ತಾಯಿಗೆ ಕೊಟ್ಟ ವಚನವನ್ನು ಉಳಿಸಿಕೊಳ್ಳಲು ನರಾಚಿಯ ಕ್ರೂರಿಗಳ ಸೆದೆಬಡಿದು, ಗರುಡನ ರುಂಡ ಚೆಂಡಾಡಿ ಇಡೀ ವಿಶ್ವವೇ ಬೆರಗಾಗುವಂತೆ ಶ್ರೀಮಂತಿಕೆ ಪಡೆದವನು ರಾಕಿಭಾಯ್. ಯೆಸ್.. ಕೆಜಿಎಫ್ ಚಾಪ್ಟರ್ 2 ಚಿತ್ರ ಇಂದಿಗೆ 100 ದಿನಗಳನ್ನು ಪೂರೈಸಿ ಹೆಮ್ಮೆಯಿಂದ ಬೀಗ್ತಾ ಇದೆ.
1250 ಕೋಟಿಗೂ ಅಧಿಕ ಬಾಕ್ಸ್ ಆಫೀಸ್ ಕಲೆಕ್ಷನ್ ಕೊಳ್ಳೆ ಹೊಡೆದ ಕನ್ನಡದ ಹೆಮ್ಮೆಯ ಪ್ರತೀಕ ಕೆಜಿಎಫ್ 2. ಶತದಿನೋತ್ಸವ ಸವಿನೆನಪಿನ ಸಮಯದಲ್ಲಿ ಹೊಂಬಾಳೆ ಚಿತ್ರತಂಡ ವಿಭಿನ್ನ ಟ್ರೈಲರ್ ರಿಲೀಸ್ ಮಾಡಿ ಹರ್ಷ ವ್ಯಕ್ತಪಡಿಸಿದೆ. ಜೊತೆಗೆ ವೀಡಿಯೋ ಕೊನೆಯಲ್ಲಿ ಇಟ್ಸ್ ಜಸ್ಟ್ ಬಿಗಿನಿಂಗ್ ಎಂಬ ಸಾಲುಗಳಿದ್ದು ಕೆಜಿಎಫ್ 3 ಸಿನಿಮಾ ಬರೋ ಸೂಚನೆ ಕೊಟ್ಟಿದೆ. ಪ್ರಶಾಂತ್ ನೀಲ್ ಈ ವೀಡಿಯೋ ಹಂಚಿಕೊಂಡಿದ್ದ, ಎಲ್ಲರಿಗೂ ಧನ್ಯವಾದ ಸಲ್ಲಿಸಿದ್ದಾರೆ.
