ಬೆಂಗಳೂರು ಗ್ರಾಮಾಂತರ: ಏರ್ಪೋರ್ಟ್ಗೆ ಮೆಟ್ರೋ ಬರ್ತಿದ್ದಂತೆ ಸಿಟಿ ಕನೆಕ್ಟಿವಿಟಿ ಈಜಿಯಾಗುತ್ತೆ ಅಂತ ಅವ್ರೆಲ್ಲಾ ಕನಸು ಕಾಣ್ತಿದ್ರು. ಆದ್ರೆ, ಅವ್ರಿಗೆ ಮೆಟ್ರೋ ನಿರಾಸೆ ಮಾಡ್ತಿದೆ. ಏರ್ಪೋರ್ಟ್ ಮಾರ್ಗದಲ್ಲಿ ಬರೋ ಊರ ಜನ್ರಿಗೆ, ತಮ್ಮ ಊರಲ್ಲೇ ಮೆಟ್ರೋ ಹೋಗ್ತಿದ್ರು ಟ್ರೈನ್ ಹತ್ತೋ ಭಾಗ್ಯ ಇಲ್ಲದಂತಾಗಲಿದೆ ಹಾಗಾದ್ರೆ ಅದ್ಯಾಕೆ ಅಂತೀರಾ..? ಈ ಸ್ಟೋರಿ ನೋಡಿ.
ವಿಮಾನ ನಿಲ್ದಾಣಕ್ಕೆ ಮೆಟ್ರೋ ಮಾರ್ಗ ಫೈನಲ್ ಆಗ್ತಿದ್ದಂತೆ ಏರ್ಪೋರ್ಟ್ ಪ್ರಯಾಣಿಕರಿಗಿಂತ ಖುಷಿ ಪಟ್ಟವರು ಬೆಂಗಳೂರಿನ ಬಳ್ಳಾರಿ ರಸ್ತೆ ಸುತ್ತಲಿನ ಗ್ರಾಮಸ್ಥರು. ಮೆಟ್ರೋ ಬಂದ್ಬಿಡುತ್ತೆ 10 ನಿಮಿಷಕ್ಕೆ ಸಿಟಿ ಸೆಂಟರ್ ಸೇರಬಹುದು ಅಂತ ಕನಸು ಕಾಣ್ತಿದ್ರು. ಆದ್ರೆ, ಈ ಊರ ಮಂದಿಗೆ BMRCL ನಿರಾಸೆ ಮಾಡಿದೆ. ಎಲ್ಲಾ ಊರಿಗೆ ಮೆಟ್ರೋ ಟ್ರ್ಯಾಕ್ ಬರ್ತಿದೆ. ಆದ್ರೆ, ಸ್ಟೇಷನ್ಸ್ ಬರ್ತಿಲ್ಲ. ಹೀಗಾಗಿ ಜನ್ರಿಗೆ ನಿರಾಸೆ ಮೂಡಿಸಿದೆ BMRCL. ಏರ್ಪೋರ್ಟ್ಗೆ ಈಗಾಗಲೇ ಮೆಟ್ರೋ ಆರಂಭವಾಗಿದ್ದು, ಹೆಚ್ಚುವರಿ ನಿಲ್ದಾಣಗಳನ್ನು ಮಾಡೋಕೆ ನಮ್ಮ ಮೆಟ್ರೋ ಆಸಕ್ತಿ ತೋರುತ್ತಿಲ್ಲ. ಹೀಗಾಗಿ ಅವರೆಲ್ಲಾ ಈ ಮೊದಲು ಹೇಗೆ ಮೆಟ್ರೋ ಕಿಲೋಮೀಟರ್ಗೆ ಒಂದರಂತೆ ನಿಲ್ದಾಣ ನಿರ್ಮಿಸ್ತಿತ್ತೋ ಅದೇ ರೀತಿ ಈ ಮಾರ್ಗದಲ್ಲೂ ಮಾಡಲಿ. ಇನ್ನೂ ಕಾಲ ಮಿಂಚಿಲ್ಲ ಅಂತ ಹೇಳ್ತಿದ್ದಾರೆ.
ಸದ್ಯ ಹೆಬ್ಬಾಳ ಟು ಏರ್ಪೋರ್ಟ್ ಮಧ್ಯೆ ಕೊಡಿಗೆಹಳ್ಳಿ ಕ್ರಾಸ್, ಜಕ್ಕೂರು ಕ್ರಾಸ್, ಕೋಗಿಲು ಕ್ರಾಸ್, ಬಾಗಲೂರು ಕ್ರಾಸ್ ಬೆಟ್ಟದ ಹಲಸೂರು, ಟ್ರೆಂಪೆಟ್ ಜಂಕ್ಷನ್ನಲ್ಲಿ ಮೆಟ್ರೋ ನಿಲ್ದಾಣಗಳು ಬರಲಿವೆ. ನಿಲ್ದಾಣಗಳ ಮಧ್ಯೆ ಸರಾಸರಿ 4.5 ಕಿಲೋಮೀಟರ್ ಅಂತರ ಇರಲಿದೆ. ಆದ್ರೆ, ಮೆಟ್ರೋ ಮಾತ್ರ ಹಳೆ ಪ್ಲ್ಯಾನ್ನಂತೆ ನಾವು ಕೆಲಸ ಮಾಡುತ್ತಾ ಇದೀವಿ ಅಂತ ಹೇಳ್ತಿದೆ.
ಒಟ್ಟಿನಲ್ಲಿ ಮೆಟ್ರೋ ಬಂತು ಅಂತ ಖುಷಿಯಲ್ಲಿದ್ದ ಜನ್ರಿಗೆ ಈಗ ನಿಲ್ದಾಣ ಇಲ್ವಲ್ಲಾ ಅನ್ನೋ ಬೇಸರ ಹೆಚ್ಚಾಗಿದೆ. ವೇಗವಾಗಿ ಬೆಳೆಯುತ್ತಿರೋ ಈ ಮಾರ್ಗದಲ್ಲಿ ನಿಲ್ದಾಣಗಳನ್ನು ಕಡಿಮೆ ಮಾಡ್ತಿರೋದಕ್ಕೆ ಮೆಟ್ರೋ ಮುಂದಿನ ದಿನಗಳಲ್ಲಿ ದುಬಾರಿ ಬೆಲೆ ತೆರಬೇಕಾದ ಸಾಧ್ಯತೆ ಇದೆ.
ಕೃಷ್ಣಮೂರ್ತಿ, ಪವರ್ ಟಿವಿ, ಬೆಂಗಳೂರು