ಆಮೀರ್ ಖಾನ್ ಸಿನಿಮಾಗಳಂದ್ರೆ ಒತ್ತಾಗಿ ಹೆಚ್ಚು ಹೇಳಬೇಕಾಗಿಲ್ಲ. ಅವ್ರ ಹಾರ್ಡ್ ವರ್ಕ್, ಡೆಡಿಕೇಷನ್ಗೆ ಯಾವ ನಟರೂ ಸಾಟಿಯಾಗಲ್ಲ. ಸಿನಿಮಾ ಮಿಸ್ಟರ್ ಪರ್ಫೆಕ್ಟ್ಗೆ ಒಮದು ತಪಸ್ಸು ಇದ್ದಂತೆ. ಅದಕ್ಕಾಗಿ ಅವರು ಹಾಕೋ ಏಫರ್ಟ್ ನೆಕ್ಸ್ಟ್ ಲೆವೆಲ್ ಇರುತ್ತೆ. ಇದೀಗ ಲಾಲ್ ಸಿಂಗ್ ಚಡ್ಡಾ ಸಿನಿಮಾ ಸರತಿ. ಈ ಸಿನಿಮಾದ ಪ್ರೀಮಿಯರ್ ಶೋನಾ ಟಾಲಿವುಡ್ನ ಘಟಾನುಘಟಿಗಳು ಎಂಜಾಯ್ ಮಾಡಿದ್ದಾರೆ. ಇವ್ರ ಮುಂದೆ ಮಿಸ್ಟರ್ ಪರ್ಫೆಕ್ಟ್ ಗಳಗಳನೆ ಕಣ್ಣೀರಾಕಿದ್ದಾರೆ. ಯೆಸ್.. ಆಮೀರ್ ಅತ್ತಿದ್ಯಾಕೆ ಗೊತ್ತಾ..?
ಹೈದ್ರಾಬಾದ್ನಲ್ಲಿ ಲಾಲ್ಸಿಂಗ್ ಸ್ಪೆಷಲ್ ಪ್ರೀಮಿಯರ್..!
ರಾಜಮೌಳಿ, ಚಿರಂಜೀವಿ ಮುಂದೆ ಆಮೀರ್ ಕಣ್ಣೀರು
ಮಿಸ್ಟರ್ ಪರ್ಫೆಕ್ಟ್ ತಬ್ಬಿ ಸಮಾಧಾನ ಮಾಡಿದ ಮೆಗಾಸ್ಟಾರ್
ಸಿನಿಮಾ ಬಗ್ಗೆ ಪಾಸಿಟಿವ್ ಕಮೆಂಟ್ಸ್.. ತಾರೆಯರ ಗುಣಗಾನ
ಬಾಲಿವುಡ್ನಲ್ಲಿ ಸಿಕ್ಕಾಪಟ್ಟೆ ಹಿಟ್ ಸಿನಿಮಾಗಳನ್ನು ಕೊಟ್ಟಿರೋ ಮಿಸ್ಟರ್ ಪರ್ಫೆಕ್ಟ್ ತಾಕತ್ತಿನ ಬಗ್ಗೆ ಎಲ್ಲರಿಗೂ ಗೊತ್ತಿದೆ. ಸಿನಿಮಾಗಳ ಆಯ್ಕೆಯ ವಿಚಾರದಲ್ಲಿ ಆಮೀರ್ ಸಕತ್ ಚ್ಯೂಸಿ. ಅವ್ರು ತೆರೆಯ ಮೇಲೆ ನಟಭಯಂಕರ. ಆ್ಯಕ್ಟಿಂಗ್, ಎಮೋಷನ್ಸ್ ಎಲ್ಲಾ ವಿಭಾಗದಲ್ಲೂ ಚಚ್ಚಿ ಬಿಸಾಕಿಬಿಡುವ ಪ್ರತಿಭಾನ್ವಿತ ಕಲಾವಿದ ಅಮೀರ್ ಖಾನ್. ಇದೀಗ ಅವ್ರ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ ಲಾಲ್ ಸಿಂಗ್ ಚಡ್ಡಾ ತೆರೆಗೆ ಬರೋಕೆ ದಿನ ಎಣಿಸ್ತಿದೆ.
ಹಾಲಿವುಡ್ನ ಫಾರೆಸ್ಟ್ ಗಂಪ್ ಚಿತ್ರದ ಹಿಂದಿ ರಿಮೇಕ್ ಲಾಲ್ಸಿಂಗ್ ಚಡ್ಡಾ. ಈ ಸಿನಿಮಾ ರಿಲೀಸ್ಗೂ ಮುನ್ನ ಟಾಲಿವುಡ್ ಸ್ಟಾರ್ಗಳಿಗಾಗಿ ಪ್ರೀಮಿಯರ್ ಶೋ ಆಯೋಜನೆ ಮಾಡಿತ್ತು. ಈ ಸ್ಪೆಷಲ್ ಶೋ ನೋಡಿ ಸೆಲೆಬ್ರಿಟಿ ಎದುರೇ ಅಮೀರ್ ಗಳಗಳನೆ ಅತ್ತುಬಿಟ್ರು. ಯೆಸ್.. ನಾಗಚೈತನ್ಯ, ನಾಗಾರ್ಜುನ, ನಿರ್ದೇಶಕ ಎಸ್.ಎಸ್. ರಾಜಮೌಳಿ, ಪುಷ್ಫ ಡೈರೆಕ್ಟರ್ ಸುಕುಮಾರ್ ಈ ಸ್ಪೆಷಲ್ ಶೋಗೆ ಸ್ಪೆಷಲ್ ಗೆಸ್ಟ್ ಆಗಿದ್ರು. ಈ ಶೋ ನೋಡಿದ ಮೇಲೆ ಆಮೀರ್ ಖಾನ್ ಭಾವುಕರಾಗಿಬಿಟ್ರು. ಇದೀಗ ಈ ವೀಡಿಯೋ ಸಖತ್ ವೈರಲ್ ಆಗಿದ್ದು ಸಖತ್ ಸೌಂಡ್ ಮಾಡ್ತಿದೆ.
ಬಾಲಿವುಡ್ ಸೂಪರ್ ಸ್ಟಾರ್ ಆಗಿರೋ ಆಮೀರ್ ಖಾನ್, ಟಾಲಿವುಡ್ ತಾರೆಯರಿಗೆ ಆಹ್ವಾನ ಕೊಟ್ಟಿದ್ದು ಎಲ್ಲರಿಗೂ ಅಚ್ಚರಿ ಮೂಡಿಸಿದೆ. ಲಾಲ್ಸಿಂಗ್ ಚಡ್ಡಾ ಸಿನಿಮಾದಲ್ಲಿ ಸ್ಪೆಷಲ್ ರೋಲ್ನಲ್ಲಿ ತೆಲುಗು ನಟ ನಾಗಚೈತನ್ಯ ಕಾಣಿಸಿಕೊಳ್ತಿದ್ದಾರೆ. ಹಾಗಾಗಿ ಟಾಲಿವುಡ್ಗೂ ಆಮೀರ್ಗೂ ಎಲ್ಲಿಲ್ಲದ ಪ್ರೀತಿಯ ನಂಟು ಶುರುವಾಗಿದೆ. ಈ ಸಿನಿಮಾದ ಪ್ರಮೋಷನ್ಗೆ ಈ ಸನ್ನಿವೇಶ ಎನರ್ಜಿಟಿಕ್ ಕಿಕ್ಸ್ಟಾರ್ಟ್ ಕೊಟ್ಟಿದೆ.
ಎಲ್ಲರೂ ಸ್ವಲ್ಪ ಹೊತ್ತು ಹರಟೆ ಹೊಡೆದು ನಂತ್ರ, ಸಿನಿಮಾ ವೀಕ್ಷಣೆ ಮಾಡಿದ್ರು. ಎಲ್ಲರೂ ಸಖತ್ ಪಾಸಿಟಿವ್ ಆಗಿ ರಿಯಾಕ್ಟ್ ಮಾಡಿದ್ದಾರೆ. ಜೊತೆಗೆ ಚಿರಂಜೀವಿ ಕೂಡ ಸಖತ್ ಎಗ್ಸೈಟ್ ಆಗಿದ್ರು. ಸುಕುಮಾರ್, ರಾಜಮೌಳಿ ಸಿನಿಮಾದ ಕಲವು ಅಮೇಜಿಂಗ್ ದೃಶ್ಯಗಳ ಬಗ್ಗೆ ಚರ್ಚೆ ಮಾಡ್ತಾ ಇದ್ದರು. ಈ ಸನ್ನಿವೇಶದಲ್ಲಿ ಭಾವುಕರಾಗಿದ್ದ ಆಮೀರ್ ಕಣ್ಣೀರಾಕಿದ ಪ್ರಸಂಗ ಕೂಡ ನಡೆಯಿತು. ತಕ್ಷಣಕ್ಕೆ ಮೆಗಾಸ್ಟಾರ್ ತಬ್ಬಿಕೊಂಡು ಸಮಾಧಾನ ಮಾಡಿದ್ದಾರೆ.
ಲಾಲ್ಸಿಂಗ್ ಚಡ್ಡಾ ಆಗಸ್ಟ್ 11ಕ್ಕೆ ವರ್ಲ್ಡ್ ವೈಡ್ ರಿಲೀಸ್ ಆಗ್ತಿದೆ. ಕಾಲಿಲ್ಲದ ಸಾಮಾನ್ಯ ವ್ಯಕ್ತಿಯ ಅಸಮಾನ್ಯ ಕಥೆ ಇದಾಗಿದ್ದು, ಸಖತ್ ನಿರೀಕ್ಷೆ ಮೂಡಿಸಿದೆ. ಈ ಸಿನಿಮಾದ ನಾಯಕಿಯಾಗಿ ಕರೀನಾ ಕಪೂರ್ ಕಾಣಿಸಿದ್ದಾರೆ. ಅದ್ವೈತ್ ಚಂದನ್ ನಿರ್ದೇಶನದಲ್ಲಿ ಸಿನಿಮಾ ಅದ್ಭುತವಾಗಿ ಮೂಡಿ ಬಂದಿದೆಯಂತೆ. ಈ ಸಿನಿಮಾಗೆ ಆಮೀರ್ ಹಾಗೂ ಅವ್ರ ಮಾಜಿ ಪತ್ನಿ ಕಿರಣ್ ರಾವ್ ಕೂಡ ಬಂಡವಾಳ ಹೂಡಿದ್ದು, ಎಲ್ಲರ ಕುತೂಹಲ ಕೆರಳಿಸಿದೆ. ಮಿಸ್ಟರ್ ಪರ್ಫೆಕ್ಟ್ಗೂ ಈ ಸಿನಮಾ ಸ್ಪೆಷಲ್ ಆಗಿರೋದ್ರಿಂದ ಬಾಕ್ಸ್ ಆಫೀಸ್ ಲೂಟಿ ಮಾಡುತ್ತಾ ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ