ರವಿಚಂದ್ರನ್ ಪುತ್ರ ಮನೋರಂಜನ್ಗೆ ಕಂಕಣ ಭಾಗ್ಯ ಕೂಡಿ ಬಂದಿದೆ. ಸದ್ಯದಲ್ಲೇ ಕ್ರೇಜಿಸ್ಟಾರ್ ಪ್ರೇಮಲೋಕದಲ್ಲಿ ಮದ್ವೆ ಚಪ್ಪರ ಬೀಳಲಿದೆ. ಮದ್ವೆ ಊಟ ಹಾಕಿಸೋಕೆ ಕ್ರೇಜಿ ಕುಟುಂಬ ತಯಾರಾಗ್ತಿದೆ. ಇತ್ತೀಚೆಗೆ ಮಗಳ ಮದ್ವೆಯನ್ನು ಅದ್ಧೂರಿಯಾಗಿ ಮಾಡಿದ್ದ ಕ್ರೇಜಿಸ್ಟಾರ್ ಮತ್ತೊಂದು ಮದ್ವೆ ಸಡಗರಕ್ಕೆ ಸಜ್ಜಾಗಿದ್ದಾರೆ. ಸ್ಯಾಂಡಲ್ವುಡ್ ಸಾಹೇಬನಿಗೆ ಜತೆಯಾಗೋ ಚೆಲುವೆ ಯಾರ್ ಗೊತ್ತಾ..?
ಕ್ರೇಜಿಸ್ಟಾರ್ ಮನೆಯಲ್ಲಿ ಮದ್ವೆ ಚಪ್ಪರ.. ಮುಹೂರ್ತ ಫಿಕ್ಸ್..!
ಸ್ಯಾಂಡಲ್ವುಡ್ ಸ್ಟಾರ್ ನಟಿ ಕೈ ಹಿಡಿತಾರಾ ಮನೋರಂಜನ್..?
ಆಗಸ್ಟ್ ಅಂತ್ಯಕ್ಕೆ ಪ್ರೇಮಲೋಕದಲ್ಲಿ ಪಿ..ಪಿ..ಪೀ.. ಡುಂ..ಡುಂ..ಡುಂ
ಮಂಗಳವಾದ್ಯದ ನಾದಸ್ವರ.. ಸದ್ಯದಲ್ಲೇ ಮಾಂಗಲ್ಯಂ ತಂತು ನಾನೇನ
ಚಂದನವನದಲ್ಲಿ ಸಾಲು ಸಾಲು ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟ ಸೋಲಿಲ್ಲದ ಸರದಾರ ಕ್ರೇಜಿಸ್ಟಾರ್ ರವಿಚಂದ್ರನ್. ಏಳು ಬೀಳುಗಳನ್ನು ತನ್ನ ಗೆಲುವೆಂದೇ ಸ್ವೀಕಾರ ಮಾಡೋ ಅಂಜದ ಗಂಡು. ಸಿನಿಮಾ ಬಿಟ್ಟು ಬೇರೆ ಪ್ರಪಂಚವನ್ನು ಕಲ್ಪನೆ ಕೂಡ ಮಾಡಿಕೊಳ್ಳದ ಕನಸುಗಾರನಿಗೆ ಮೂರು ಮುದ್ದಾದ ಮಕ್ಕಳಿದ್ದಾರೆ. ಇತ್ತೀಚೆಗೆ ಮಗಳ ಮದ್ವೆಯನ್ನು ಸ್ಟಾರ್ ಕಲಾವಿದರ ಸಮ್ಮುಖದಲ್ಲಿ ಅದ್ಧೂರಿಯಾಗಿ ಮಾಡಿದ್ದ ರವಿಚಂದ್ರನ್ ಮತ್ತೊಂದು ಮದ್ವೆಗೆ ಸಿದ್ಧತೆ ಮಾಡಿಕೊಳ್ತಿದ್ದಾರಂತೆ.
ಇಬ್ಬರು ಮಕ್ಕಳನ್ನು ಸ್ಯಾಂಡಲ್ವುಡ್ಗೆ ಗ್ರ್ಯಾಂಡ್ ಆಗಿ ಲಾಂಚ್ ಮಾಡಿದ್ದ ಕ್ರೇಜಿಸ್ಟಾರ್, ಮಕ್ಕಳ ಮೇಲೆ ಅಪಾರವಾದ ಕನಸು ಕಂಡಿದ್ದಾರೆ. ಇಡೀ ಕುಟುಂಬವೇ ಸಿನಿಮಾವನ್ನ ಉಸಿರಾಗಿಸಿಕೊಂಡಿದೆ. ಮನೋರಂಜನ್ ರವಿಚಂದ್ರನ್ ಈಗಾಗ್ಲೇ ಕನ್ನಡ ಚಿತ್ರರಂಗದಲ್ಲಿ ತನ್ನದೇ ಛಾಪು ಮೂಡಿಸಿದ್ದಾರೆ. ಸಾಹೇಬನಾಗಿ ಎಂಟ್ರಿ ಕೊಟ್ಟ ಮನೋರಂಜನ್, ಬೃಹಸ್ಪತಿಯಾಗಿ ಮೆರೆದು, ಮುಗಿಲ್ಪೇಟೆಯ ಹಮ್ಮೀರನಾಗಿ ಮಿಂಚಿದ್ದಾರೆ. ಇದೀಗ ಸಂಸಾರ ಸಾಗರದಲ್ಲಿ ಈಜೋಕೆ ರೆಡಿಯಾಗಿದ್ದಾರಂತೆ. ವೈದ್ಯಕೀಯ ಕ್ಷೇತ್ರದಲ್ಲಿ ಕೆಲಸ ಮಾಡೋ ಹುಡುಗಿಯ ಕೈ ಹಿಡಿಯಲಿದ್ದಾರಂತೆ ಮನೋರಂಜನ್.
ಶೀಘ್ರದಲ್ಲೇ ಕ್ರೇಜಿಸ್ಟಾರ್ ಮನೆಯಲ್ಲಿ ಮಂಗಳವಾದ್ಯ ಮೊಳಗುವ ಮಾಹಿತಿ ಸಿಕ್ಕಿದೆ.ಈ ಕುರಿತು ರವಿಚಂದ್ರನ್ ಅಧಿಕೃತವಾಗಿ ಹೇಳದಿದ್ದರೂ ಬಲ್ಲ ಮೂಲಗಳ ಪ್ರಕಾರ ಮದ್ವೆಗೆ ಸಕಲ ಸಿದ್ಧತೆ ನಡೀತಿದೆಯಂತೆ. ಮನೋರಂಜನ್ಗೆ ಸಂಗಾತಿಯಾಗಿ ವೈದ್ಯಕೀಯ ಕ್ಷೇತ್ರದಲ್ಲಿ ಕೆಲಸ ಮಾಡೋ ಹುಡುಗಿಯನ್ನು ಫಿಕ್ಸ್ ಮಾಡಲಾಗಿದೆ ಎನ್ನಲಾಗ್ತಿದೆ. ಸದ್ಯದಲ್ಲೇ ಹಸೆಮಣೆ ಏರಲಿದ್ದಾರೆ ಮನೋರಂಜನ್.
2019ರಲ್ಲಿ ಮಗಳ ಮದ್ವೆ ಮುಗಿದ ನಂತ್ರ ಕ್ರೇಜಿ ಕುಟುಂಬಲದಲ್ಲಿ ಯಾವ ಸಂಭ್ರಮದ ಕಾರ್ಯಕ್ರಮವೂ ನಡೆದಿರಲಿಲ್ಲ. ಇತ್ತೀಚೆಗೆ ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿ ಮಾಡ್ತಿದ್ದ ರವಿಚಂದ್ರನ್ ಅವ್ರ ತಾಯಿ ಕೂಡ ಇಹಲೋಕ ತ್ಯಜಿಸಿದ್ದರು. ಈ ನೋವಿನಿಂದ ಹೊರ ಬರೋಕೆ ಕ್ರೇಜಿಸ್ಟಾರ್ ತುಂಬಾ ದಿನಗಳ ಸಮಯ ತೆಗೆದುಕೊಂಡ್ರು. ಇವೆಲ್ಲಾ ಘಟನೆಗಳ ನಂತ್ರ ಮತ್ತೊಮ್ಮೆ ರಣಧೀರನ ಫ್ಯಾಮಿಲಿಯಲ್ಲಿ ಸಡಗರದ ಘಳಿಗೆ ಬಂದಿದೆ.
ಇತ್ತ ತ್ರಿವಿಕ್ರಮ ಸಿನಿಮಾ ಮೂಲಕ ಲಾಂಚ್ ಆದ ವಿಕ್ರಮ್ ರವಿಚಂದ್ರನ್ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳಲ್ಲಿ ಬ್ಯುಸಿ ಇರೋ ರವಿಚಂದ್ರನ್ ಕೂಡ ರಿಯಾಲಿಟಿ ಶೋಗಳಲ್ಲಿ ಜಡ್ಜ್ ಆಗಿ ನಿರತರಾಗಿದ್ದಾರೆ. ಇದೆಲ್ಲದರ ನಡುವೆ ರವಿಚಂದ್ರನ್, ಮಗನ ಮದ್ವೆಗೆ ತಯಾರಿ ನಡೆಸಿದ್ದಾರೆ. ಮಗಳ ಮದ್ವೆಯನ್ನ ಎಲ್ರೂ ನಾಚುವಂತೆ ಮಾಡಿದ್ದ ರವಿಚಂದ್ರನ್, ಹಿರಿಯ ಮಗನ ಮದ್ವೆಗೆ ಯಾರನ್ನೆಲ್ಲಾ ಕರೀತಾರೆ..? ಮದ್ವೆ ಸಂಭ್ರಮ ಹೇಗಿರುತ್ತೆ..? ಕಾದು ನೋಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
