ಟೈಗರ್ ಟಾಕೀಸ್ ಬ್ಯಾನರ್ನಡಿ ಮೊದಲ ಬಾರಿಗೆ ನಿರ್ಮಾಣಕ್ಕೆ ಕೈ ಹಾಕಿರೋ ಸ್ಯಾಂಡಲ್ವುಡ್ ಯಂಗ್ಟೈಗರ್, ಲಂಕಾಸುರನಾಗಿ ಅಬ್ಬರಿಸ್ತಿದ್ದಾರೆ. ಗಡ್ಡ ಬಿಟ್ಟು, ರಗಡ್ ಲುಕ್ನಲ್ಲಿ ಘರ್ಜಿಸುತ್ತಿದ್ದ ಟೈಸನ್ನ ನೋಡಿ, ಯಾರಿವ ಅಂತ ಎಲ್ರೂ ಹುಬ್ಬೇರಿಸಿದ್ರು. ಇದೀಗ ಲಂಕಾಧಿಪತಿಯ ಟೈಟಲ್ ಟ್ರ್ಯಾಕ್ ರಿಲೀಸ್ ಆಗಿದ್ದು, ಲಂಕಾಸುರನ ಗತ್ತು ಗಾಂಭೀರ್ಯ ಎಂಥದ್ದು ಅನ್ನೋದನ್ನ ನೀವೇ ನೋಡಿ.
ಹುಲಿಯ ಬಿಂಬ.. ರಾಕ್ಷಸ ಜಂಬ.. ಜಗಮಗಿಸಿದ ಲಂಕಾಸುರ
ಯಂಗ್ ಟೈಗರ್ ಮಾಸ್ ಅವತಾರಕ್ಕೆ ಸ್ಟನ್ ಆದ ಸಿನಿಪ್ರಿಯರು
ಸ್ಯಾಂಡಲ್ವುಡ್ ಮರಿಟೈಗರ್ ಯಾರು ಅಂತ ನಿಮಗೆಲ್ಲಾ ಗೊತ್ತೇ ಇದೆ. ಟೈಗರ್ ಪ್ರಭಾಕರ್ ಅವರ ಪುತ್ರ ವಿನೋದ್ ಪ್ರಭಾಕರ್ ಮರಿಟೈಗರ್ ಅವತಾರದಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ಅಬ್ಬರಿಸಿ ಬೊಬ್ಬಿರಿದಿದ್ರು. ಅವರ ಅಜಾನುಬಾಹು ದೇಹ, ರಗಡ್ ವಾಯ್ಸ್, ಎದೆಯುಬ್ಬಿಸಿ ಗಜಗಾಂಭೀರ್ಯದೊಂದಿಗೆ ನಡೆದು ಬರೋ ಸ್ಟೈಲ್ ಎಲ್ಲವೂ ಸಿನಿಪ್ರೇಮಿಗಳ ಮನಸೆಳೆಯುವಂತೆ ಮಾಡಿದೆ.
ವಿನೋದ್ ಪ್ರಭಾಕರ್ ಅವರ ಪತ್ನಿ ನಿಶಾ ಮೊದಲ ಬಾರಿಗೆ ಲಂಕಾಸುರ ಚಿತ್ರದ ಮೂಲಕ ನಿರ್ಮಾಪಕಿಯಾಗಿ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಟೈಗರ್ ಟಾಕೀಸ್ ಸಂಸ್ಥೆಯ ಚೊಚ್ಚಲ ಸಿನಿಮಾ ಲಂಕಾಸುರ ಚಿತ್ರದ ಟೀಸರ್ ರಿಲೀಸ್ ಮಾಡಿದ್ದ ಕ್ರೇಜಿಸ್ಟಾರ್ ರವಿಚಂದ್ರನ್, ಶುಭ ಹಾರೈಸಿದ್ರು. ಇದೀಗ ಲಂಕಾಸುರ ಟೈಟಲ್ ಟ್ರ್ಯಾಕ್ ರಿಲೀಸ್ ಆಗಿದ್ದು, ಬಿಜಿಎಮ್ ಸೌಂಡ್ ಕಿವಿಗೆ ಮಸ್ತ್ ಮಜಾ ಕೊಡ್ತಿದೆ.
ಆರ್ಮುಗಂ ರವಿಶಂಕರ್, ಡೈನಾಮಿಕ್ ಸ್ಟಾರ್ ದೇವರಾಜ್ ಕಾಂಬಿನೇಷನ್ ನಡುವೆ ಲಂಕಾಸುರನ ಅಸಲಿ ಕಥೆ ಬೇರೆ ಇದೆ ಅನಿಸುತ್ತೆ. ಈ ನಡುವೆ ಟೈಟಲ್ ಟ್ರ್ಯಾಕ್ ಸಿನಿಮಾಗೆ ಬಿಗ್ ಹೈಪ್ ಕೊಟ್ಟಿದ್ದು, ಚಿತ್ರರಸಿಕರಿಗೆ ರೋಮಾಂಚನವಾಗಿದೆ. ಜೇಮ್ಸ್ ಡೈರೆಕ್ಟರ್ ಚೇತನ್ಕುಮಾರ್ ಅವರ ಸಾಹಿತ್ಯದಲ್ಲಿ ಹಾಡು ಮೂಡಿಬಂದಿದೆ.
ಅಣ್ಣ ಗನ್ ಹಿಡಿದು ನಿಂತ ಅಂದ್ರೆ ಭಸ್ಮಾಸುರ, ಲಾಂಗ್ ಹಿಡಿದು ನಡ್ಕೊಂಡ್ ಬಂದ್ರೆ ಲಂಕಾಸುರ ಅನ್ನೋ ಆರಂಭದ ಸಾಲುಗಳು ಥ್ರಿಲ್ಲಿಂಗ್ ಫೀಲ್ ಕೊಡಲಿವೆ. ಎದುರಾಳಿಗಳ ಎದೆಸೀಳೋಕೆ ಹತ್ತು ತಲೆಯ ಲಂಕಾಧಿಪತಿ ಕಾಲು ಕೆರೆದು ನಿಂತಿದ್ದಾನೆ. ವಿಜೇತ ಕೃಷ್ಣ ಅವ್ರ ದನಿಯಲ್ಲಿ ಟೈಟಲ್ ಟ್ರ್ಯಾಕ್ ಮತ್ತೆ ಮತ್ತೆ ಕೇಳ್ಬೇಕು ಅನಿಸುತ್ತೆ.
ಸಿನಿಮಾದಲ್ಲಿ ಲೂಸ್ ಮಾದ ಯೋಗಿ ಕೂಡ ಮರಿಟೈಗರ್ಗೆ ಸಾಥ್ ಕೊಟ್ಟಿದ್ದಾರೆ. ವಿಜೇತ ಕೃಷ್ಣ ಮ್ಯೂಸಿಕ್ ಕಂಪೋಸ್, ಪ್ರಮೋದ್ ಕುಮಾರ್ ನಿರ್ದೇಶನ, ಸುಜ್ಞಾನ್ ಕ್ಯಾಮೆರಾ ಕಣ್ಣಲ್ಲಿ ಸಿನಿಮಾ ಅದ್ಧೂರಿಯಾಗಿ ಮೂಡಿ ಬರ್ತಿದೆ. ಸದ್ಯ ಎಲ್ಲೆಲ್ಲೂ ಲಂಕಾಸುರ ಟೈಟಲ್ ಟ್ರ್ಯಾಕ್ ಧೂಳೆಬ್ಬಿಸ್ತಿದೆ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ