್ ತಗಲಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ