ಮಾಸ್ ಜೋಡಿ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಂಡ್ರೆ ಅಭಿಮಾನಿಗಳಂತೂ ಹಬ್ಬದೂಟ. ಇದೀಗ ಘಟಾನುಘಟಿ ತಾರೆಯರು ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಂಡು ಪ್ರೇಕ್ಷಕರನ್ನು ರಂಜಿಸೋಕೆ ತಯಾರಾಗಿದ್ದಾರೆ. ಈ ಮಾಸ್ ಜೋಡಿ ಒಂದಾಗ್ತಿರೋ ಸುದ್ದಿ ಬಿಂಕಿ ಬಿರುಗಾಳಿಗಿಂತ ವೇಗವಾಗಿ ಮೂಲೆ ಮೂಲೆಗಳಲ್ಲೂ ಸೌಂಡ್ ಮಾಡ್ತಿದೆ. ಅಬ್ಬಬ್ಬಾ..! ಎಂತಾ ಗುಡ್ ನ್ಯೂಸ್ ಅಂತಾ ಬಾಯಲ್ಲಿ ಬೆರಳಿಟ್ಟುಕೊಂಡಿರೋ ಅಭಿಮಾನಿಗಳಿಗೆ ಇನ್ನಷ್ಟು ಇಂಟ್ರೆಸ್ಟಿಂಗ್ ಮಾಹಿತಿ ತಿಳಿಸ್ತೀವಿ.
ಚಿರು 154ನಲ್ಲಿ ರವಿತೇಜಾ.. ಅನ್ನಯ್ಯ ಕಾಂಬೋ ರಿಪೀಟ್
ಮಾಸ್ ಮಹಾರಾಜ ಮತ್ತು ಮೆಗಾಸ್ಟಾರ್ ಮಸ್ತ್ ಕಾಂಬೋ
ಅನ್ನಯ್ಯ..! ಹಾಯ್ ಬ್ರದರ್..! ಕೈಕುಲುಕಿದ ಜೋಡಿ
ವೆಲ್ಕಮ್ ಬ್ರದರ್ ಎಂದು ಕೈಹಿಡಿದು ಸ್ವಾಗತಿಸಿದ ಚಿರು
ಹೆಸರಿಗೆ ತಕ್ಕಂತೆ ತಮ್ಮ ಯೌವ್ವನ, ಗ್ಲಾಮರಸ್, ಚಾರ್ಮಿಂಗ್ನಲ್ಲೂ ಸೂಪರ್ ಸ್ಟಾರ್ ಚಿರಂಜೀವಿ ಅವರದ್ದು, ಚಿರಂಜೀವಿಯ ತೇಜಸ್ಸು. ಹೌದು ನಾನು ಹೇಳ್ತಾ ಇರೋದು ಟಾಲಿವುಡ್ ಸೂಪರ್ ಸ್ಟಾರ್ ಚಿರಂಜೀವಿ ಬಗ್ಗೆ. ಮೊನ್ನೆಯಷ್ಟೆ ಮಗನ ಜೊತೆ ಕೈ ಜೋಡಿಸಿದ್ದ ಮೆಗಾಸ್ಟಾರ್, ಯುವನಟರು ಕೂಡ ನಾಚುವಂತೆ ಆ್ಯಕ್ಷನ್ ಮಾಡಿದ್ರು. ಆಚಾರ್ಯ ಸಿನಿಮಾ ನಂತ್ರ ಮುಂದೇನು ಅಂತಾ ಕಾಯ್ತಿದ್ದ ಫ್ಯಾನ್ಸ್ ಪಾಲಿಗೆ ಮೆಗಾ ಸುದ್ದಿಯೊಂದು ಹೊರ ಬಿದ್ದಿದೆ.
ಮೆಗಾಸ್ಟಾರ್ ಚಿರಂಜೀವಿ ಅವ್ರ ಮೆಗಾ 154 ಸಿನಿಮಾ ತಯಾರಾಗ್ತಿದೆ. ಇನ್ನೂ ಟೈಟಲ್ ಫೈನಲ್ ಆಗದೇ ಇರೋ ಈ ಚಿತ್ರದ ಪೋಸ್ಟರ್ ಸಖತ್ ಕ್ರೇಜ್ ಕ್ರಿಯೇಟ್ ಮಾಡಿದೆ. ಸೋಶಿಯಲ್ ಮೀಡಿಯಾಗಳಲ್ಲಿ ಟಾಪ್ ಟ್ರೆಂಡಿಂಗ್ನಲ್ಲಿರೋ ಈ ರೋಚಕ ಸುದ್ದಿ ಅಭಿಮಾನಿಗಳ ಪಾಲಿಗೆ ಮೆಗಾ ಗುಡ್ನ್ಯುಸ್ ಆಗಿದೆ. ಯೆಸ್.. ಮೆಗಾ 154 ಚಿತ್ರಕ್ಕೆ ಮಾಸ್ ಫೋರ್ಸ್ ರವಿತೇಜಾ, ಮೆಗಾ ಸ್ಟಾರ್ಮ್ ಚಿರಂಜೀವಿ ಜೊತೆಯಾಗಿ ಆ್ಯಕ್ಟ್ ಮಾಡ್ತಿದ್ದಾರೆ. ಅನ್ನಯ್ಯ ಕಾಂಬೋ ರಿಪೀಟ್ ಅಗ್ತಿರೋ ಸುದ್ದಿ ಕೇಳಿ ಫ್ಯಾನ್ಸ್ ಕೂಡ ಥ್ರಿಲ್ ಆಗಿದ್ದಾರೆ.
ಮುಂಬರುವ ಚಿರು ಚಿತ್ರಕ್ಕಾಗಿ ಮಾಸ್ ಮಹಾರಾಜ ರವಿತೇಜಾ ಜತೆಯಾಗ್ತಿದ್ದಂತೆ ಚಿತ್ರರಂಗದಲ್ಲಿ ಸೆನ್ಷೇಷನ್ ಕ್ರಿಯೇಟ್ ಆಗಿದೆ. ಸಿನಿಮಾದ ಕಥೆಯ ಬಗ್ಗೆ ಕುತೂಹಲ ಕೆರಳಿಸಿದೆ. ಈ ರೋಮಾಂಚಕ ಸುದ್ದಿಯನ್ನು ನಿರ್ದೇಶಕ ಕೆ.ಎಸ್ ರವೀಂದ್ರ ತಮ್ಮ ಸಾಮಾಜಿಕ ಖಾತೆಯಲ್ಲಿ ಹರಿಬಿಟ್ಟಿದ್ದಾರೆ. ಇದ್ರ ಜತೆಯಲ್ಲಿ ಬಾಬಿ, ನನ್ನ ಮೊದಲ ಹೀರೋ ಹಾಗೂ ನನ್ನ ಮೆಚ್ಚಿನ ಹೀರೋ ಇಬ್ಬರನ್ನು ಸ್ವಾಗತಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
ಕೆ.ಎಸ್ ರವೀಂದ್ರ ಅಲಿಯಾಸ್ ಬಾಬಿಗೆ ಈ ಇಬ್ಬರೂ ಸೂಪರ್ ಸ್ಟಾರ್ಗಳಿಗೆ ಡೈರೆಕ್ಟ್ ಮಾಡೋದೆ ಅದ್ಭುತ ಕ್ಷಣವಾಗಿದೆ. ಕೊನೆಯಲ್ಲಿ ನಿಮಗೆಲ್ಲಾ ಥಿಯೇಟ್ನಲ್ಲಿ ಮೆಗಾ ಮಾಸ್ ಆ್ಯಕ್ಷನ್ ಸೀಕ್ವೇನ್ಸ್ಗಳ ಭರ್ಜರಿ ಮನರಂಜನೆಯ ರಸದೌತಣ ನೀಡೋ ಭರವಸೆ ಕೊಡುತ್ತೇನೆ ಎಂದಿದ್ದಾರೆ.
ಇದ್ರ ಜತೆಯಲ್ಲಿ ಈ ಜೋಡಿಯ ವೀಡಿಯೋ ಕ್ಲಿಪ್ ಒಂದು ಸಖತ್ ವೈರಲ್ ಆಗಿದ್ದು, ಕ್ಯಾರಾವ್ಯಾನ್ ಒಳಗೆ ಚಿರಂಜೀವಿ ಕೂತಿದ್ದಾರೆ. ಬಾಗಿಲು ತಟ್ಟುವ ರವಿತೇಜಾ ಹಾಯ್ ಅನ್ನಯ್ಯ ಎಂದು ಕರೆಯುತ್ತಾರೆ. ತಕ್ಷಣಕ್ಕೆ ಹಾಯ್ ಬ್ರದರ್, ವೆಲ್ಕಮ್ ಎಂದು ಒಳಗೆ ಕರೆದುಕೊಳ್ಳುತ್ತಾರೆ. ಈ ವೀಡಿಯೋ ಕಿಚ್ಚು ಹಚ್ಚಿದ್ದು ಸಖತ್ ವೈರಲ್ ಆಗಿದೆ.
ರವಿತೇಜ ಕೂಡ ಟ್ವೀಟ್ ಮಾಡಿ, ಮೆಗಾಸ್ಟಾರ್ ಜತೆ ಆ್ಯಕ್ಟ್ ಮಾಡೋಕೆ ತುಂಬಾ ಸಂತೋಷವಾಗಿದೆ, ನಾನು ಕೂ ಉತ್ಸುಕನಾಗಿದ್ದೇನೆ ಎಂದಿದ್ದಾರೆ. ಈ ಮುಂಚೆ ಅನ್ನಯ್ಯ ಸಿನಿಮಾದಲ್ಲಿ ಈ ಜೋಡಿ ಒಂದಾಗಿತ್ತು. ಟಾಲಿವುಡ್ನಲ್ಲಿ ಈ ಸಿನಿಮಾ ಬ್ಲಾಕ್ ಬಸ್ಟರ್ ದಾಖಲೆ ಬರೆದಿತ್ತು. ಈ ಸಿನಿಮಾದಲ್ಲಿ ಚಿರು, ರವಿತೇಜಾ ಎಮೋಷನ್ ಸೀನ್ಸ್ ಸಖತ್ ಆಗಿ ವರ್ಕ್ ಆಗಿತ್ತು. ತುಂಬಾ ವರ್ಷಗಳ ನಂತ್ರ ಈ ಜೋಡಿ ಮತ್ತೆ ಒಂದಾಗ್ತಿದ್ದು, ಸಿನಿಮಾ ಮೇಲೆ ಭರವಸೆ ಮೂಡಿಸಿದೆ.
ಮೆಗಾ 154 ಸಿನಿಮಾದಲ್ಲಿ ಇಬ್ಬರೂ ಕೂಡ ಚಾಲೆಂಜಿಂಗ್ ರೋಲ್ ಲೀಡ್ ಮಾಡ್ತಿದ್ದಾರೆ. ಬಾಬಿ ನಿರ್ದೇಶನದಲ್ಲಿ ಮೈತ್ರಿ ಮೂವಿ ಮೇಕರ್ಸ್ ಸಿನಿಮಾ ನಿರ್ಮಾಣ ಮಾಡ್ತಿದ್ದಾರೆ. ಚಿತ್ರದಲ್ಲಿ ನಾಯಕಿಯಾಗಿ ಶ್ರುತಿ ಹಾಸನ್ ನಟಿಸ್ತಿದ್ದಾರೆ. ನವೀನ್ ಹಾಗೂ ರವಿಶಂಕರ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಸಿನಿಮಾ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಮೂಡಿದೆ. ಏನೆ ಇರಲಿ ಮೆಗಾ ಮಾಸ್ ಕಾಂಬೋ ಕಮಾಲ್ ನೋಡೋಕೆ ಸ್ವಲ್ಪ ದಿನ ವೆಯ್ಟ್ ಮಾಡಲೇಬೇಕು.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ