ಪೆಟ್ರೋಮ್ಯಾಕ್ಸ್ ಬೆಳಕಲ್ಲಿ ದೀಪ ರಾಜ್ಯಾದ್ಯಂತ ಜೋರಾಗಿ ಉರಿಯುತ್ತಿದೆ. ಚೇಷ್ಟೆ ಜೊತೆಗೆ ಸಾಮಾಜಿಕ ಸಂದೇಶ ಸಾರಿದ ವಿಜಯ್ ಪ್ರಸಾದ್ ನಿರ್ದೇಶನಕ್ಕೆ ಪ್ರೇಕ್ಷಕರು ಮತ್ತೊಮ್ಮೆ ಜೈಕಾರ ಹಾಕಿದ್ದಾರೆ. ಪೋಲಿ ಜೋಕ್ಸ್ಗೆ ಹೊಟ್ಟೆ ಹುಣ್ಣಾಗೋವಷ್ಟು ನಕ್ಕಿದ್ದಾರೆ. ರಾಜ್ಯದ ಎಲ್ಲಾ ಥಿಯೇಟರ್ಗಳಿಗೆ ಲಗ್ಗೆ ಇಡ್ತಿರೋ ಚಿತ್ರತಂಡಕ್ಕೆ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದೆ. ಯೆಸ್.. ಪೆಟ್ರೋಮ್ಯಾಕ್ಸ್ಗೆ ಮಂಡ್ಯ , ಮೈಸೂರ ಜನರ ರೆಸ್ಪಾನ್ಸ್ ಹೇಗಿದೆ..?
ಅಭಿನಯ ಚತುರ ಪೆಟ್ರೋಮ್ಯಾಕ್ಸ್ ಬೆಳಕಲ್ಲಿ ಸಿನಿರಸಿಕರ ಹಬ್ಬ
ನೀನಾಸಂ ಸತೀಶ್ಗೆ ಹೂಮಳೆ; ಸೆಲ್ಫಿಗಾಗಿ ಮುಗಿಬಿದ್ದ ಫ್ಯಾನ್ಸ್
ವಿಜಯ್ ಕೊಟ್ಟ ಪೋಲಿ ಪ್ರಸಾದಕ್ಕೆ ಭರ್ಜರಿ ರೆಸ್ಪಾನ್ಸ್..!
ಪೆಟ್ರೋಮ್ಯಾಕ್ಸ್ ಚೇಷ್ಟೆ, ತಲೆಹರಟೆ, ಫಿಲಾಸಫಿಯ ಭರಾಟೆ
ಸಿದ್ಲಿಂಗು, ನೀರ್ದೋಸೆ ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದ ಚಿತ್ರಪ್ರೇಮಿಗಳು ಪೆಟ್ರೋಮ್ಯಾಕ್ಸ್ ಸಿನಿಮಾಗಾಗಿ ಕಾತರದಿಂದ ಕಾಯ್ತಾ ಇದ್ದರು. ಇದೀಗ ರಾಜ್ಯಾದ್ಯಂತ ಪೆಟ್ರೋಮ್ಯಾಕ್ಸ್ ಬೆಳಕು ಪ್ರಜ್ವಲಿಸುತ್ತಾ ಇದೆ. ಡಬಲ್ ಮೀನಿಂಗ್ ಜೋಕ್ಸ್ಗೂ ಪ್ರೇಕ್ಷಕ ಯೆಸ್ ಎಂದಿದ್ದಾನೆ. ನೀನಾಸಂ ಸತೀಶ್, ಹರಿಪ್ರಿಯಾ ಗ್ಲಾಮರಸ್ ಕಾಂಬಿನೇಷನ್ಗೆ ಚಪ್ಪಾಳೆ ತಟ್ಟಿದ್ದಾನೆ. ಚಿತ್ರದ ಪ್ರಚಾರಕ್ಕಾಗಿ ರಾಜ್ಯದ ಜಿಲ್ಲೆಗಳಿಗೆ ಚಿತ್ರತಂಡ ಪ್ರವಾಸ ಮಾಡ್ತಿದೆ. ಹೋದ ಕಡೆಯೆಲ್ಲಾ ಪೆಟ್ರೋಮ್ಯಾಕ್ಸ್ ಟೀಮ್ಗೆ ಬಹುಪರಾಕ್ ಅಂತಿದ್ದು, ಬೃಹತ್ ಹೂವಿನ ಹಾರಗಳ ಮೂಲಕ ಗ್ರ್ಯಾಂಡ್ ವೆಲ್ಕಮ್ ಮಾಡಲಾಗ್ತಿದೆ.
ನಾಟಿ, ಘಾಟಿ ಸಂಭಾಷಣೆಗಳ ಮೂಲಕ ಪೋಲಿತನವನ್ನು ವಿಭಿನ್ನವಾಗಿ ಹೇಳಿ ಬದುಕಿನ ನೈಜತೆಯನ್ನು ಅರ್ಥಮಾಡಿಸುವಲ್ಲಿ ವಿಜಯ್ ಪ್ರಸಾದ್ ಪ್ರವೀಣರು. ಬದುಕಲ್ಲಿ ಜಿಡ್ಡಿನಂತೆ ಅಂಟಿಕೊಂಡಿರುವ ಅಶ್ಲೀಲತೆಯನ್ನು ಹದವಾಗಿ ಬೆರೆಸಿ ಫ್ಯಾಮಿಲಿ ಸೆಂಟಿಮೆಂಟ್ ಮೂಲಕ ಕಣ್ಣೀರು ತರಿಸುವ ಪ್ರತಿಭಾನ್ವಿತ ನಿರ್ದೇಶಕ. ಇದೀಗ ಪೆಟ್ರೊಮ್ಯಾಕ್ಸ್ ಟೀಮ್ ಮಂಡ್ಯ, ಮೈಸೂರು ಪ್ರವಾಸದಲ್ಲಿದೆ. ಎಲ್ಲಾ ಕಡೆ ಚಿತ್ರರಸಿಕರು ಅದ್ಧೂರಿಯಾಗಿ ವೆಲ್ಕಮ್ ಮಾಡಿಕೊಳ್ತಿದ್ದಾರೆ. ಸತೀಶ್ಗೆ ಬೃಹತ್ ಹಾರ ಹಾಕಿ, ಹೂವಿನ ಮಳೆ ಸುರಿಸುತ್ತಿದ್ದಾರೆ.
ಗಂಭೀರ ವಿಷಯಗಳನ್ನು ಸಿಂಪಲ್ ಆಗಿ ಅರ್ಥ ಮಾಡಿಸುವ ವಿಜಯ್ ಪ್ರಸಾದ್ ಈ ಸಿನಿಮಾದಲ್ಲೂ ಅದೇ ಖಯಾಲಿಯನ್ನು ಮುಂದುವರೆಸಿದ್ದಾರೆ. ಅವರ ಪೆನ್ನು ನಿರೀಕ್ಷೆಗೂ ಮೀರಿ ಪೋಲಿತನದ ಪರಾಕಾಷ್ಠೆ ಮೆರೆದಿದೆ. ಜೊತೆಗೆ ಅನಾಥರ ಫ್ಯಾಮಿಲಿ ಸೆಂಟಿಮೆಂಟ್ನ್ನು ಮನಮುಟ್ಟುವಂತೆ ತೋರಿಸಿದೆ. ಇದಕ್ಕೆ ಸಿಕ್ಕ ಗೆಲುವೇ ಪ್ರೇಕ್ಷಕರ ಪಾಸಿಟಿವ್ ರೆಸ್ಪಾನ್ಸ್. ಮಂಡ್ಯ, ಮೈಸೂರಿನ ಥಿಯೇಟರ್ಗಳಿಗೆ ಕಾಲಿಟ್ಟ ತಕ್ಷಣ ಚಿತ್ರರಸಿಕರ ನೂಕು ನುಗ್ಗಲು ಇದಕ್ಕೆ ಸಾಕ್ಷಿಯಾಗಿದೆ. ಇದ್ರ ಜೊತೆಯಲ್ಲಿ ಇಡೀ ಚಿತ್ರತಂಡ ಹೋಟೆಲ್ನಲ್ಲಿ ನಾನ್ವೆಜ್ ಸವಿದು ಡಬಲ್ ಖುಷಿ ಪಟ್ಟಿದ್ದಾರೆ.
ಅನಾಥಾಶ್ರಮಗಳಲ್ಲಿ ಇರುತ್ತಾರಲ್ಲಾ ಅವರು ಅನಾಥರಲ್ಲ, ಎಲ್ಲರೂ ಇದ್ದು ಯಾರು ಇಲ್ಲದಂತೆ ಒಂಟಿ ಜೀವನ ನಡೆಸುತ್ತಾರಲ್ಲಾ ಅವರು ನಿಜವಾದ ಅನಾಥರು ಎಂಬುದನ್ನು ಈ ಸಿನಿಮಾದಲ್ಲಿ ಜನರ ಹೃದಯ ಕಲಕುವಂತೆ ತೋರಿಸಲಾಗಿದೆ. ಇದೇ ಕಾರಣಕ್ಕೆ ಈ ಸಿನಿಮಾ ಎಲ್ಲರ ಹೃದಯ ತಲುಪಿದೆ. ಸಿನಿಮಾದಲ್ಲಿ ಸತೀಶ್, ಹರಿಪ್ರಿಯಾ, ಕಾರುಣ್ಯಾ ರಾಮ್ ಕೂಡ ಅದ್ಭುತವಾಗಿ ನಟಿಸಿದ್ದಾರೆ. ಪಂಚಿಂಗ್ ಮಾತುಗಳು ತುರಿಕೆಯ ಫೀಲ್ ಕೊಟ್ಟರು ಮಜಾ ಅನುಭವ ನೀಡುತ್ತವೆ.
ಕಾಮನ್ ಡೈಲಾಗ್ಗಳ ಮೂಲಕ ಬೋಲ್ಡ್ ಕಂಟೆಂಟ್ನ ಭಾವನಾತ್ಮಕವಾಗಿ ಕಟ್ಟಿಕೊಟ್ಟಿರುವ ನಿರ್ದೇಶಕ ವಿಜಯ್ಪ್ರಸಾದ್ ಸಕ್ಸಸ್ ಕಂಡಿದ್ದಾರೆ. ಸತೀಶ್ ನೀನಾಸಂಗೂ ಈ ಸಿನಿಮಾ ಗ್ರ್ಯಾಂಡ್ ಸಕ್ಸಸ್ ತಂದುಕೊಟ್ಟಿದೆ. ಅನೂಪ್ ಸೀಳಿನ್ ಸಂಗೀತ ಸಂಯೋಜನೆಗೆ ಚಿತ್ರರಸಿಕರು ಕೂಡ ದಿಲ್ಖುಷ್ ಆಗಿದ್ದಾರೆ. ಹೋದಲ್ಲಿ, ಬಂದಲ್ಲಿ ಒಳ್ಳೆ ರೆಸ್ಪಾನ್ಸ್ ಸಿಗ್ತಾ ಇರೋದ್ರಿಂದ ಪೆಟ್ರೋಮ್ಯಾಕ್ಸ್ ಗೆಲುವಿನ ನಾಗಾಲೋಟವನ್ನು ಮುಂದುವರೆಸಿದೆ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ