ಸ್ಯಾಂಡಲ್ವುಡ್ನಲ್ಲಿ ತಮ್ಮದೇ ಯ್ಯೂನಿಕ್ ಸ್ಟೈಲ್ ಸಿನಿಮಾಗಳ ಮೂಲಕ ವಿಭಿನ್ನ ಛಾಪು ಮೂಡಿಸಿದವ್ರು ನಿರ್ದೇಶಕ ಚೇತನ್ಕುಮಾರ್. ಇತ್ತೀಚೆಗೆ ಜೇಮ್ಸ್ ಸಿನಿಮಾ ಕೂಡ ಫುಲ್ ಹೌಸ್ ಕಂಡು ಕೋಟಿ ಕೋಟಿ ಲೂಟಿ ಮಾಡ್ತು. ಇದಾದ ನಂತ್ರ ತುಸು ಬ್ರೇಕ್ ತೆಗೆದುಕೊಂಡಿದ್ದ ಚೇತನ್ ಮೋಸ್ಟ್ ಹ್ಯಾಂಡ್ಸಮ್ ನಟ ಇಶಾನ್ಗೆ ಗಾಳ ಹಾಕಿದ್ದಾರೆ. ಅಂತೂ ಬಿಗ್ ಸರ್ಪ್ರೈಸಿಂಗ್ ನ್ಯೂಸ್ ಇದಾಗಿದ್ದು, ಈ ಚಿತ್ರದ ಕುರಿತಾದ ಇಂಟ್ರೆಸ್ಟಿಂಗ್ ಮಾಹಿತಿ ಇಲ್ಲಿದೆ.
ಜೇಮ್ಸ್ ಸಾರಥಿ ಗರಡಿಗೆ ಸ್ಯಾಂಡಲ್ವುಡ್ ಮಿಲ್ಕಿಬಾಯ್
ರೇಮೊ ಹುಡುಗನಿಗೆ ಸಿದ್ಧವಾಗಿದೆ ಬಹದ್ದೂರ್ ಭರ್ಜರಿ ಕಥೆ
ಆಶಿಕಾ ಜತೆ ಡ್ಯುಯೆಟ್ ಮೂಡ್ನಲ್ಲಿ ಇಶಾನ್ ಸಖತ್ ಬ್ಯುಸಿ
ರಾಕ್ಸ್ಟಾರ್ ಇಶಾನ್ ಹೊಸ ಚಿತ್ರದ ಸ್ಪೆಷಾಲಿಟಿಗಳೇನು..?
ಕನ್ನಡದ ಪ್ರತಿಭಾನ್ವಿತ ನಿರ್ದೇಶಕರಲ್ಲಿ ಚೇತನ್ಕುಮಾರ್ ಕೂಡ ಒಬ್ಬರು. ಭರ್ಜರಿ, ಬಹದ್ದೂರ್, ಭರಾಟೆ ಸಿನಿಮಾಗಳ ಮೂಲಕ ಸ್ಯಾಂಡಲ್ವುಡ್ಗೆ ಅದ್ಧೂರಿ ಮಾಸ್ ಕಮರ್ಷಿಯಲ್ ಸಿನಿಮಾಗಳನ್ನು ಕೊಟ್ಟವರು. ಇವ್ರ ಸಿನಿಮಾ ಮೇಕಿಂಗ್ ಸ್ಟೈಲ್ಗೆ ಫ್ಯಾನ್ಸ್ ಕೂಡ ಫಿದಾ ಆಗಿದ್ದಾರೆ. ಸೋಲರಿಯದ ಸರದಾರ ಚೇತನ್ಕುಮಾರ್ ಅವ್ರ ಕೊನೆಯ ಸಿನಿಮಾ ಜೇಮ್ಸ್. ಸೂಪರ್ ಸ್ಟಾರ್ ಅಪ್ಪು ಅವ್ರಿಗೆ ಆ್ಯಕ್ಷನ್ ಕಟ್ ಹೇಳಿದ್ದ ಚೇತನ್ಕುಮಾರ್ ಹಾಲಿವುಡ್ ಕೂಡ ನಾಚುವಂತೆ ಜೇಮ್ಸ್ ಸಿನಿಮಾ ತಯಾರಿಸಿದ್ದರು. ಇಡೀ ವಿಶ್ವದಾಧ್ಯಂತ ಜೇಮ್ಸ್ ಚಿತ್ರಕ್ಕೆ ನಿರೀಕ್ಷೆ ಮೀರಿದ ರೆಸ್ಪಾನ್ಸ್ ಕೂಡ ಸಿಕ್ಕಿತ್ತು.
ಜೇಮ್ಸ್ ಸಿನಿಮಾ ನಂತ್ರ ಚೇತನ್ಕುಮಾರ್ ಅಕ್ಷರಶಃ ಕುಗ್ಗಿ ಹೋಗಿದ್ರು. ಅಪ್ಪು ಅಗಲಿಕೆಯ ನೋವಿನಲ್ಲಿದ್ದ ಚೇತನ್ ಪ್ರತಿ ನಿತ್ಯವೂ ಅಪ್ಪು ಅವರ ಫೋಟೋಗಳನ್ನು ತಮ್ಮ ಮೊಬೈಲ್ ಸ್ಟೇಟಸ್ನಲ್ಲಿಡುತ್ತಾ ಅವರ ನೆನಪಿನಲ್ಲೇ ಮುಳುಗಿ ಹೋಗಿದ್ರು. ಅವರ ನೆಕ್ಸ್ಟ್ ಪ್ರಾಜೆಕ್ಟ್ ಯಾವುದು, ಯಾರಿಗೆ ಆ್ಯಕ್ಷನ್ ಕಟ್ ಹೇಳ್ತಾರೆ ಅನ್ನೋ ಕುತೂಹಲ ಗಾಂಧೀನಗರದಲ್ಲಿತ್ತು. ಇದೀಗ ಈ ಕುತೂಹಲಕ್ಕೆ ತೆರೆ ಬಿದ್ದಿದೆ. ಚೇತನ್ ಕಾಲ್ಶೀಟ್ ಸ್ಯಾಂಡಲ್ವುಡ್ ರೆಮೋ ಹುಡುಗನ ಪಾಲಾಗಿದೆ.
ಫಿಟ್ನೆಸ್ ಹಾಗೂ ಫಿಸಿಕ್ ಮೂಲಕ ಇಶಾನ್ ಬಾಲಿವುಡ್ ಸ್ಟಾರ್ನಂತೆ ಕಾಣುತ್ತಾರೆ. ಕನ್ನಡದ ಜನಪ್ರಿಯ ಹಿಟ್ ಸಿನಿಮಾಗಳನ್ನು ಕೊಟ್ಟ ಖ್ಯಾತ ನಿರ್ಮಾಪಕ ಸಿ.ಆರ್ ಮನೋಹರ್ ಅವರ ಸಹೋದರ ಇಶಾನ್. ಸದ್ಯ ತಮ್ಮನಿಗಾಗಿಯೇ ರೆಮೋ ಸಿನಿಮಾವನ್ನು ಬಹುಕೋಟಿ ವೆಚ್ಚದಲ್ಲಿ ಅದ್ದೂರಿಯಾಗಿ ನಿರ್ಮಾಣ ಮಾಡಲಾಗ್ತಿದೆ. ಪಕ್ಕಾ ಮ್ಯೂಸಿಕಲ್ ಲವ್ಸ್ಟೋರಿ ಸಿನಿಮಾ ಇದಾಗಿದ್ದು, ಹತ್ತಾರು ದೇಶಗಳಲ್ಲಿ ಶೂಟ್ ಮಾಡಿ, ಇಂಟ್ರಡಕ್ಷನ್ ಸಾಂಗ್ಗಾಗಿಯೇ 360 ಡಿಗ್ರಿ ಗ್ರಾಫಿಕ್ಸ್ ಯ್ಯೂಸ್ ಮಾಡಲಾಗ್ತಿದೆ.
ಸುರಸುಂದರಾಂಗ ಇಶಾನ್ ಮೊದಲ ಬಾರಿಗೆ ಪುರಿ ಜಗನ್ನಾಥ್ ನಿರ್ದೇಶನದಲ್ಲಿ ರೋಗ್ ಚಿತ್ರದ ಮೂಲಕ ಕನ್ನಡ ಹಾಗೂ ತೆಲುಗು ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟರು. ಇದಾದ ನಂತ್ರ ರೆಮೋ ಚಿತ್ರದಲ್ಲಿ ಬ್ಯುಸಿ ಇರೋ ಇಶಾನ್ ಮೇಲೆ ಚೇತನ್ಕುಮಾರ್ ಕಣ್ಣು ಬಿದ್ದಿದೆ. ಯಶಸ್ಸಿನ ಉತ್ತುಂಗದಲ್ಲಿರೋ ಚೇತನ್ಕುಮಾರ್ ಇಶಾನ್ಗೆ ಆ್ಯಕ್ಷನ್ ಕಟ್ ಹೇಳ್ತಾ ಇರೋದ್ರಿಂದ ಚಿತ್ರದ ಮೇಲೆ ನಿರೀಕ್ಷೆಗಳು ದುಪ್ಪಟ್ಟಾಗಿವೆ. ಸಿನಿಮಾದ ಕಥೆ ಏನು..? ಯಾರು ಬಂಡವಾಳ ಹೂಡಲಿದ್ದಾರೆ..? ಸಿನಿಮಾದ ಸ್ಟಾರ್ ಕಾಸ್ಟಿಂಗ್ ಏನು ಅನ್ನೋ ಕುತೂಹಲ ಶುರುವಾಗಿದೆ.
ಸಖತ್ ಚ್ಯೂಸಿಯಾಗಿರೋ ಚೇತನ್ಕುಮಾರ್ ಈ ಸಿನಿಮಾಗೆ ಭರ್ಜರಿಯಾಗೆ ತಯಾರಿ ನಡೆಸಿದ್ದಾರೆ ಎನ್ನಲಾಗ್ತಿದೆ. ಅಂದಾಜಿನ ಪ್ರಕಾರ ಸಿ.ಆರ್ ಮನೋಹರ್ ಅವ್ರ ಪ್ರೊಡಕ್ಷನ್ನಲ್ಲೇ ಈ ಸಿನಿಮಾ ಕೂಡ ತಯಾರಾದ್ರೆ ಇನ್ನಷ್ಟು ಮೆರಗು ಚಿತ್ರಕ್ಕೆ ಸಿಗಲಿದೆ. ಸ್ವಲ್ಪ ಗ್ಯಾಪ್ ತೆಗೆದುಕೊಂಡು ಲೆಟೆಸ್ಟ್ ಎಂಟ್ರಿ ಕೊಟ್ಟಿರೋ ನಿರ್ದೇಶಕ ಚೇತನ್ಕುಮಾರ್ ಯಾವ ಕಥೆ ಹೇಳೊಕೆ ಹೊರಟಿದ್ದಾರೆ ಅನ್ನೋ ಕುತೂಹಲಕ್ಕೆ ಸದ್ಯದಲ್ಲೇ ಉತ್ತರ ಸಿಗಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ