ಹೊಸಪೇಟೆ : ಕರುನಾಡಿನಾದ್ಯಂತ ಪುನೀತ್ ರಾಜ್ಕುಮಾರ್ ಅವರಿಗೆ ಅಭಿಮಾನಿಗಳಿದ್ದಾರೆ. ಹೊಸಪೇಟೆ ಮಂದಿಗೂ ಅಪ್ಪು ಎಂದರೆ ಅಚ್ಚುಮೆಚ್ಚು. ಜೂನ್ ಮೊದಲ ವಾರದಲ್ಲಿ ಪುನೀತ್ ರಾಜ್ಕುಮಾರ್ ಅವರ ಕಂಚಿನ ಪತ್ಥಳಿಯನ್ನು ಹೊಸಪೇಟೆಯಲ್ಲಿ ಅನಾವರಣ ಮಾಡಲಾಗಿತ್ತು.
ಈಗ ಯುವ ರಾಜ್ಕುಮಾರ್ ಅವರು ಅಲ್ಲಿಗೆ ತೆರಳಿ ಅಪ್ಪು ಪುತ್ಥಳಿಗೆ ನಮಿಸಿದ್ದಾರೆ. ಮಧ್ಯರಾತ್ರಿ ಭೇಟಿ ನೀಡಿದ ಅವರನ್ನು ಹೊಸಪೇಟೆ ಜನತೆ ಪ್ರೀತಿಯಿಂದ ಸ್ವಾಗತಿಸಿದ್ದಾರೆ. ಅಭಿಮಾನಿಗಳ ಜೊತೆ ಯುವ ರಾಜ್ಕುಮಾರ್ ಅವರು ಒಂದಷ್ಟು ಹೊತ್ತು ಕಾಲ ಕಳೆದಿದ್ದಾರೆ. ಅಲ್ಲಿ ನೆರೆದಿದ್ದ ಅಭಿಮಾನಿಗಳು ಯುವರಾಜ್ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಖುಷಿ ಪಟ್ಟಿದ್ದಾರೆ.
