ಬಾಲಿವುಡ್ನ ಗ್ರೀಕ್ ಗಾಡ್ ಹೃತಿಕ್ ಸ್ಟೈಲ್ನಲ್ಲಿ ಅಬ್ಬರಿಸೋಕೆ ಬರ್ತಿದ್ದಾರೆ ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್. ಅವ್ರಿಗೆ ಕರುನಾಡ ವೇದ ಕೂಡ ಸಾಥ್ ನೀಡಿದ್ದು, ಮಾಫಿಯಾ ಅಡ್ಡಾದಲ್ಲಿ ಏನೆಲ್ಲಾ ನಡೀತು ಅನ್ನೋದು ಸದ್ಯ ಟಾಕ್ ಆಫ್ ದಿ ಟೌನ್ ಆಗಿದೆ. ಪ್ರಜ್ಜು- ಶಿವಣ್ಣ ಭೇಟಿಯ ಅವಿಸ್ಮರಣೀಯ ಕ್ಷಣಗಳು ನಿಮಗಾಗಿ ಕಾಯ್ತಿದೆ.
ಹೃತಿಕ್ ಕ್ರಿಶ್ ಮಾಸ್ಕ್ ಧರಿಸಿ ಬಂದ ಹ್ಯಾಂಡ್ಸಮ್ ಹೀರೋ
ಆ- 12ಕ್ಕೆ ಮೂರು ಶೇಡ್ಗಳಲ್ಲಿ ಡೈನಾಮಿಕ್ ಪ್ರಿನ್ಸ್ ಅಬ್ಬರ
ಮಾಫಿಯಾ ಅಡ್ಡಾದಲ್ಲಿ ಕರುನಾಡ ವೇದ ಶಿವಣ್ಣ ಕಲರವ
ಮತ್ತೆ ಖಾಕಿ ಖದರ್ನಲ್ಲಿ ಗನ್ ಹಿಡಿದು ಘರ್ಜಿಸಿದ ಪ್ರಜ್ಜು..!
ಇದು ರೀಸೆಂಟ್ ಆಗಿ ರಿಲೀಸ್ ಆಗಿರೋ ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ರ ಅಬ್ಬರ ಟೀಸರ್ನ ಹೈ ವೋಲ್ಟೇಜ್ ಆ್ಯಕ್ಷನ್ ಅಬ್ಬರ. ಸೋಶಿಯಲ್ ಮೀಡಿಯಾಗಳಲ್ಲಿ ಅಬ್ಬರಿಸ್ತಿರೋ ಈ ಒಂದೇ ಒಂದು ಟೀಸರ್, ಸಿನಿಮಾ ಮೇಲಿನ ನಿರೀಕ್ಷೆಯನ್ನು ಡಬಲ್ ಮಾಡಿದೆ. ಮೂರು ವಿಭಿನ್ನ ಗೆಟಪ್ಗಳಲ್ಲಿ ಮಿಂಚ್ತಿರೋ ಪ್ರಜ್ವಲ್ ದೇವರಾಜ್, ಮೊದಲ ಬಾರಿಗೆ ಕ್ರಿಶ್ ಲುಕ್ನಲ್ಲಿ ಕಾಣಿಸಿಕೊಂಡು ಸರ್ಪ್ರೈಸ್ ಕೊಟ್ಟಿದ್ದಾರೆ.
ಟೀಸರ್ನಲ್ಲಿ ಕಬ್ಬಿಣದ ಸರಪಳಿ ಹಿಡಿದು ರೌಡಿಗಳನ್ನ ಬೆಂಡೆತ್ತೋ ದೃಶ್ಯಗಳು ಅದ್ಭುತವಾಗಿ ಮೂಡಿ ಬಂದಿವೆ. ಟೀಸರ್ಪೂರ್ತಿ ರೋಚಕ ಆ್ಯಕ್ಷನ್ ಸೀನ್ಗಳಿದ್ದು, ಸಿನಿಮಾದ ಬಗ್ಗೆ ಕುತೂಹಲ ಹುಟ್ಟು ಹಾಕಿದೆ. ಕೆ ರಾಮ್ನಾರಾಯಣ್ ನಿರ್ದೇಶನದಲ್ಲಿ ಅಬ್ಬರ ಸಿನಿಮಾ ತಯಾರಾಗ್ತಿದ್ದು. ಪಕ್ಕಾ ಆ್ಯಕ್ಷನ್ ಎಂಟರ್ಟೈನರ್ ಸಿನಿಮಾ ಇದಾಗಲಿದೆ. ಪ್ರಜ್ಜು ಜೊತೆ ಮೂವರು ನಾಯಕಿಯರು ರೊಮ್ಯಾನ್ಸ್ ಮಾಡಲಿದ್ದು, ಸಿನಿಮಾ ಇದೇ ಆಗಸ್ಟ್ 12ಕ್ಕೆ ಬಿಗ್ ಸ್ಕ್ರೀನ್ ಮೇಲೆ ರಾರಾಜಿಸಲಿದೆ.
ಇನ್ಸ್ಪೆಕ್ಟರ್ ವಿಕ್ರಮ್ ಬಳಿಕ ಪ್ರಿನ್ಸ್ ಪ್ರಜ್ವಲ್ ಮಗದೊಮ್ಮೆ ಖಾಕಿ ತೊಟ್ಟು ಲಾಠಿ ಹಿಡಿದಿದ್ದಾರೆ. ಗನ್ ಹಿಡಿದು ಘರ್ಜಿಸೋಕೆ ಸಜ್ಜಾಗ್ತಿದ್ದಾರೆ. ಪ್ರಜ್ವಲ್ ತಂದೆ ಡೈನಾಮಿಕ್ ಹೀರೋ ದೇವರಾಜ್ ಕೂಡ ಈ ಸಿನಿಮಾಗಾಗಿ ಬಣ್ಣ ಹಚ್ಚಿರೋದು ವಿಶೇಷ. ಲೋಹಿತ್ ನಿರ್ದೇಶನದಲ್ಲಿ ಅದ್ಧೂರಿಯಾಗಿ ಸಿನಿಮಾ ತಯಾರಾಗ್ತಿದೆ. ಇತ್ತೀಚೆಗೆ ಮಾಫಿಯಾ ಸಿನಿಮಾದ ಶೂಟಿಂಗ್ ನಗರದ ಹೆಚ್ಎಂಟಿ ಆವರಣದಲ್ಲಿ ನಡೆಯುತ್ತಿತ್ತು. ವಿಶೇಷ ಅಂದ್ರೆ ಕರುನಾಡ ಚಕ್ರವರ್ತಿ ಶಿವಣ್ಣ ಅವ್ರ ವೇದ ಚಿತ್ರೀಕರಣ ಕೂಡ ಹೆಚ್ಎಂಟಿಯಲ್ಲೇ ನಡೀತಿದೆ.
ಅಲ್ಲೇ ಇದ್ದ ಶಿವರಾಜ್ಕುಮಾರ್ರನ್ನ ಕಂಡು ಓಡೋಡಿ ಬಂದ ಪ್ರಜ್ವಲ್ ದೇವರಾಜ್, ಶಿವಣ್ಣನ ಪ್ರೀತಿಯಿಂದ ಅಪ್ಪಿಕೊಂಡು ಕುಶಲೋಪಹರಿ ಹಂಚಿಕೊಂಡಿದ್ದಾರೆ. ಅಲ್ಲಿಗೆ ಮಾಫಿಯಾ ಮೀಟ್ಸ್ ವೇದ ಅಂದಂಗಾಯ್ತು. ಇದ್ರಿಂದ ಮಾಫಿಯಾ ತಂಡಕ್ಕೆ ಆನೆಬಲ ಬಂದಂತಾಗಿದೆ. ಪ್ರಜ್ವಲ್ ದೇವರಾಜ್ ಗೆಟಪ್, ಖಾಕಿ ಖದರ್ ಸೇರಿದಂತೆ ಮಾಫಿಯಾ ತಂಡಕ್ಕೆ ಶಿವಣ್ಣನಿಂದ ಮೆಚ್ಚುಗೆ ವ್ಯಕ್ತವಾಯ್ತು.
ಮಾಫಿಯಾ ಚಿತ್ರಕ್ಕಾಗಿ ಪ್ರಜ್ವಲ್ ಎರಡು ವರ್ಷಗಳಿಂದ ಬೆಳೆಸಿದ್ದ ಲಾಂಗ್ ಹೇರ್ನ ತ್ಯಾಗ ಮಾಡಿದ್ದಾರೆ. ಹೇರ್ಕಟ್ ಮಾಡಿಸಿ ವಿಭಿನ್ನ ಗೆಟಪ್ನಲ್ಲಿ ಕಾಣಿಸಿದ್ದಾರೆ. ಸಿನಿಮಾದ ನಾಯಕಿ ಅದಿತಿ ತನಿಖಾ ಪತ್ರಕರ್ತೆಯಾಗಿ ಮಿಂಚಿದ್ದಾರೆ. ಈ ಸಿನಿಮಾಗೆ ಕುಮಾರ್ ಬಂಡವಾಳ ಹೂಡಿದ್ದು, ಸಾಧುಕೋಕಿಲ ಸೇರಿದಂತೆ ಹಿರಿಯ ಕಲಾವಿದರು ಬಣ್ಣ ಹಚ್ಚಿದ್ದಾರೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ