ಸೌತ್ ಸಿನಿಮಾಗಳು ಹಾಗೂ ಮೇಕರ್ಸ್ ಬರೀ ಬಾಲಿವುಡ್ ಮೇಲೆ ಸವಾರಿ ಮಾಡ್ತಿಲ್ಲ, ಹಾಲಿವುಡ್ ಮಂದಿಯನ್ನೂ ಮಂತ್ರಮುಗ್ಧಗೊಳಿಸ್ತಿದ್ದಾರೆ. ಅದಕ್ಕೆ ಬೆಸ್ಟ್ ಎಕ್ಸಾಂಪಲ್ ದಿ ಗ್ರೇ ಮ್ಯಾನ್ ಚಿತ್ರದ ಹಿಂದಿನ ಮಾಸ್ಟರ್ಮೈಂಡ್ಸ್ ರಸ್ಸೋ ಬ್ರದರ್ಸ್. ಸದ್ಯ ರಾಜಮೌಳಿಯ ತ್ರಿಬಲ್ ಆರ್ಗೆ ಕ್ಲೀನ್ ಬೋಲ್ಡ್ ಆಗಿರೋ ಹಾಲಿವುಡ್ ಸ್ಟಾರ್ ಮೇಕರ್ಸ್, ಕೋಟ್ಯಂತರ ರೂಪಾಯಿ ಬಂಡವಾಳ ಹೂಡಲು ರೆಡಿ ಆಗಿದ್ದಾರೆ.
OMG..! ಹಾಲಿವುಡ್ ಮೇಕರ್ಸ್ ಫಿದಾ.. ಮೌಳಿಗೆ ಲಾಟರಿ
ಪ್ರಿನ್ಸ್ ಮಹೇಶ್ ಬಾಬು ಪ್ರಾಜೆಕ್ಟ್ ನಂತ್ರ ಹಾಲಿವುಡ್ಗೆ ಮೌಳಿ
ತ್ರಿಬಲ್ ಆರ್ ದೃಶ್ಯವೈಭವಕ್ಕೆ ರಸ್ಸೋ ಬ್ರದರ್ಸ್ ಹೇಳಿದ್ದೇನು..?
ಇಂಡಿಯನ್ ಟ್ಯಾಲೆಂಟ್ಸ್ ಮೇಲೆ ಅವೆಂಜರ್ಸ್ ಸಾರಥಿ ಕಣ್ಣು
ಭಾರತೀಯ ಚಿತ್ರರಂಗ ಅಂದ್ರೆ ಬಾಲಿವುಡ್ ಅಂತ ಹೇಳಲಾಗ್ತಿತ್ತು. ಅದು ಜಮಾನ. ಇದೀಗ ಕಾಲ ಬದಲಾಗಿದೆ. ಇಂಡಿಯನ್ ಮೂವೀಸ್ ಅಂದ್ರೆ ಸೌತ್ ದುನಿಯಾ ಕಡೆ ಎಲ್ರೂ ತಿರುಗಿ ನೋಡ್ತಾರೆ. ಅಂತಹ ಕ್ವಾಲಿಟಿ ಸಿನಿಮಾಗಳನ್ನ ಹಾಗೂ ದೃಶ್ಯವೈಭವಗಳನ್ನ ಕಟ್ಟಿಕೊಡ್ತಿದ್ದಾರೆ ನಮ್ಮ ಸೌತ್ ಮೇಕರ್ಸ್. ಅದ್ರಲ್ಲೂ ರಾಜಮೌಳಿ, ಶಂಕರ್, ಪ್ರಶಾಂತ್ ನೀಲ್ ಅಂತಹ ಮಾಸ್ಟರ್ಮೈಂಡ್ಸ್ ಎಲ್ಲರನ್ನ ವಶೀಕರಣ ಮಾಡಿಬಿಟ್ಟಿದ್ದಾರೆ.
ಬಾಹುಬಲಿ, ತ್ರಿಬಲ್ ಆರ್ ಸಿನಿಮಾಗಳಿಂದ ರಾಜಮೌಳಿ ಹಾಗೂ ಕೆಜಿಎಫ್ ಸಿನಿಮಾಗಳಿಂದ ಪ್ರಶಾಂತ್ ನೀಲ್ ಅನ್ನೋ ಮಾಂತ್ರಿಕರಿಬ್ಬರೂ ಮೇಕಿಂಗ್ನಲ್ಲಿ ಹೊಸ ಕ್ರಾಂತಿ ಮಾಡಿಬಿಟ್ರು. ನಯಾ ಟ್ರೆಂಡ್ ಸೃಷ್ಠಿ ಮಾಡಿ, ನ್ಯಾಷನಲ್ ಇಂಟರ್ನ್ಯಾಷನಲ್ ಲೆವೆಲ್ನಲ್ಲಿ ನ್ಯೂ ಸ್ಟಾಂಡರ್ಡ್ಸ್ ಸೆಟ್ ಮಾಡಿದ್ರು. ಸಾವಿರಾರು ಕೋಟಿ ಬ್ಯುಸಿನೆಸ್ ಮಾಡಿ ಹಾಲಿವುಡ್ ಮಂದಿಯ ಹುಬ್ಬೇರಿಸೋ ಜೊತೆಗೆ ಅವ್ರ ದಿಲ್ ದೋಚಿದ್ದಾರೆ.
ಹಾಲಿವುಡ್ನ ಸ್ಟಾರ್ ಡೈರೆಕ್ಟರ್ಸ್ ಕಮ್ ಪ್ರೊಡ್ಯೂಸರ್ಸ್ ಆಗಿ ಸಂಚಲನ ಮೂಡಿಸ್ತಿರೋ ರಸ್ಸೋ ಬ್ರದರ್ಸ್, ರಾಜಮೌಳಿಯ ತ್ರಿಬಲ್ ಆರ್ ಸಿನಿಮಾಗೆ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಹೌದು.. ಅವೆಂಜರ್ಸ್ ಇನ್ಫಿನಿಟಿ ವಾರ್ ಚಿತ್ರದ ಕ್ಯಾಪ್ಟನ್ಸ್ ಈ ರಸ್ಸೋ ಬ್ರದರ್ಸ್, ನಮ್ಮ ಸೌತ್ ಸಿನಿಮಾ ನೋಡಿ ಗುಣಗಾನ ಮಾಡ್ತಾರೆ ಅಂದ್ರೆ ಮೌಳಿಯ ಮೇಕಿಂಗ್ ಮರ್ಮ ಎಂಥದ್ದು ಅನ್ನೋದು ಗೊತ್ತಾಗ್ತಿದೆ.
ಮೌಳಿಯ ಹಾಲಿವುಡ್ ಆಫರ್ :
ನಾವು ತ್ರಿಬಲ್ ಆರ್ ಸಿನಿಮಾನ ಬಹಳ ಇಷ್ಟ ಪಟ್ಟೆವು. ಅದೊಂದು ಅದ್ಭುತ ಸಿನಿಮಾ. ನಾವು ಎಸ್ಎಸ್ ರಾಜಮೌಳಿಗೆ ಒಂದು ಸಿನಿಮಾ ನಿರ್ಮಾಣ ಮಾಡಲು ಇಚ್ಚಿಸುತ್ತೇವೆ. ನಮಗೆ ತಿಳಿದಂತೆ ಅವರೊಬ್ಬ ಇನ್ಕ್ರೆಡಿಬಲ್ ಡೈರೆಕ್ಟರ್.
ರಸ್ಸೋ ಬ್ರದರ್ಸ್ :
ಹೀಗಂತ ಖುದ್ದು ಹಾಲಿವುಡ್ನ ಖ್ಯಾತ ಮೇಕರ್ಸ್ ಹೇಳಿಕೊಂಡಿದ್ದಾರೆ. ಅಲ್ಲಿಗೆ ರಾಜಮೌಳಿಯ ತ್ರಿಬಲ್ ಆರ್ ಸಿನಿಮಾದ ದೃಶ್ಯವೃಭವಕ್ಕೆ ಮನಸೋತ ರಸ್ಸೋ ಬ್ರದರ್ಸ್, ಸಾವಿರಾರು ಕೋಟಿ ಹಣ ಹೂಡಲು ಮುಂದಾಗ್ತಿರೋದು ನಿಜಕ್ಕೂ ಹೆಮ್ಮೆಯ ವಿಷ್ಯ. ಇದು ನಿಜವಾಗೋದೇ ಆದ್ರೆ, ಸದ್ಯ ಜಕ್ಕನ್ನ ಪ್ರಿನ್ಸ್ ಮಹೇಶ್ ಬಾಬು ಜೊತೆಗಿನ ಪ್ರಾಜೆಕ್ಟ್ಗೆ ಕೈ ಹಾಕಿದ್ದು, ಅದು ಮುಗೀತಾ ಇದ್ದಂತೆ ರಸ್ಸೋ ಬ್ರದರ್ಸ್ ಜೊತೆ ಕೈ ಜೋಡಿಸಲಿದ್ದಾರೆ.
ಅಂದಹಾಗೆ ರಸ್ಸೋ ಬ್ರದರ್ಸ್ ನಮ್ಮ ಇಂಡಿಯನ್ ಟ್ಯಾಲೆಂಟ್ಸ್ ಮೇಲೆ ಕಣ್ಣು ಹಾಕಿದ್ದಾರೆ. ದಿ ಗ್ರೇ ಮ್ಯಾನ್ ಅನ್ನೋ ಹಾಲಿವುಡ್ ಒಟಿಟಿ ಸಿನಿಮಾನ ನಿರ್ಮಿಸಿರೋ ರಸ್ಸೋ ಬ್ರದರ್ಸ್, ಅದರಲ್ಲಿ ತಮಿಳುನಟ ಧನುಷ್ಗೆ ಗಾಳ ಹಾಕಿದ್ದು ಗೊತ್ತೇ ಇದೆ. ಸದ್ಯ ಅದ್ರ ಪ್ರೀಮಿಯರ್ನ ರೀಸೆಂಟ್ ಆಗಿ ಮುಂಬೈನಲ್ಲಿ ಮಾಡಿರೋ ರಸ್ಸೋ ಬ್ರದರ್ಸ್, ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್ ಮನೆಗೂ ಭೇಟಿ ನೀಡಿದ್ದಾರೆ.
ನಟ ಧನುಷ್ ಮಕ್ಕಳ ಸಮೇತ ಗ್ರೇ ಮ್ಯಾನ್ ಪ್ರೀಮಿಯರ್ ಶೋನಲ್ಲಿ ಭಾಗಿಯಾಗಿದ್ರು. ಧನುಷ್ ಆಯ್ತು, ಆಮೀರ್ ಆಯ್ತು ಈಗ ರಾಜಮೌಳಿ. ಒಟ್ಟಾರೆ ಹಾಲಿವುಡ್ನ ರಸ್ಸೋ ಬ್ರದರ್ಸ್ ನಮ್ಮ ಇಂಡಿಯನ್ ಸಿನಿಮಾಗಳು ಹಾಗೂ ಮೇಕರ್ಸ್ ಜೊತೆ ಅತ್ಯದ್ಭುತ ಟ್ಯಾಲೆಂಟ್ಸ್ನ ಸ್ಟಡಿ ಮಾಡ್ತಿದ್ದಾರೆ. ಸಿನಿಮಾ ಅಂದ್ರೆ ಜಸ್ಟ್ ಎಂಟರ್ಟೈನ್ಮೆಂಟ್, ವ್ಹಾವ್ ಫೀಲ್ ಕೊಡೋ ಮೇಕಿಂಗ್ ಅನ್ನೋದಷ್ಟೇ ಕೊನೆಗೆ ಉಳಿಯಲಿದೆ. ಭಾಷೆ, ಗಡಿ, ಮಾರ್ಕೆಟ್ನ ಹಂಗಿಲ್ಲದೆ ಮನರಂಜನಾ ಕ್ಷೇತ್ರ ಬೆಳೆಯುತ್ತಿರೋದು ನಿಜಕ್ಕೂ ಖುಷಿಯ ವಿಚಾರ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ